ud#19 (25829)

№19 (25829)
30 2020-тӥ ар 21-тӥ куартолэзь
Ньӧран
Кудӟем водительлы —
чурыт кыл кутон
Туэ 4 толэзь ӵоже Удмуртиысь
1 сюрс 700-лэсь
трос водительёс руль
сьӧры кудӟыса пуксизы.
Соос пӧлысь 56 мурт
наркотикен усыкмемын
вал. 268 водитель,
правозэ ыштыса вылысь
но, машинаен
ворттылӥз, ивортэ
Удмуртиысь МВД-лэн
пресс-службаез.
Юэм водитель кышкыт луэ
мукет мынӥсь-ветлӥсьёслы
но. Кылем арня вискын
Ижевск — Аэропорт сюрес
вылын шимес ДТП учыраз.
Татын 3 машина нелькиськиз.
«Киа» автомобилен мынӥсь
51 аресъем воргорон машинаослы
пумит потӥз. Шуккиськиз
«Реноен». Та машиналэн
мышказ мынӥсь ВАЗ-2106
пыриз «Ренолэн» бераз.
Авария луэм интыын ик
быриз «Ренолэн» водителез —
31 аресъем воргорон. Оглом
7 мурт сӧсырмиз. Соос пӧлын
6 аресъем пинал но, со больницае
келямын. Ярам, нылпи
креслоын пуке вылэм. ВАЗ-
2106 машинаысь 26 аресъем
водитель но зол шуккиськиз
— солэн гадьысьтыз лыэз пилиськемын,
вӧзаз пукись пассажирлэсь
улонзэ реанимациын
утьыны выро. Нош «Реноысь»
бырем водительлэн кылизы
кышноез но пичи пиналъёсыз.
Авариез кылдытэм водителез
юэмын-а, ӧвӧл-а шуыса
эскерыны соку ик ӧз быгатэ
— сое но больницае интыязы.
Вирзэ басьтыса, тодмо
луиз: 51 аресъем воргорон
Дэри ёросын луэм авариын ӧз удалты
«Ренолэн» мышказ мынӥсь машиналы но.
туж зол кудӟемын вылэм.
Солы пумит ӝутэмын уголовной
уж — Уголовной кодексысь
264-тӥ статьялэн 3-тӥ люкетэзъя
(водительлэн мынон-ветлон
правилоосты
тӥяменыз валче адямиез юри
малпатэк быронэ вуттон).
Табере та ужез сэрттэ-пертче
Следствиея управление.
Кудӟемзэ лыдэ басьтыса, 51
аресъем воргоронлэсь кылзэ
чурыт юаны луэ. Соку водительлы
ичизэ 5 ар пытсэт
сьӧрын визь люкано луоз.
Нялтас вераса, май толэзе
шутэтскон нуналъёс куспын
полициын ужасьёс шараязы
187 кудӟем водительёсты.
Кылем шутэтскон нуналъёсы
МВД-ысь Госавтоинспекция
радъяз «Мотоциклист» ужрад.
3 нунал ӵоже 200 мототранспорт
эскеремын вал, законэз
тӥян 59 учыр шараямын.
Кык питранэн ворттылӥсьёс
пӧлын но 5 кудӟем водитель ёс
шедизы. Эшшо 5 мурт мотике
пуксем правотэк.
11 мотоцикллэн кулэ луись
документъёсыз ӧй вал. Нош
19 муртлы пумит протоколъёс
гожтэмын шлемъёстэк ворттылэмзы
понна.
МВД-ын ужасьёс тодэ вайыто:
руль сьӧры юыса пуксем
понна 30 сюрс манет штраф
сётӥське, озьы ик водительлэсь
1,5-2 арлы правозэ талало.
Водитель пумит луэ ке
освидетельствованиез ортчыны,
солы таӵе ик кыл кутон
лякиське. Тодӥськоды ке,
адями руль сьӧры кудӟыса
пуксиз шуыса, одно ик ивортэ
полицие 02 (сотовойысь
102) телефонъя. Уго юэм водитель
сюрес вылын бадӟым
кышкытлык кылдытэ.
________
Елена СКВОРЦОВА
Удмуртиысь МВД-лэн пресс-службаез
Гуртысь маскарчиос
Гольтрес Марпа
Нош со кылыз Марпаелэн! Ужын сыӵе ик етӥз луысал
ке, оло, чидасал. Дорысь потыкуз, юасько:
— Кытчы мынӥськод?
— Кытык вырйылэ яке кытчы ке отчы, — шуэ Марпае,
синучкон азьын йӧн-йӧн пӧрмытскыса.
Уг луы шат родной картэдлы умоен вераны! Ма, солэн
гольтыръяськонэз котьку сьӧраз. Тани бакчамес жаг турынлэсь
октӥськом-калтӥськом. Марпае шуэ:
— Акыльтӥз ини бакча котырын вырыны. Провались,
кылемез мед будоз!
Вис карыса шорам учкиз но шуэ:
— Малы уд шокаськы? Ӵок, шу.
— Ӵок-а, мар-а ни, — шуисько малпаськытэк.
Нош со опеть аслэсьтыз:
— Ӵок ке ӵок, нош тыбырад вить сюрс кортӵог.
Я, монэн гинэ гольтыръяськысал ке. Калыкысь но кылыны
луэ: Параска Петырлэн Марпа кышноез кыл шерыны
мастак. Огез тодмое вера:
— Урамын кышноеныд пумиськи. Калык рад шуисько:
«Ӟеч-а, бур-а? Кытчы мынӥськод?»
Нош со рос-прос тусын вазе:
— Кытчы — пыдсы? Гур пыдсы, чырсам йӧлвыл сиыны.
Ну, тазьы верамез воксё вайыжам йӧтӥз ни.
Басьтӥськи воспитательной уж нуыны.
— Марпа, гольтыръяськеменыд сэрен адямилэсь возьыт,
— шуисько. — Марлы со сальтыртэмед? Адямиен
вераськыку, тодыны кулэ: кинэн, кытын но кызьы. Гольтыръяськемед
потэ ке, клубамы сцена вылэ пота. Отын
тонэ валалозы. Нош вераськонлэн чеберез — интыяз
верам визьмо кыл.
Нош Марпалэн кӧберыз но ӧвӧл, шуэ:
— Возьыт возь вылын, керпотон — кенер вылын. Вот
озьы, Петыре!
Я, коть соин буйгасько: кылыз ке ӧй луысал, монэ но
коӵо-куака кемалась кокчасал ини. Гуртысь воргоронъёс
но, кышноос но мон сярысь пал кыл но уродзэ вераны
уг дӥсьто. Тодо уго: Марпа соос вылэ сыӵе бекче
бекыртоз — гуртысь пегӟод. Тодӥсез шуэ: варманае, пе,
кыллы бырем нылкышно вал. Озьыен, Марпае анаезлэсь
кыдёке питырамтэ. Варманайме кышнояськытозям
адӟысал-кылысал ке, 7 иськем Марпаелэн вӧзтӥз
ортчысал, оло. Тусьтызэ адӟытэк, сиёнзэ эн сиы, анайзэ
адӟытэк, нылзэ эн басьты, шуо калыкын. Нош варманай
монэ возьмаса улымтэ — выль дусым шедьтыса,
Африкае улыны кошкем.
Мар карод? Мае воштод? Яралоз ини гольтрес кышноен
но улыны. Воксё идеальной кышномуртъёс ӧвӧл,
шуо.
________
Алексей ТРУБАЧЕВ
Серемпыр
________
Песятай внуксэ визьма:
— Кышнояськыны малпад
ке, чакла: дусымедлэн 4-5 сузэр-апаез
мед луоз. Соку варманаед
тонэ гинэ йырйыса уз
улы.
________
Вовик буйгатэ бигер туганзэ
Айгулез:
— Мар луиз? Мар бӧрдӥськод?
— Атае уг лэзьы тыныд бызьыны.
— Ма, эн бӧрды, мон аслым
мукет кышно шедьто.
Паймод, ява
Сталин кадь визьмо... пуные
Мынам атае, Никита Байтеряков,
быдэс улонзэ чотъёсын
шальтыртыса ортчытӥз
— колхозын валтӥсь бухгалтер
луыса ужаз. Ваньмон
дыръяз туж тунсыкъяськиз
матысь гуртъёслэн историенызы.
Атае Сталинэн
герӟаськем 2 учыр сярысь
мадьыса кельтӥз.
Гуртын улӥсьлэн педло
потан интыез ӵемгес коргид
берынгес луэ вал. Кудогез
бакчаязы гинэ капчиятӥськылӥзы.
Озьы ик
лэсь тэм одӥгез воргорон но,
бервылаз газет кесэг
кельтэм.
Нунал ортчыса, дораз
2 милицаос пыро.
— Ну, Пильып, та тынад-а
газет кесэгед? — кеськиз
одӥгез милица.
— Ӧйтӧд, — вазе воргорон.
— Тынад, — аслэсьтыз
каре милица, — сое ми доры
бускелед Тихон Миронович
вуттӥз.
Возьматӥзы со саптаськем
газет юдэсэз. Нош отын
— Сталинлэн туспуктэмез.
Со дырысен Пильыпез
нокин ӧз адӟылы ни. Репрессилэн
машинаез ньылӥз, луоз...
Кыкетӥяз учыре ӝимиз
Ондыръян Миклай. Гуртысьтымы
уноез мӧйыгес
воргоронъёс ужзы бере люкаськылӥзы
пулэсь арбериос
лэсьтон-вӧлон мастерское.
Кар таен, доминоен бер уёзь
шальк кетъязы. Нош кӧня меда
бинялтэм-чильым пурккетъязы!
Татчы ӵем гинэ
кожалляз Ондыръян Миклай
но. Со котьку но ӧжытак
шӧмаськемын луылӥз.
Кузёезлэсь уг кыльы вал
Быжтэм нимо пуныез.
Одӥг ӝытэ Миклай ушъяськыны
шӧтам:
— Малы мынам пуные
котьку сьӧрам калге? Со уго
Сталин кадь визьмо...
Тазэ но воргоронэз огдырлы
пытсэт сьӧры келязы.
Кема ӧз возе — 58-тӥ статья
лякыны ӧз быгатэ.
Озьы тӥни. Кылдэ котьку
пинь сьӧрад возёно.
________
Николай БАЙТЕРЯКОВ