Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Invernante, Non reprodutora, Nativa
71
Pica alpina
Anthus spinoletta (Linnaeus, 1758)
pica patinegra alpina
bisbita alpino, bisbita ribereño alpino
water pipit
Distribución e hábitat. Abundancia.
Global. Cría nos macizos montañosos do sur de Europa, Cáucaso e Asia
Menor ata o Himalaia, invernando en vales e litorais próximos. Común en
xeral (Del Hoyo et al., 2004).
Península Ibérica. Galicia. Nidifica no terzo norte de Galicia, Cordal Cantábrico,
Pirineos, Sistema Ibérico, Sistema Central e, esporadicamente,
en Sierra Nevada. Inverna en zonas baixas de case toda a Península, especialmente
nos humidais do terzo norte. En Galicia é pouco común en
xeral, criando entre a serra da Capelada e o Xistral, e tamén nos Ancares,
Courel, Trevinca e Macizo Central. Como invernante, estendido pero só
común nalgúns puntos: frecuenta encoros, grandes prados húmidos, ribeiras
fluviais desarboradas e incluso marismas e algúns treitos de costa
resgardados.
Área de estudo. Moi escaso, capturáronse tres exemplares para anelamento
na Xunqueira de Alba en xaneiro de 2008 (V. X. Cabaleiro, com.
pers.) e serían vistos dous (capturados para anelamento) entre o 14 e
o 21/11/2008 e un desde o 26/11/2008 ata finais dese ano (Cabaleiro,
2008b). O día 9/1/2009, estaban presentes na Xunqueira dous exemplares,
que aumentan a tres o día 16 e a catro o día 31 (Cabaleiro, 2009e).
Non se compilaron citas posteriores.
Xestión da especie.
Conservar as zonas húmidas e os pasteiros naturais é fundamental para
esta especie.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da pica alpina (Anthus spinoletta) en Pontevedra nos anos 2008
e 2009.
Páxina anterior - Páxina seguinte