Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Residente, Reprodutora, Nativa
50
Rula turca
Streptopelia decaocto (Frivaldszky, 1838)
rula portuguesa, rula de colar, rola
tórtola turca
Eurasian collared dove
Distribución e hábitat. Abundancia.
Global. Extraordinaria expansión areal ocorrida durante o século XX, partindo
de Oriente Próximo e sur de Asia. Agora, distribuída por case toda
Europa, Macaronesia e norte de África ata Corea e Tailandia. Colonizou
recentemente América do Norte. Residente. Moi común (Del Hoyo et al.,
1997).
Península Ibérica. Galicia. Repartida por toda a Península e Baleares
agás nas zonas de media e alta montaña. En Galicia é común sobre todo
no litoral e está en expansión, faltando aínda de certas áreas da metade
leste do país e das montañas. Nidifica en vilas e cidades, e, en número
crecente, tamén en aldeas. Atópase en parques e xardíns, e, fóra da
época de cría, tamén nos cultivos e prados da periferia inmediata destes
núcleos poboados.
Área de estudo. Moi frecuente en determinadas áreas, anotouse unha
densidade absoluta de 21,8 aves/10 ha en parque urbano en maio, e un
índice de abundancia (aves/km) en maio de 6,0 en ripisilva, 26,8 en parque
urbano arborado e 32,0 en zonas de cultivos, xardíns e casas dispersas
da periferia. Fóra da época de cría obtivéronse valores en ripisilva moi
urbanizada de 15,2 aves/km a comezos de outubro e de 8,9 a mediados
dese mes, con valores baixos (1,0 aves/km) tamén a mediados de outubro
en ripisilva pouco urbanizada.
Houbo un rexistro de máis de 130 aves na Xunqueira de Alba o 21/12/2008
(Casalderrey & Sanmartín, 2008a), cifra moi notable incluso no contexto
galego. Tamén subliñar 38 individuos no Marco o 11/12/2008 (Cabaleiro,
2008g) e 32 aves xuntas no mes de agosto de 2000 en Alba (Piñeiro,
2000e). Ademais, recompiláronse datos de pequenos durmidoiros: en outubro
de 2008, había oito aves a carón do Gafos preto de Ponte Boleira
(punto “a”) e polo menos tres aves ao solpor nunha árbore da rúa Antonio
Taboada (Campolongo) (punto “b” no mapa).
Xestión da especie.
Ningunha medida concreta para esta especie.
Especie Ano Mes
Streptopelia
decaocto
Hábitat
(lugar)
Itinerarios
nese
hábitat
Densidade
(aves/10 ha)
IKA
(aves/
km)
2008 Maio Ripisilva 2 - 6,0
Parque urbano 1 - 26,8
Mosaico rural 1 - 32,0
Outubro Ripisilva moi urbanizada 2 - 15,2
Ripisilva moi urbanizada 2 - 8,9
[bis]
Ripisilva pouco urbanizada 2 - 1,0
2010 Maio-xuño Aldea 4 3,6 1,8
Canaval 2 0,0 0,9
Mosaico rural 7 10,0 7,3
Parque urbano 2 21,8 8,2
Ribeiras fluviais
5 0,9 0,7
desarboradas
Ripisilva 8 4,8 2,5
Zona urbanizada 14 2,6 1,6
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da rula turca (Streptopelia decaocto) en Pontevedra nos anos
2008 a 2010.
Páxina anterior - Páxina seguinte
Táboa 14. Abundancia da rula turca (Streptopelia decaocto) en Pontevedra nos anos 2008 e 2010.