Aves_da_cidade_de_Pontevedra_baja

GUÍA DAS AVES DE PONTEVEDRA
© J. Sagardía Pradera.
Índice xeral - Índice (nomes cientificos) - Índice (nomes galegos)
Invernante, Non reprodutora, Nativa
33
Becacina común
Gallinago gallinago (Linnaeus, 1758)
becacina cabra, cabra do aire, gacha
agachadiza común
common snipe
Distribución e hábitat. Abundancia.
Global. Distribuída por case toda Eurasia (agás nas áreas máis cálidas) ata
o Himalaia. En xeral, migratoria. Común (Del Hoyo et al., 1996).
Península Ibérica. Galicia. En Perigo de Extinción (como reprodutora).
Perviven pequenos núcleos reprodutores dispersos polo cuadrante noroeste,
desde Ávila e (quizais) a serra da Estrela ao norte ata a serra do
Xistral. O principal núcleo segue estando en Senabria e nas montañas
limítrofes entre Ourense e Portugal. Poboación total de apenas unhas poucas
ducias de parellas. Común en inverno en toda a Península e Baleares,
especialmente na zona litoral e grandes humidais interiores. En Galicia,
aparte da poboación reprodutora, destacan os efectivos invernantes na
fachada atlántica, ás veces numerosos en varias zonas das Rías Baixas.
Área de estudo. Presenza regular de exemplares illados ou pequenos
grupos na Xunqueira de Alba (X. Piñeiro, com. pers.; P. Sanmartín, com.
pers.), estimándose os efectivos invernantes en seis ou sete exemplares
(Cabaleiro, 2010b). Observación dun exemplar o 10/9/2008 e de dous
individuos o 23/12/2008 nesta localidade (Cabaleiro, 2008e), contándose
ata tres exemplares entre o 27 e o 31/1/2009 (Cabaleiro, 2009c). A destacar,
ata sete exemplares foron capturados para anelamento na Xunqueira
de Alba entre o 18/11/2009 e o 17/12/2009 (V. X. Cabaleiro, com. pers.).
Segundo un cazador, no ano 2006 e anteriores xuntábase un grupo de
becacinas a durmir nunha zona concreta da Xunqueira de Alba, e que hai
anos cazaron un exemplar cunha anela dun país do leste, probablemente
Rusia (P. Sanmartín, com. pers.). Cando se traballaba a Xunqueira de Alba
e había gando (ata os anos 80) chegábanse a cazar ata 30-40 becacinas
por día (Cabaleiro, 2010b).
Xestión da especie.
Especie cinexética, que pode sufrir cuantiosas baixas ao rematar a temporada
de caza. Sería desexable unha moratoria na captura destas aves, que
poida beneficiar tamén á máis escasa becacina pequena (Lymnocryptes
minimus).
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da becacina común (Gallinago gallinago) en Pontevedra nos
anos 2008 a 2010.
Páxina anterior - Páxina seguinte