Aves_da_cidade_de_Pontevedra_baja

GUÍA DAS AVES DE PONTEVEDRA
Exemplar capturado para anelamento, © V. X. Cabaleiro Barroso.
Índice xeral - Índice (nomes cientificos) - Índice (nomes galegos)
Invernante, Non reprodutora, Nativa
87
Tordo rubio
Turdus iliacus (Linnaeus, 1766)
tordo malvís, malvís
zorzal alirrojo
redwing
Distribución e hábitat. Abundancia.
Global. Cría no norte e leste Europa e tamén en Asia occidental e ata o
lago Baikal. Migratoria, inverna ao sur ata o norte de África. Común localmente
(Del Hoyo et al., 2005).
Península Ibérica. Galicia. Distribuído en inverno por todo o territorio,
variando en abundancia segundo os anos. Visita zonas agrícolas (especialmente
áreas de viñas), pradeiras e bosques caducifolios. En Galicia,
semella máis abondoso na metade oriental (datos propios).
Área de estudo. Citado na Xunqueira de Alba; é posible que se poida
detectar durante a pasaxe (novembro-decembro) en toda a zona abarcada,
se ben faría falta unha prospeción específica (efectúa o groso da
migración de noite). Máximo de 40 exemplares o 1/2/2010, entrando ao
amieiral da Xunqueira de Alba (V. X. Cabaleiro Barroso, com. pers.); cifras
tamén notables o 6/12/2008 con 12 exemplares (Cabaleiro, 2008h) e catro
exemplares o 16/1/2009 na Xunqueira de Alba (Cabaleiro, 2009i). Existe
unha captura para anelamento dunha ave con caracteres da subespecie
islandesa Turdus iliacus coburni o 1/2/2010 na Xunqueira de Alba (V. X.
Cabaleiro, com. pers.).
Xestión da especie.
Especie cinexética, pode verse dezmada localmente polos cazadores, que
a miúdo a capturan en grande número. Sería desexable unha regulación (á
baixa) dos cupos de caza deste e doutros Turdus.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do tordo rubio (Turdus iliacus) en Pontevedra nos anos 2008 a
2010.
Páxina anterior - Páxina seguinte