Geisli 1A - Námsgagnastofnun

Bls. 85–86
Á blaðsíðum 85 og 86 er lagður grunnur að þekkingu á sexhyrningum og origami. Mikið
er til af origami-hugmyndum sem nemendur gætu haft gaman af að prófa og skoða. Í
umfjöllun um form og föndur eru gefnar nokkrar slóðir að origami og er um að gera að
leyfa nemendum að leita og finna fleiri góðar hugmyndir. Einnig eru fleiri hugmyndir á
vinnuspjöldum 48 og 49.
Bls. 87–88
Á blaðsíðu 87 eru þrautir. Kubbaþrautirnar reyna á færni í að lesa úr vísbendingum. Gaman
gæti verið að hver hópur byggi til kubbaþraut eða kubbaþrautir til að leggja fyrir hina hópana.
Þrautin í dæmi 18 er krefjandi og hvetja þarf nemendur til að sýna úthald og prófa sig
áfram. Þrautin Jólaveislan er á vinnuspjaldi 47 og gætu nemendur valið að glíma við hana
eða jólakortaþrautina. Jólaskemmtanir eru oft lokaþáttur í jólahaldi í skólanum. Oft er reynt
að hafa skemmtiatriði frá hverjum nemendahópi en allir vita að ekki mega skemmtiatriði
taka of langan tíma. Skipulagning skiptir miklu máli. Þetta verkefni leiðir hug nemenda að
því að skipulag er nauðsynlegt og að líkur á að eitthvað heppnist vel aukast mjög vel ef allt
er vel undirbúið. En verkefnið leggur líka upp til umræðu um að samsetningarmöguleikar
eru margir og forsendur skipta miklu máli um hver niðurstaðan getur orðið.
Hér hefur verið gefið dæmi um hvernig má hugsa sér að nýta kaflann með nemendum. Vel
kemur til greina að nota hugmyndirnar í kaflanum og yfirfæra þær á eigin skóla. Þá getur
skapast mikil samkennd og auðveldara er að samþætta.
Vinnuspjöld úr möppu
46 Innkaup
47 Jólaveislan
48 Jólastjörnur
49 Blóm
Geisli 1A – Lausnir – © Námsgagnastofnun 2011 – 09072
..... Jól í skóla
61