Aves_da_cidade_de_Pontevedra_baja

GUÍA DAS AVES DE PONTEVEDRA
Á esquerda, adulto da subespecie M. a. alba; á dereita, adulto da subespecie M. a. yarrellii, © X. Vázquez Pumariño.
Índice xeral - Índice (nomes cientificos) - Índice (nomes galegos)
Residente, Reprodutora, Nativa
74
Distribución e hábitat. Abundancia.
Global. Cría en Eurasia ata China, tamén no norte de África. Parcialmente
migratoria. Común (Del Hoyo et al., 2004).
Península Ibérica. Galicia. Repartida por case toda a Península, falta de
boa parte do cuadrante suroeste, onde é común no inverno. En Galicia é
bastante común e repártese por todo o país, sendo máis abondosa en
zonas agrícolas do interior. Frecuenta zonas abertas, como agras, leiras
labradas, campos de herba moi curta e xardíns, especialmente preto do
mar e de ríos. Tamén en zonas de ripisilva laxa e incluso visita os tellados
vellos das casas, en aldeias e vilas. En inverno, a miúdo en pequenos
grupos. Forma durmidoiros en árbores nalgunhas vilas e cidades fóra da
época de cría. A subespecie británica, denominada lavandeira enloitada
(Motacilla alba yarrellii) é ás veces tratada como especie independente
(Motacilla yarrellii; Van Duivendijk, 2010), resultando frecuente en inverno
no terzo norte peninsular, e algo máis localizada no resto.
Área de estudo. En Pontevedra, anotouse un índice de abundancia (en
aves/km) máximo en maio (época reprodutora) de 12,0 en ripisilva, 11,5
en parque urbano arborado e de 16,0 en zonas de cultivos, xardíns e
casas dispersas da periferia. Existen evidencias dun pequeno durmidoiro
no casco urbano da cidade en 2008, dunhas ducias de aves (localizadas
ao solpor voando cara o centro urbano), se ben non se concretou a localización
exacta (datos propios). Ata finais dos anos 80 existía un dormidoiro
importante nunhas árbores en Campolongo, pero despois de diferentes
reformas da zona non se tiveron máis evidencias de ocupación.
Tamén se detectaron varios exemplares de lavandeira enloitada (Motacilla
alba yarrellii) en inverno; por exemplo, unha femia o 14/12/2008 no recinto
feiral da cidade (G. Ferreiro, com. pers.) e outra femia tres días despois
no casco urbano de Pontevedra (Cabaleiro, 2008f) e tamén na primavera
(3/5/2010, tres exemplares, moi tardíos, na zona do recinto da feira; P.
Sanmartín, com. pers.).
Xestión da especie.
A presenza de gando (incluso estabulado), propicia a presenza desta elegante
ave, que, así a todo, ten experimentado un leve declive en certas
zonas de Galicia (por exemplo na Ría de Arousa; datos propios). Fomentar
a agricultura e a gandaría extensiva podería beneficiar a esta especie.
Especie Ano Mes
Motacilla
alba
Lavandeira branca
Motacilla alba (Linnaeus, 1758)
Hábitat
(lugar)
Itinerarios
nese hábitat
Densidade
(aves/10 ha)
IKA
(aves/km)
2008 Maio Ripisilva 2 - 12,0
Parque urbano 1 - 11,5
Mosaico rural 1 - 16,0
Outubro Ripisilva moi urbanizada 2 - 1,1
Ripisilva moi urbanizada [bis] 2 - 0,9
Ripisilva pouco urbanizada 2 - 1,0
Ripisilva pouco urbanizada 2 - 1,9
[bis]
2010 Maio-xuño Áreas degradadas 3 2,4 0,6
Eucaliptal 1 14,5 3,6
Parque urbano 2 2,0 2,7
Ribeiras fluviais desarboradas 5 0,0 1,1
Zona urbanizada 14 1,9 1,4
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
labrandeira, señorita, costureira
lavandeira branca
white wagtail
Mapa de distribución da lavandeira branca (Motacilla alba) en Pontevedra nos anos
2008 a 2010.
Páxina anterior - Páxina seguinte
Táboa 23. Abundancia da lavandeira branca (Motacilla alba) en Pontevedra nos anos 2008 e 2010.