Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Migradora, Non reprodutora, Nativa
14
Garza vermella
Ardea purpurea (Linnaeus, 1766)
garza, garza imperial
garza imperial
purple heron
Distribución e hábitat. Abundancia.
Global. Distribuída por case toda Europa (agás no extremo norte), oeste
de Asia e África (agás no Sáhara e metade occidental). Residente ou parcialmente
migratoria. Pouco común (Del Hoyo et al., 1992).
Península Ibérica. Galicia. Cría no val do Ebro, litoral mediterráneo (incluíndo
Baleares) e cuadrante suroeste, con varias parellas tamén na submeseta
norte e, desde 2007, en Galicia (Corrubedo ; M. Polo, com. pers.).
No resto de Galicia obsérvase todos os anos en escaso número en abrilxuño
e setembro-novembro (migracións), sobre todo na fachada costeira.
Aparece en lagoas con ribeiras poboadas de helófitas e ripisilva, tramos
lentos de ríos e regatos e ocasionalmente en zonas litorais e encoros.
Área de estudo. Presenza aparentemente regular durante as migracións
na Xunqueira de Alba desde (polo menos) o ano 2000, sempre en escaso
número. As primeiras mencións corresponden a un adulto en agosto de
2000 (Novegil et al., 2003) e unha ave en maio de 2001 (Mucientes, 2004).
Tras a cita dun exemplar o 15/5/2007 (Sanmartín & Cabaleiro, 2007), o
mes de agosto de 2008 semellou ser bo para a especie na Xunqueira de
Alba, cun xuvenil o 29/7/2008 e o 1/8/2008, dous xuvenís o 2/8/2008 e
de novo un xuvenil o 14/8/2008 (Cabaleiro, 2008u; V. X. Cabaleiro, com.
pers.). No ano 2009 e 2010 non se detectaron exemplares na zona. Tamén
se observou un adulto no río Gafos en Tomeza en setembro de 2005
(Cabaleiro & Couso, 2005b).
Xestión da especie.
Igual que para outras aves acuáticas, débese evitar a contaminación das
augas, e tamén calquera tipo de actividades lúdicas que poidan molestar
aos exemplares, como as realizadas con embarcacións de motor.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da garza vermella (Ardea purpurea) en Pontevedra no ano 2008.
Páxina anterior - Páxina seguinte