Aves_da_cidade_de_Pontevedra_baja

GUÍA DAS AVES DE PONTEVEDRA
Xuvenil, © A. Ramos Martínez.
Índice xeral - Índice (nomes cientificos) - Índice (nomes galegos)
Residente, Non reprodutora, Nativa
46
Carrán cristado
Sterna sandvicensis (Latham, 1787)
carrán, pirrí, curricurrá, garavita
charrán patinegro
Sandwich tern
Distribución e hábitat. Abundancia.
Global. Repartido polas costas europeas, desde Irlanda ata Estonia
e desde España ata Grecia e o mar Caspio. Tamén no litoral atlántico
americano. Inverna nos litorais de Europa, sur de Asia, África occidental e
América atlántica. Parcialmente migratorio. Común (Del Hoyo et al., 1996).
A especie é nomeada a miúdo Thalasseus sandvicensis (Van Duivendijk,
2010)
Península Ibérica. Galicia. Na Península cría no Delta do Ebro e na Albufera
de Valencia. En Galicia non cría e obsérvase no litoral todo o ano, especialmente
en agosto-outubro, con bo número de aves invernantes nas
Rías Baixas. Os principais fluxos de paso discorren moi próximos á costa.
Área de estudo. Presenza regular case todo o ano, sen posibilidades de
cría, no esteiro do Lérez e intermareal próximo, en escaso número (agás
nos pasos primaveral e outonal, onde chegaron a verse 62 aves dispersas
ata Combarro; E. González, com. pers.). Chegan río arriba ata a ponte do
Burgo (P. Sanmartín, com. pers.) se ben en agosto de 2007 foron vistos
dous exemplares sobrevoando río arriba a ponte dos Tirantes sobre o río
Lérez (González, 2007c).
Xestión da especie.
Igual que para outras aves acuáticas, é importante para esta especie evitar
a contaminación das augas.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do carrán cristado (Sterna sandvicensis) en Pontevedra nos anos
2008 a 2010.
Páxina anterior - Páxina seguinte