Aves_da_cidade_de_Pontevedra_baja

GUÍA DAS AVES DE PONTEVEDRA
© C. D. Romay Cousido.
Índice xeral - Índice (nomes cientificos) - Índice (nomes galegos)
Residente, Reprodutora, Introducida
5
Distribución e hábitat. Abundancia.
Global. Ben repartido por América Central e do Sur (agás no extremo meridional),
vén sendo domesticado polo home desde antigo, difundíndose
as variedades domésticas por todo o mundo. Residente común na súa
área de distribución natural (Del Hoyo et al., 1992).
Península Ibérica. Galicia. Citado en liberdade en varias ocasións na
Península, confirmándose a súa nidificación regular en Girona. Tamén se
comprobou a súa cría en Canarias. En Galicia, a maioría de rexistros compilados
de pato do mato concéntranse nas áreas máis poboadas do país:
nas Rías Baixas (desde Outes ata A Guarda) e no Arco Ártabro ata Valdoviño.
Teñen aparecido aves tanto do morfotipo “branquinegro”, o máis común
en catividade, como do “salvaxe” (cor negra-verdosa lustrosa). Como
nidificante mencionouse na foz do Lagares, Vigo, onde en novembro de
2007 se viron adultos seguidos de oito polos de poucos días (M. Alonso &
B. Jiménez, com. pers.), e en Pontevedra (datos propios).
Área de estudo. Rexistrouse a cría con éxito da especie en outubro de
2007 na lagoa de Alba, ao observarse unha femia (en actitude vixiante) con
tres patiños medianeiros seguíndoa (datos propios). En 2008 atopábanse
3-5 aves na Xunqueira de Alba e río Rons (datos propios) e ata 15 na illa
das Esculturas (Fortes, 2007). En 2010, a cifra reduciuse a apenas 1-2
individuos na Xunqueira de Alba e río Rons e uns 10 na illa das Esculturas
(datos propios). A estes habería que engadir 7-10 exemplares no esteiro
do río Gafos (incluíndo un híbrido con Anas platyrhynchos), totalizando por
tanto unhas 20 aves ceibes no seo da cidade.
Xestión da especie.
Anotar os episodios de cría no contorno urbano e facer un seguimento da
poboación. É importante evitar novas soltas de aves. Sería interesante planificar
a retirada destes exemplares en semiliberdade na zona de estudo.
Especie Ano Mes
Cairina
moschata
Pato do mato*
Cairina moschata (Linnaeus, 1758)
* nome galego non oficial
Hábitat
(lugar)
Itinerarios
nese
hábitat
Densidade
(aves/10 ha)
IKA
(aves/km)
2010 Maio-xuño Parque urbano 2 7,3 1,8
Ribeiras fluviais
5 5,8 1,5
desarboradas
Zona urbanizada 14 0,9 1,0
Táboa 4. Abundancia do pato do mato (Cairina moschata) en Pontevedra no ano 2010.
0 0,5 km
norte
pato crioulo, pato mudo
pato criollo
muscovy duck
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do pato do mato (Cairina moschata) en Pontevedra nos anos
2008 a 2010.
Páxina anterior - Páxina seguinte