Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Residente, Non reprodutora, Nativa
43
Gaivota escura
Larus fuscus (Linnaeus, 1758)
gaivota, gavota
gaviota sombría
lesser black-backed gull
Distribución e hábitat. Abundancia.
Global. Cría en zonas subárticas de Europa e Asia e tamén en varios
puntos da fachada litoral europea ata Canarias. Residente ou parcialmente
migratoria. Moi común (Del Hoyo et al., 1996).
Península Ibérica. Galicia. As principais colonias de cría desta gaivota
ubícanse nas illas Sisargas e no Parque Nacional das Illas Atlánticas de
Galicia, con episodios de nidificación no Delta do Ebro, Euskadi, Asturias,
Mariña luguesa e Berlengas. Poucos centos de parellas en total. Moi común
e estendida nas migracións e no inverno, especialmente no cuadrante
suroeste. En Galicia, ademais do dito das colonias de cría, pódense ver
exemplares non reprodutores todo o ano na práctica totalidade do litoral,
aumentando o seu número nos meses de outubro e novembro coa migración
outonal e en marzo e abril coa primaveral. En inverno, presentan as
mellores concentracións as rías da Coruña, Pontevedra e Arousa.
Área de estudo. Presenza sen posibilidades de cría no treito final do río
Lérez e no litoral próximo, con varias ducias de aves cada inverno. Un
censo no inverno do 2009 (coordinado por SEO/BirdLife e realizado en
Pontevedra por SEO/Pontevedra) totalizou 80 exemplares desta especie
dentro da zona de estudo (E. González & G. Ferreiro, com. pers.).
Xestión da especie.
Ningunha concreta para esta especie.
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Mapa de distribución da gaivota escura (Larus fuscus) en Pontevedra nos anos 2008
a 2010.
Páxina anterior - Páxina seguinte