Aves_da_cidade_de_Pontevedra_baja

GUÍA DAS AVES DE PONTEVEDRA
© C. D. Romay Cousido & E. Martínez Sabarís / Grupo de Anelamento Anduriña.
Índice xeral - Índice (nomes cientificos) - Índice (nomes galegos)
Migradora, Non reprodutora, Nativa
103
Papamoscas cincento
Muscicapa striata (Pallas, 1764)
trallo, trallón
papamoscas gris
spotted flycatcher
Distribución e hábitat. Abundancia.
Global. Cría en case toda Europa, noroeste de África e Oriente Próximo
ata Irán e o lago Baikal. Migradora, inverna na África subsahariana. Pouco
común (Del Hoyo et al., 2006).
Península Ibérica. Galicia. Como nidificante, repártese principalmente
pola metade oriental, con poboacións máis illadas no terzo norte. Estendido
por case toda a Península Ibérica durante as migracións, asociado
a masas de ribeira e sebes. En Galicia cría só no cuadrante sueste, onde
é escaso. Entre agosto e outubro é habitual a observación de migrantes
preto de zonas húmidas no interior e tamén no litoral.
Área de estudo. Dous rexistros recentes en Pontevedra: un exemplar de
primeiro ano o 30/8/2008 na Xunqueira de Alba (Cabaleiro, 2008a, r) e
tres aves o 22/9/2009 na zona do Marco (V. X. Cabaleiro, com. pers.).
Anteriormente, fora mencionado preto da estación de tren de Pontevedra
o 4/9/1990 (V. X. Cabaleiro, com. pers.) e, moi preto da área de estudo, en
Praceres o 1/9/1990 (Cabaleiro & Sanmartín, 2010a). Existen varias capturas
para anelamento recentes en Verducido, fóra xa da área de estudo
(P. Sanmartín, com. pers.).
Xestión da especie.
Conservar as masas de arborado de ribeira (amieiros, salgueiros maduros).
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do papamoscas cincento (Muscicapa striata) en Pontevedra nos
anos 2008 e 2009.
Páxina anterior - Páxina seguinte