ud#19 (25829)

№19 (25829)
6 2020-тӥ ар 21-тӥ куартолэзь НУНАЛ БӦРСЬЫ НУНАЛ
Ивор куды
ГЛАЗОВ
________
Выльдӥськон
Динамо ульчаысь Мужество аллея
быдэсак выльдӥське.
Лэсьтӥськон кутскиз 22-
тӥ апрельысен. Нырысь
ик музъем ултӥ кошкись вань гумыосты
воштӥзы, площадь котырысь урод писпуосты
вандылӥзы, табере памятник лэсьтон
борды басьтӥськизы, аллеяе интыямын луоз
Глазовын вордӥськем ожгарчиослэн нимъёсынызы
пул. Ужъёсты йылпумъяны чакламын
август толэзе. Соос быдэсъясько городысь
улонэз ӟечомытонлы сӥзем программа
улсын. Выльдӥськонлы 3 миллион 722 сюрс
манет кулэ луоз, со пӧлысь ӝыны миллионзэ
Глазовын улӥсьёс люказы.
ДЭРИ ________
Пӧйшуръёслы
юрттӥзы
Кияик гуртысь 11 номеро колония-поселениысь
ужасьёс Ижысь
зоопаркысь пӧйшуръёслы сад-бакча сиён келязы.
Зоопарк калыклы вазиськиз вал, емышъёсын,
бакча сиёнэн юрттыны курыса.
Озьы колониын ужасьёс гулбечъёсазы, гуосазы
кылем картошказэс, гордкушманзэс,
ӵужкушманзэс, кубистазэс келязы. 545 килограмм
— пӧйшуръёслы.
Колониын туэ апрель толэзьысен волонтёръёслэн
отрядзы кылдытэмын. Матысь дыре гуртсы
вӧзысь лошъяськись жуг-жагез утялтыны
потозы.
КИЗНЕР
________
Огез тӥя,
мукетыз лэсьтэ
Каргуртын улӥсьёс ёрос администрацилы
вазиськизы, электростанция
вӧзысь шур вамен выжез
тупатыны курыса.
Выж пасяськемын, урдэсъёсысьтыз пулъёс
тӥяськемын. Нош татӥ нылпиос но ветло, кӧня
ке пул шедьтыны секыт ӧвӧл ук, гожтэ вотэс бамаз
огез анай. Та гожтэт бере, ог арня ортчыса,
выж тупатъямын вал. Лэсьтӥськон борды мылокыдоос
но итӥськизы. Ужбергатӥсь Людмила
Искандырова, кылсярысь, пул вайыны юрттӥз.
Та выжез дырын-дырын тупатъяло, но кинлэн ке
киыз лыдэ, лэся, ӵемысь пулъёсыз тӥямын луо.
Соин администрация калыклы вазиськиз, калык
ваньбурез утьыны курыса.
КИЯСА
________
Ворсано ӧвӧл
Ёрос администрация вотэс бамъёсыз
пыр юалляськон ортчытэ.
Со герӟаськемын Ижевск — Кияса,
Кияса — Ижевск автобус
маршрутэз возён яке ворсан пумысен.
Перевозчик та маршрутэз пытсан сярысь вераськон
ӝутэм. Коронавирус вӧлмон вакытэ
рейсовой автобусэн ворттылӥсьёс ӧвӧл,
пе. Угось огъёсыз асьсэлэн машинаосынызы
ворттыло, мукетъёсыз таксиен ветло. Уноез
шуизы: маршрутэз ворсаны уг яра, озьы, пе,
таксистъёс укыр бадӟым дун курыны кутскозы.
Висён ортчиз ке, шоркаре ветлӥсьёс тросгес
луозы, веразы кыкетӥосыз. Куинетӥосыз
ӵектӥзы налог тырытэк ужась таксистъёсын
нюръяськыны.
МОЖГА
________
Призыв кутскиз
19-тӥ майысен призывной комиссия
ужаны кутскиз.
Можга городысь, Можга, Алнаш,
Грак но Кизнер ёросъёсысь пиосты
Ижысь сборной пунктэ нырысьсэ
келялозы 20-тӥ май бере. Комиссар Вячеслав
Миронов ивортэмъя, комиссиез 200 мурт
ортчыны кулэ, 26-сэ армие келялозы. Коронавирусэн
сэрен призывникъёслы но медикъёслы
500-лэсь трос маскаос, антисептикъёс дасямын,
медикъёс понна — нимысьтыз костюмъёс. Пиослэсь
мертало температуразэс, висьыны усемъёсты
нимаз карозы. Озьы ик пиослэсь коронавируслы
анализ но басьтозы.
ПИЧИ ПУРГА
________
Жуг-жагез быдтоз
будос
«Экология» нацпроект чотын
ёросын гужем мытэмын луоз
тужгес бадӟым свалкаез утялтон.
Со интыяськемын 3 но ӝыны
гектар вылын. 1994-тӥ арысен
отын люкаськемын 66 сюрс тонналэсь ятыр жугжаг.
Утялскон кыстӥськоз кӧня ке ар.
Свалкаез быдтон понна кутӥськоз выль амал —
рекультивация. Июне отчы пуктылозы биогаз
поттӥсь гумыосты, жуг-жаг пӧлын траншеяос
гудозы но соосты кӧня ке пол сюен согозы. Та
бӧрсьы кизёзы кужмо выжыен, муысь вань уродзэ
кыскись турынъёс. Соос будозы 4 ар пала. Кӧня
ке ар ортчыса, музъем чылкыталоз.
САРАПУЛ
________
Чорыгзэ талазы
Городысь ужбергатӥсьлы 20 сюрс
манет тыр штраф сётӥзы.
Сарапулысь одӥгаз вуз карон
центрын шурысь кутэм чорыг
вузало вылэм. Сак адямиос Россельхознадзоръя
управление чагиськиллям. Эскеронъёс
ортчытэм бере тодмо луиз: 174 килограмм
кынтэм чорыглы ветеринаръёслэсь сертификат
басьтымтэ вылэм. Тодмо ӧвӧл, чорыг кытысь
ваемын, адямилэн тазалыкезлы кышкыт
ӧвӧл-а. Вузаськисьлэсь вань чорыгзэ талазы
но быдтӥзы, вылаз 20 сюрс манет тыр штраф
гожтӥзы.
________ СЮМСИ
Песянайлэн
шыкысэз огазея
Кильмезь
библиотека
ӵушконъёсын онлайн адӟытон
радъяз.
Марафонэз ортчытыны кичӧлтӥсь
Ольга Чернова семьяяз
утиськись ӵушконъёсыныз тодматӥз но вань
мылкыд карисьёсты бордаз итӥськыны куриз.
«Песянайлэн шыкысысьтыз» ужрад улсын дуно
арбериоссэс поттӥзы, ӵушконэн герӟаськем
чеберлыко произведениосты, кырӟанъёсты тодазы
вайизы шаерысьтымы библиотекаосын,
музейёсын тыршисьёс, нылпиос но бадӟымъёс.
Чильпам, пужыятэм киужъёссэс возьматӥзы
мукет улосъёсысь адямиос но: Владимир улосысь,
Симферопольысь, Пятигорскысь, Татарстанысь
мыло-кыдоос. Ӵушконъёсын
тодматскыны луэ #Годнародноготворчества-
Вышитоеполотенце #Кильмезскаябиблиотека
хештэг улсын.
УВА ________
Машинаяз ӝуаз
15-тӥ мае уйшор бере Штангурт
дорысь ӵыпет дурын машина
ӝуаз.
Корт вал пеньӟиз, тылын быриз
солэн кузёез — Ижын улӥсь 49
аресъем воргорон. Шаерысьтымы Следствиея
управленилэн пресс-службаез ивортэмъя, Ижын
улӥсьёс ӵыпет доры чорыганы лыктӥллям вылэм
эшъёсынызы ӵош 2 машинаен. Уйин кӧлыкузы,
одӥгез машина ӝуаны кутскиз. 49 аресъем воргорон
ӝуаз, нош кышноез мырдэм потыны
быгатӥз. Шуо, тыл потэмын, электропроводкаын
замыкание луыса. Та вакытэ пӧртэм экспертизаос
ортчытӥсько.
ШАРКАН
________
Беромизы...
16 аресъем пияш бырыны шедиз.
Быдэ вуымтэ пинал песянаеныз
ӵош улэ вылэм. 10-тӥ мае
дорысьтыз кошкем но бертымтэ.
Песянаез ӵуказеяз ӝытазе
гинэ полицие вазиськем. Пияшез
утчазы гуртоос, югдурез утисьёс, утчанъяутёнъя
«Регион 18» отряд, спасательёс, кинологъёс.
«Регион 18» отрядлэн кивалтӥсез Мария
Видеман ивортӥз, пияшлэсь шӧйзэ шедьтӥзы
13-тӥ мае гурт вӧзысь сикысь. Та вакытэ эскерон
ортчытӥське.
ЭГРА ________
Спортэн эшъяськозы
Лоза муниципал кылдытэтысь
мыло-кыдоос Россиысь егитъёсын
ужанъя агентстволэн конкурсаз
пыриськизы но грант
утӥзы.
Табере черкогуртын кылдозы спортплощадка
но тренажёръёс. «ЛоЗАспорт» проектэз гожтӥзы
библиотекаын ужась Елена Симора но дышетӥсь
Ксения Сергеева. Егитъёслэн гуртооссэс таза
улонэн эшъяськытэмзы потэ. Проектэз улонэ
пыӵатыны ӧдъяло поселениысь администрациен
но вань мыло-кыдоосын ӵош. Егитъёс оско,
ӵошен соос калыксэс тазагес, чебергес, азинлыкогес
карозы.
Кылем арын но воштӥськонъёс ортчизы — черкогурт
шорзы выльдӥськиз. «Ярмарка — душа
России» проектсы гуртэз котыр ласянь азинтонъя
федерал программа улсын грант утӥз
вал.
ЮКАМЕНСК
________
Врачъёс будо
Ёрос администрациысь дышетонъя
управление покчиос
пӧлын ортчытӥз суредъёсын
конкурс. 28 тэшкылиос ужъёссы
пыр возьматӥзы, кин луэмзы
потэ бадӟым будыса.
Вераны кулэ, коронавирусэн
нюръяськон вакытэ врачлэн
данэз но кулэлыкез нылпиос пӧлын но
шӧдӥськытэк ӧз кыльы. Озьы уноез пичиос эмъясь
луон сярысь мылкыдзэс усьтӥзы, вал на полицейскойлэсь,
тылпу кысӥсьлэсь, дышетӥсьлэсь
профессизэс басьтыны мылкыд карисьёс. 1-тӥ но
2-тӥ инты басьтӥзы Юкаменскысь Ильяс Абашев
но Анастасия Невоструева, 3-тӥ инты утӥз Починки
гуртысь Ксения Попцова. Ваньмыз нылпиос
таукаронъёсын пусъемын.