Aves_da_cidade_de_Pontevedra_baja

GUÍA DAS AVES DE PONTEVEDRA
© X. Vázquez Pumariño.
Índice xeral - Índice (nomes cientificos) - Índice (nomes galegos)
Estival, Reprodutora, Nativa
51
Rula
Streptopelia turtur (Linnaeus, 1758)
rula brava (nome local), rula común, rula do país, rola
tórtola europea , tórtola
European turtle dove
Distribución e hábitat. Abundancia.
Global. Difundida por case toda Europa e norte de África ata China. Estival,
inverna na África subsahariana. Común (Del Hoyo et al., 1997).
Península Ibérica. Galicia. Vulnerable en España. Repartida por toda
a Península (agás nas ribeiras e montañas do Cantábrico e Pirineos) e
Baleares. En Galicia é común e está amplamente distribuída. É máis numerosa
nas comarcas do Deza e Carballiño e no val do Sil. Cría en zonas
con mestura de cultivos, sebes e pequenos bosquetes de caducifolias
(carballo, castiñeiro, ripisilva) ou piñeiros illados. Fai o niño usualmente en
silveiras ou arbustos densos. Busca alimento en campos labrados, pradeiras
ou ermos.
Área de estudo. En Pontevedra é cada vez máis escasa, estando só presente
en determinadas áreas da periferia, cun máximo de 1,4 aves/10 ha
(táboa 15). Chega en abril, cun exemplar citado o 21/4/2004 preto da
Xunqueira de Alba (Álvarez, 2004a). Individuos solitarios ou en parellas
observanse na zona do Marco na primavera (V. X. Cabaleiro, com. pers.).
Houbo un total de dúas capturas para anelamento na Xunqueira de Alba
entre xullo e outubro de 2008 (Cabaleiro, 2008a). Un mínimo de catro
exemplares estaban presentes no mencionado lugar o día 16/6/2009 (Gómez,
2009d).
Xestión da especie.
Áchase en grave declive poboacional en toda Europa, e tamén en terras
galegas. O mantemento da agricultura tradicional e da gandaría extensiva
pode beneficiar a esta especie, así como evitar as rozas de matogueiras
na época de cría. Unha moratoria na caza da especie en Galicia e en Europa
sería imprescindible (aínda é considerada especie cinexética).
0 0,5 km
norte
Presente na é poca de cría, pode nidificar
Presente na é poca de cría, non nidifica
Presente só fóra da época de cría
Presente na época de cría e fóra dela
Especie Ano Mes
Streptopelia
turtur
Hábitat
(lugar)
Itinerarios
nese
hábitat
Densidade
(aves/10 ha)
IKA
(aves/km)
2008 Maio Ripisilva 2 - 1,0
2010 Maio-xuño Aldea 4 0,0 0,9
Áreas degradadas 3 1,4 1,2
Mosaico rural 7 1,3 0,8
Táboa 15. Abundancia da rula común (Streptopelia turtur) en Pontevedra nos anos 2008 e 2010.
Mapa de distribución da rula común (Streptopelia turtur) en Pontevedra nos anos 2008
a 2010.
Páxina anterior - Páxina seguinte