Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Residente, Reprodutora, Nativa
76
Merlo rieiro
Cinclus cinclus (Linnaeus, 1758)
lavacú, melro rieiro, merlo/melro de río, merlo/
melro troiteiro
mirlo-acuático común, mirlo acuático
black-bellied dipper
Distribución e hábitat. Abundancia.
Global. Cría a través de case toda Europa, Asia Menor, e oeste e centro
de Asia ata o lago Baikal e China. Residente. Común localmente (Del Hoyo
et al., 2005).
Península Ibérica. Galicia. Repartido de modo continuo polo extremo
norte ibérico, desde Galicia ao nordeste de Castela e León, continuando
por Navarra ata os Pirineos oscenses e cataláns. Tamén en sistemas
montañosos da zona central e meridional ibérica. En Galicia é común e
distribúese por case todo o país, agás nas proximidades do litoral, sendo
numeroso en áreas de media montaña da provincia de Lugo. Depende
de ríos de augas limpas e rápidas, ocasionalmente tamén visita zonas
remansadas.
Área de estudo. Localizado no río Lérez na parroquia de Lérez (extremo
noreste da zona de estudo), sen evidencias de cría ata a data. Houbo unha
captura excepcional para anelamento dun xuvenil no centro da Xunqueira
de Alba en outubro de 2009 (V. X. Cabaleiro, com. pers.). Outro xuvenil
sería capturado moi preto da área de estudo no tramo medio do río Rons
no outono de 2010 (V. X. Cabaleiro, com. pers.).
Xestión da especie.
É moi importante manter a calidade das augas dos ríos, evitando na medida
do posible a construción de barreiras nestes e respectando o arborado
das ribeiras.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do merlo rieiro (Cinclus cinclus) en Pontevedra nos anos 2008
e 2010.
Páxina anterior - Páxina seguinte