Aves_da_cidade_de_Pontevedra_baja

GUÍA DAS AVES DE PONTEVEDRA
Xuvenil, © X. Vázquez Pumariño.
Índice xeral - Índice (nomes cientificos) - Índice (nomes galegos)
Ocasional, Non reprodutora, Nativa
114
Picanzo cabecirrubio
Lanius senator (Linnaeus, 1758)
picanzo rebordá, picanzo, cascarrollo, cazcarrollo
alcaudón común
woodchat shrike
Distribución e hábitat. Abundancia.
Global. Cría no sur de Europa, noroeste de África e Oriente Próximo ata
Irán. Pasa o inverno na África subsahariana. Pouco común (Del Hoyo et
al., 2008).
Península Ibérica. Galicia. Estendido por case toda a Iberia mediterránea,
ausentándose de zonas altas e da franxa cantábrica, así como de
boa parte de Galicia e do norte de Portugal. Habita contornos de matogueira
aberta, estepas, cultivos tradicionais e devesas, sempre que existan
abondosas sebes de arbustos espiñentos. En Galicia cría só no cuadrante
sueste, onde é escaso. Entre marzo e maio é habitual a observación de
migrantes no litoral.
Área de estudo. Un único rexistro na zona de estudo: un exemplar de
primeiro ano entre o 26 e o 30/8/2008 na Xunqueira de Alba (Cabaleiro,
2008a, r). Moi preto do límite suroeste da área considerada no presente
estudo, observouse un exemplar en migración en Praceres a comezos
dos 90 (P. Sanmartín & V. X. Cabaleiro, com. pers.).
Xestión da especie.
Fomentar a agricultura e a gandaría tradicional.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do picanzo cabecirrubio (Lanius senator) en Pontevedra no
ano 2008.
Páxina anterior - Páxina seguinte