Aves_da_cidade_de_Pontevedra_baja

GUÍA DAS AVES DE PONTEVEDRA
© L. Iglesias Núñez / Aporta Comunicación.
Índice xeral - Índice (nomes cientificos) - Índice (nomes galegos)
Residente, Reprodutora, Nativa
56
Curuxa
Tyto alba (Scopoli, 1769)
curuxa común, coruxa, ancrusa
lechuza común
barn owl
Distribución e hábitat. Abundancia.
Global. Cosmopolita, repártese por case toda Europa (agás no extremo
norte e leste), Macaronesia, noroeste de África, Oriente Próximo ata Indonesia
e Australia. Tamén en América e na África subsahariana. Residente.
Común (Del Hoyo et al., 1999).
Península Ibérica. Galicia. Estendida por toda a Península (agás nalgunhas
zonas montañosas e áridas) e Baleares. En Galicia é común e está distribuída
por case toda ela, faltando dalgunhas áreas do cuadrante sueste.
Máis abondosa na metade norte do país. Nidifica nas proximidades do
home, en faiados, alpendres, campanarios de igrexas e torres. Rara vez
visita as vilas grandes ou cidades, preferindo aquelas aldeas rodeadas de
cultivos, sebes e pequenos bosquetes. Rara vez cría en rochedos. Caza
en campo aberto ou en áreas arboradas pouco densas.
Área de estudo. Localizouse en varios lugares con contornos abertos
e cultivos tradicionais da área de estudo (Alba, Campolongo, O Marco),
sen descartarse que poida estar presente noutros puntos próximos (Santa
Margarida, Lérez, Figueirido). Cría nunha zona concreta da metade leste
da cidade (V. X. Cabaleiro, com. pers.). Vista ocasionalmente cazando pola
zona do Marco, a última o día 25/12/2010 (V. X. Cabaleiro, com. pers.).
Xestión da especie.
En Galicia, a curuxa é unha especie ubiquista nos contornos non forestais,
e é posible que o abandono do rural poida beneficiala a curto prazo
(ata que os antigos contornos agrícolas se forestalizan en demasía). A
instalación de caixas niño en determinadas áreas con edificios novos (por
exemplo urbanizacións), provistas dun diámetro de entrada de 150 mm,
podería incidir positivamente na colonización de novas áreas por parte
desta rapina nocturna (Brinzal, 2008).
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución do curuxa común (Tyto alba) en Pontevedra nos anos 2008 a
2010.
Páxina anterior - Páxina seguinte