Aves_da_cidade_de_Pontevedra_baja

GUÍA DAS AVES DE PONTEVEDRA
Plumaxe invernal, © C. D. Romay Cousido.
Índice xeral - Índice (nomes cientificos) - Índice (nomes galegos)
Invernante, Non reprodutora, Nativa
131
Escribenta das canaveiras
Emberiza schoeniclus (Linnaeus, 1758)
escribiente, escribana
escribano palustre
reed bunting
Distribución e hábitat. Abundancia.
Global. Distribuído por case toda Eurasia ata o Pacífico e Himalaia. Parcialmente
migratorio. Común localmente (Snow & Perrins, 1998b).
Península Ibérica. Galicia. Vulnerable en España. En Perigo de Extinción
en Galicia. Poboacións reprodutoras correspondentes á subespecie
E. s. whitherby na metade oriental da Península e a E. s. lusitanica na
occidental, sendo as dúas escasas e ameazadas. Habitan canaveiras ben
conservadas, con pasteiros, xunqueiras e cultivos cercanos. En inverno
chega a subespecie europea, E. s. schoeniclus, considerada en España
Vulnerable, que pode formar durmidoiros de grande tamaño en áreas da
metade oriental do estado, estando máis dispersa polo resto. En Galicia
cría a subespecie E. s. lusitanica cunha poboación inferior ás 150 parellas
e quizais menor de 100, concentradas nos esteiros do río Anllóns, Tambre,
Miño e, sobre todo, no Baixo Ulla. En inverno áchanse aves (a maioría
schoeniclus) en áreas chairas provistas de prados húmidos, cultivos e
árbores de ribeira (sobre todo vimbieiros Salix viminalis) de todo o país.
Área de estudo. Presenza regular en escaso número entre novembro
e febreiro na Xunqueira de Alba (Cabaleiro, 2010b), localizándose 7-8
exemplares en decembro de 2008 (varios capturados para anelamento)
e xaneiro de 2009 (Cabaleiro, 2008d, 2009g), obténdose tamén rexistros
en invernos anteriores (P. Sanmartín, com. pers.). Non se descarta a presenza
de E. s. lusitanica, incluso como reprodutor ocasional en no ENIL
da Xunqueira de Alba.
Xestión da especie.
Evitar a eliminación de canaveiras e xunqueiras, sobre todo na época de
cría, e respectar o arborado de ribeira. A agricultura extensiva podería beneficiar
a esta interesante ave.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da escribenta das canaveiras (Emberiza schoeniclus) en Pontevedra
nos anos 2008 a 2010.
Páxina anterior - Páxina seguinte