Aves_da_cidade_de_Pontevedra_baja

GUÍA DAS AVES DE PONTEVEDRA
Adulto nupcial, © A. Fontoira García.
Índice xeral - Índice (nomes cientificos) - Índice (nomes galegos)
Ocasional, Non reprodutora, Nativa
32
Pilro común
Calidris alpina (Linnaeus, 1758)
pilro curlibico, bilurico, mazarico
correlimos común
dunlin
Distribución e hábitat. Abundancia.
Global. Cría nas zonas árticas e subárticas do hemisferio norte, ao norte
do paralelo 60º N, e, en Europa, tamén en zonas arredor do Báltico e nas
illas Británicas. Migratoria, inverna sobre todo no litoral europeo e africano.
Común (Del Hoyo et al., 1996).
Península Ibérica. Galicia. Non cría na Península, sendo común fóra da
época de cría en zonas de marismas litorais e grandes humidais interiores.
En Galicia inverna na costa, coas mellores concentracións nas rías de
Arousa e Ortigueira.
Área de estudo. Ocasional na zona. No intermareal de Mollabao, preto da
ponte da autoestrada AP-9 sobre o río Lérez, hai un rexistro moi recente
de dous individuos o día 20/12/2010, con seguridade exemplares desprazados
desde a enseada de Lourido (nesa data había 50 exemplares no
lugar), onde a especie é habitual. Neste mesmo punto houbo unha mención
en migración no ano 2008. No grande areal de Lourido (moi próximo
á área de estudo) contáronse 116 exemplares en decembro do 2008
(invernada), e 102 en marzo dese mismo ano (migración). No intermareal
da enseada da Seca (Poio) os números de pilro común adoitan ser máis
discretos que en Lourido (E. González, com. pers.).
Xestión da especie.
Evitar a contaminación do litoral. Os recheos costeiros poden incidir negativamente
nesta e noutras limícolas, polo menos puntualmente.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do pilro común (Calidris alpina) en Pontevedra no ano 2008.
Páxina anterior - Páxina seguinte