Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Migradora, Non reprodutora, Nativa
63
Peto formigueiro
Jynx torquilla (Linnaeus, 1758)
retorcepescozo
torcecuello euroasiático, torcecuello
Eurasian wryneck, wryneck
Distribución e hábitat. Abundancia.
Global. Distribuído por Europa, norte de África e Oriente Próximo ata
Afganistán. Migradora, inverna na África subsahariana e, en escaso número,
no suroeste de Europa. Pouco común (Del Hoyo et al., 2002).
Península Ibérica. Galicia. Espallado polas zonas boscosas caducifolias
da metade norte da Península, e nalgúns puntos da metade sur. En Galicia
é pouco común, nidificando sobre todo en zonas de soutos e carballeiras
maduras da metade oriental. Moi estendido na migración posnupcial
(agosto-novembro), especialmente na franxa costeira, chegándose a observar
en toxeiras (Ulex) e cultivos litorais.
Área de estudo. Catro rexistros: un exemplar moi cedo o 13/2/2008 na
Xunqueira de Alba (Cabaleiro, 2008v) e outro no mesmo lugar o 5/10/2008
(Cabaleiro, 2008a), un xuvenil capturado para anelamento na Xunqueira
o 11/9/2009 e outro exemplar en hortas na zona do Marco o 6/9/2010
(V. X. Cabaleiro, com. pers.). Fóra da zona de estudo, houbo unha captura
para anelamento en zona de mosaico rural moi preto do río Lérez en
Verducido o día 14/9/2004 (P. Sanmartín, com. pers.). Non se descarta a
presenza regular da especie nos arredores da cidade durante a migración
posnupcial.
Xestión da especie.
Conservar árbores mortas e maduras nas masas forestais e fomentar a
agricultura tradicional e a gandaría extensiva.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do peto formigueiro (Jynx torquilla) en Pontevedra nos anos
2008 a 2010.
Páxina anterior - Páxina seguinte