ud#19 (25829)

№19 (25829)
26 2020-тӥ ар 21-тӥ куартолэзь ЛЫДӞИСЬКОН СИГ
Дышетскон книгаысь люкетъёс
Даур куара
Владимир Владыкин, Маргарита Гришкина, Маргарита Иванова, Людмила Христолюбова
14-тӥ-19-тӥ дауръёс
(Кутсконэз 7-тӥ номерын.)
Калыкез зӥбломытыны
кема тыршизы на. Вань сюресъёс
дуртӥ но гуртъёсы
нимаз ошетъёс пуктылэмын
вал, отчы ошылӥзы Пугачёвлы
дурбасьтӥсьёсты. Виемъёсты
калыкез кышкатон
понна сюрес дуре бадӟым
пуклёкъёс вылэ тырыны косэмын
вал.
Иж но Вотка заводъёсын
улӥсьёсты зӥбломытон понна
ожгарчиосын майор Гагрин
вуиз. Озьы ке но пӧртэм
гуртъёсын но волостьёсын
нюръяськон 1775-тӥ арлэн
кутсконозяз мынӥз на. Пугачёвлэсь
йырзэ ӵогем бере
но асьме шаерын улӥсьёс
калыклы дурбасьтӥсь но зэмлык
понна сылӥсь эксэйлэн
вуэмезлы осконзэс ӧз ыштэ.
«Таиз куакапи гинэ вал, куакаез
одно ик вуоз на», — шуиллям
удмуртъёс, Пугачёвез
быдтэм сярысь указэз кылыса.
Россиын та быдӟа крестьян
войнаос ӧз ни пуромылэ,
нош зӥбетэн нюръяськон
ӧз дугдылы. Улон кытчы
ке мукет пала чукинскыку,
нюръяськон нош ик золгес
пуромылӥз. Тани, шуом,
1807-тӥ арын удмуртъёсыз
Иж завод борды пӧртэм сьӧд
ужъёсты быдэсъян понна
юнматӥзы. Завьялово но
Юськи котырын улӥсьёс таизлы
чутрак пумит луизы.
Огинэ люкаськыса, соос Вяткаысь
губернаторлы шуизы:
«Ваньмылэсь коть йырмес
ӵоге, нош заводлы ужаны ум
мынэ, нимъёсмес но ум вералэ».
Губернатор пыӵалъёсын
ожгарчиосыз ыстоно луиз.
Таосыз ини «визьмазы» удмуртъёсыз.
Ужаны кутскытэк
амал ӧз луы. Тӥни озьы,
зӥбетэз зуркатыса но куашкатыны
быгатытэк, нюръяськонэ
дырын-дырын пыриськылыса,
улӥз удмурт калык
трос сю аръёс ӵоже.
Югдытӥсьёс
Котькуд калыклэн инкуазь,
котыр улон, адямилэн вылтырыз
но пуштрос улонэз, лулпушкыз
сярысь дауръёсын люкам
тодонлыкез тырмыт. Нош
дыр азьлань кошкемъя улонын
пумен тросгес но тросгес инты
басьтыны кутске тодосчиослэн
люкам визь-нодзы — наука.
Калык пӧлы та тодонлыклэсь
югыт сиоссэ вӧлмытон,
солэсь мылкыдзэ бурдъян
И. Яковлев. И. Михеев.
бордын улонзэс жалятэк
тыршо зэмос дышетскем адямиос,
калыкез югдытӥсьёс.
Удмурт калык пӧлын
югдытӥсьёс 18-тӥ даурысен
ужаны кутскизы. Миссионеръёс,
священникъёс
удмурт гуртъёсын калыкез
христианствое пыртыны, солэсь
тылсиоссэ вӧлмытыны
пӧртэм амалъёсын тыршизы.
Удмурт кылын письменность
— гожъяськон
амал кылдытон сярысь
но малпаськыны кутскизы.
1775-тӥ арын Санкт-
Петербургын Наукаослэн
Академизы поттӥз удмурт
кыллэсь грамматиказэ. Сое
дасяз Казаньысь архиепископ
Вениамин Пуцек-Григорович.
Солы юрттӥзы Казаньысь
архиепископлэн
школаяз удмурт дышетскисьёс.
Та школаын дышетскисьёс
ик удмурт кылын
нырысетӥ кылбур чуръёс но
кылдытӥзы. Со вал императрица
Екатерина II-ез данъясь
чуръёс. Угось 1767-тӥ
арын им ператрица, аслэсьтыз
кунзэ адӟыса ветлыкуз,
Казане вуылӥз.
Нош 19-тӥ даурын гожтэтэз
тодӥсь удмуртъёс Святой
Гожтэмез (Евангелиез)
удмурт кылэ берыктыны
басьтӥськизы ини. Черклэн
но кунлэн усьтэм школаосаз
пумен будӥзы дышетскем
адямиос, калыкез
югдытӥсьёс.
Ас калыкез понна тужгес
но сюлмаськиз удмурт
тодосчи но дышетӥсь, аслаз
коньдонэныз книгаосты
но журналъёсты поттӥсь
Иван Степанович Михеев.
Со вордскиз Татарстанысь
«Даур куара» книгаысь
Ошторма-Юмья удмурт
гуртын. Гуртысьтыз школаез
быдэстыса, Казане кошкиз,
отысь инородческой учительской
семинарие пыриз.
Сокем бадӟым вал дышетскон
мылкыдыз! Семинариез
туж умой йылпумъяз. Сое
Карлыганэ удмурт школае
дышетыны ыстӥзы, нош ар
ортчыса, Казане ик семинарилэн
удмурт образцовой
училищеяз ужаны ӧтизы.
Татын со 1913-тӥ арозь
ужаз, нош 1917-тӥ арысен
пӧртэм институтъёсын
дышетӥз — Казаньын, Ходжентын,
Самаркандын, Душанбеын,
собере Йошкар-
Олаын улӥз но ужаз. 1937-тӥ
арын И. С. Михеев репрессиос
улэ шедиз, юромо калык
тушмон карыса, ыбемын вал.
Иван Степанович тужгес
но трос кужымзэ сётӥз
дышетскон книгаосыз дасян
но поттон удыслы.
Нырысетӥез соос пӧлын
луэ букварь. Букваосты тодон
сяна, Михеевлэн букварьёсыз
дышето пичиосты
малпаськыны, анай-атайдэ,
ӵыжы-выжыостэ, калыктэ,
ужась-тыршись адями осты
гажаны, шудтэм, куанер
муртэ жаляны. Букваре трос
пыртэмын калыклэн лэчыт
веранъёсыз, кырӟанъёсыз,
маскаръяськонъёсыз, мадиськонъёсыз,
ӝог веранъёсыз.
Со сяна, И. С. Михеев дася
но поттэ лыдӟон книгаос.
Татын пичи Колялэн улэмез
но будэмез сярысь вакчи
веросъёс. Пичи лыдӟисьёс
Коляен ӵош школае мыно,
дышетӥсьлэсь верамъёссэ
кылзо, котырысь инкуазен
«Даур куара» книгаысь
Г. Верещагин.
тодматско. Коля быдэстэ
семинариез, дышетӥсь луэ.
Дышетскон книгаос поттыны
И. С. Михеев борды
кариськиз мукетыз ӟырдыт
сюлэмо югдытӥсь — Иван
Васильевич Яковлев. Со
вордӥськиз Татарстанысь
Пичи Лӧзя гуртын. Дышетскиз
ас гуртысьтыз школаын,
собере — Казаньысь
инородческой семинариын.
Бӧрысь начальной школаын
дышетӥсь, методист, гожъяськись,
калык фольклорез
люкась но тодосчи луиз.
Асьмелы со кельтӥз витьтон
ёрос статьяоссэ, учебникъёссэ,
чеберлыко литературае
пырись книгаоссэ. С. В. Чичерина
(ӟуч дипломатлэн
Г. В. Чичеринлэн сузэрез)
сое туж ӟеч тодӥсь но визьмо
удмурт дышетӥсь шуиз.
И. В. Яковлевлэн книгаосызъя
удмуртъёсыз гинэ
ӧвол, быдэс Россиысь мукет
калыкъёсыз но ӟуч кыллы
дышетылӥзы. Нош ачиз
Яковлев революционной уж
нуэмез понна олокӧня пол
тюрьмае но ссылкае сюрылӥз.
Тазалыкез лябӟемен, витьтон
аресозь гинэ улӥз.
Михеевлэсь ужзэ азинтыса,
Иван Яковлев Казаньысь
семинариын дышетскись
Максим Прокопьевен
ӵош кыкетӥзэ удмурт кылын
лыдӟон книга дасяз. Таяз
книгаын быдэс дуннеысь веросъёс
люкамын вал, данакез
басьтэмын Л. Н. Толстойлэн,
К. Д. Ушинскийлэн лыдӟон
книгаосысьтызы. Та веросъёс
пыр книгаез дасясьёс
адямилэсь визьзэ но устолыксэ
данъян, зэмлыкез, ӟеч
сямъёсыз сӥлы карон,
вордӥськем шаерез но
инкуазез яратон мылкыд
пыӵатыны тыршизы.
Со сяна, И. С. Михеев ӟуч
кылын ньыль лыдӟон книгаос
дасяз на. Бӧрысь та книгаосъя
кылдытэмын вал чуваш,
мари, бигер, коми-пермяк
кылъёсын лыдӟон книгаос.
Соос вӧлмизы Казахстанысь,
Шор Азиысь калыкъёс
пӧлы но. Котькуд книгае трос
пӧртэм суредъёс пыртэмын.
Соосъя нылпиос сочинениос
гожъяны дышетскизы.
И. С. Михеев картинкаосъя
сочинение гожъяны
дышетӥсь дас тямыс пӧртэм
книгаоссэ дасяз на. Та пособиос
укмыс пол поттэмын
вал. Сое уже кутылӥзы Волга
котырысь, Сибирьысь, Алтайысь,
Кавказысь, Шор Азиысь,
Палестинаысь, Япониысь
дышетӥсьёс.
Арлыдо лыдӟисьёслы
1905-тӥ-1910-тӥ аръёсы югдытӥсьёс
арлы быдэ удмурт
календарь поттылӥзы. Малы
гинэ уг дышето вал та
календарьёс удмурт гуртын
улӥсез: пӧртэм интыосы куриськонъёс,
гожтэтъёс гожъяны,
ивортылӥзы, кытын
удмурт кылын дышетскыны
луэ, кызьы утиськоно висёнъёслэсь,
кыӵе турын-куаръёс,
эмъюмъёс юртто висисьлы.
Валэктылӥзы, кызьы
таза улонэз радъяно, кызьы
пичиосыз будэтоно. Ю-нянь
будэтӥсез календарьын тазьы
визьнодало вал: «Тонэ сюдӥсь
музъемдэ яраты. Лопатаен
геры быдэс музъемез сюдэ.
Котькыӵе ужлы дышетскемын
ке луид, солы дышеты мукетъёссэ
но. Ачид понна гинэ
эн сюлмаськы. Вордӥськем,
«Даур куара» книгаысь