ud#19 (25829)

udmdunne.ru
+7 951 195 37 65
ВИЗЬ-НОД
№19 (25829)
2020-тӥ ар 21-тӥ куартолэзь 9
Юан-веран
Валэктэ Пенсиосъя кун фондысь СМИ-осын ужанъя группаен кивалтӥсь Елена Ананина
Одӥг пол тыриськоз
10 сюрс манет
Россилэн Президентэз кемалась
ик ӧвӧл ялӥз 3 аресысен
16 аресозь пиналъёсын семьяослы
выплатаос сярысь. Валэктэ
вал, нылпилы кӧня арес
тырмытозь сётӥськоз та пособие,
угось одӥгъёсыз шуо 15
аресозь, мукетъёсыз — 16 аресозь.
Со сяна, сое басьтон понна
лыдэ басьтӥськоз-а семьялэн
доходэз? Кытчы куриськон
сётоно?
Алевтина Д.
Пичи Пурга ёрос
11-тӥ мае пыӵаны кутскиз
Россиысь Президентлэн
В. Путинлэн выль указэз
— соя воштонъёс пыртэмын
туэ 7-тӥ апреле юнматэм
«Нылпиосын семьяослы
ватсаса социальной юрттэт
сётон сярысь» указэ. Отын
пусъемын: сыӵе семьяослы,
кудъёсызлэн нылпиоссылы
3 арес тырмоз 11-тӥ майысен
30-тӥ июнёзь, 16 арес но
та вакытэ ик тырмоз — одӥг
пол сётӥськоз 10 сюрс манет.
Семьялэн доходэз, озьы
ик анай капиталлы право
лыдэ уз басьтӥське. Валтӥсь
курон: анай-атай, нылпиос
Россилэн кунмуртъёсыз луыны
кулэ.
Та выплата сётӥськоз
одӥг пол туэ 1-тӥ июньысен.
Но куриськонъёсты кутон
мытэмын ни 12-тӥ майысен.
Уноез анай-атайёс соку ик
куриськон гожтоно кариськизы,
соин ик кун услугаосъя
огъя портал шуген ужаны
кутскиз. Но дыртонэз ӧвӧл:
нылпиостылэн арлыдзы
Пинал будэтӥсь семьяосты кун ас кожазы уг кельты.
законъя тупа ке — 1-тӥ
июльлы нылпидылы 3 арес
тырмемын — заявленидэс
кутозы 1-тӥ октябрёзь. 3
аресысен 16 аресозь пиналъёсты
кӧня ке кузя ке, выплата
сётӥськоз котькудӥзлы
быдэн 10 сюрс манетэн.
Заявление сётоно кун
услугаосъя огъя портал
(gosuslugi.ru) яке Пенсиосъя
кун фондлэн сайтэз
пыр, нимаз кабинет усьтыса.
Куриськон гожтыны
быгатоз яке анай, яке атай.
Та ареслы тупась нылпиосты
кӧня ке кузя ке, соослы
нимаз куриськон гожтоно
Туспуктӥз Максим ЕГОРОВ
уз луы, ваньзэсты одӥгаз
гинэ пусъёно. Выплата дыраз
мед вуоз шуыса, банкысь
счёттылэсь лыдпусъёссэ
шонер гожтоно. Лыдэ
басьтэ: картады «Мир» системаен
луыны кулэ, но со
вылысь лыдпусъёссэ гожтоно
ӧвӧл, пусъёно со картадылэсь
счётсэ (реквизитъёссэ).
Пусйытэк кельтыны уг
луы тазэ но: та выплата уз
лыдъяськы семьялэн доходэныз,
озьы ик отысь уз
басьтӥськы доход басьтэм
понна выт (НДФЛ). Та выплата
чотын семьяослэн доходзы
уз йылы бере, озьыен,
ёрмисьёсыз азьвыл сямен ик
басьтыны быгатозы мукет
социальной юрттэт.
Кудзэ выплатаез
басьто?
Президент ялӥз вал, сыӵе
семьяослы, кудъёсызлэн анай
капиталлы правозы вань,
нылпизылы 1-тӥ апрельлы 3
арес тырмемын ӧвӧл ай ке,
апрельысен июнь толэзёзь быдэн
5 сюрс манет сётӥськоз
шуыса. Апрель понна мон 5
сюрс басьтӥ ни. Юанэ таӵе:
нылпиелы 5-тӥ мае 3 арес
тырмиз. Сётӥськоз на-а мыным
май понна 5 сюрс манет.
Быгато-а басьтыны одӥг пол
сётӥськись 10 сюрс манетъем
выплатаез?
Ирина О.
Дэри ёрос
Президентлэн 11-тӥ мае
кутэм указэзъя воштонъёс
пыртэмын апрельысен июнь
толэзёзь сётӥськись выплатаосъя
но. Азьвыл курон
пуктэмын вал: 1-тӥ апрелёзь
нылпилы 3 арес тырмемын
ӧвӧл ай ке, семьялэн анай
капиталлы правоез вань ке,
тыриськоз 3 толэзь быдэн 5
сюрс манетэн. Табере лыдэ
уз басьтӥськы, сётэмын-а
анайлы капитал, 5 сюрс манет
тыриське ваньмызлы семьяослы,
кудъёсызлэн вань 3 аресозь
пиналъёссы. Валтӥсь курон:
пиналлы 1-тӥ апрелёзь
тырмемын луыны кулэ ӧвӧл
3 арес. 3 толэзьлы ик басьтон
понна ик нылпидылы 3 арес
тырмемын луыны кулэ ӧвӧл
1-тӥ апрельысен 30-тӥ июнёзь.
Куриськонъёстэс кутозы
1-тӥ октябрёзь: кун услугаосъя
огъя портал яке Пенсиосъя
кун фондлэн сайтэз пыр
(адямилэн нимаз кабинетаз).
Шуиськоды, пиналдылы 3
арес тырмиз майлэн кутсконаз.
Озьыен, 5 сюрс манетъем
выплатаез басьтоды на май
толэзь понна но. Озьы ик тупаськоды
одӥг пол сётӥськись
10 сюрс манетъем выплаталы
но: угось пиналдылы 11-тӥ
майысен 3 арес тырмемын
луоз ни. Но июнь понна, валамон,
5 сюрс манетъем выплатаез
уд басьтэ ни.
Валэктэ калыкез улон-вылонын утён политикая но ужъя министр Татьяна Чуракова
Луоз-а юрттэт?
Картэ «Удмуртнефть»
огазеяськонын ужа. Уждунэз
10 сюрс манет. Кун ласянь
кыӵе ке юрттэт басьтыны
быгатӥськомы меда?
Ольга В.
Шаркан ёрос.
Шаерамы радъямын шуге-леке
я секыт югдуре шедем
адямиослы уксёен юрттон.
Солы бюджетын нимысьтыз
уксё чакламын. Кылсярысь,
тылпуэн сэрен юртсэс ыштэмъёслы,
кыӵе ке секыт висёнэн
нюръяськисьёслы, дуно
операцилы я эмъянлы кулэяськисьёслы,
матысь адямиез
ватыны коньдон висъяське.
Котькуд адямилэсь югдурзэ
нимысьтыз эскеро, чаклало,
макем со ёрме, кудбыдӟа арлыдыз,
кыӵе условиосын улэ,
юрттыны быгато-а ӵыжывыжыосыз.
Семьяды шуге-леке вуэмын
ке, вазиське Шаркан
ёрос администрациысь калыкез
утёнъя ёзэ. Отысь специалистъёсын
герӟаськыны луэ
8 (3412) 3-33-81 номеръя.
Кинлы сётӥське
ужысь ветеран
ним?
Мон Россиысь МЧС-лэн
«За содружество во имя спасения»
медаленыз пусъемын.
Со ужысь ветеран ним басьтыны
луонлык сётэ-а?
Валентина К.
Ижкар
2016-тӥ арын 1-тӥ
июле «Ветеранъёс сярысь»
федерал законэ воштонъёс
пыртӥзы. Соосъя ужысь ветеран
нимын пусъё ведомствоослэн
наградаосынызы
данъям муртъёсты. Одно ик
санэ басьто ужам аръёсты:
нылкышноос — 20, воргоронъёс
25 ар стаж люканы
кулэ.
Россиысь Правительстволэн
2016-тӥ арын 25-тӥ
июне кутэм 578 номеро постановлениезъя
министерствоос
быгато адямиосты
гадьпусъёсын данъяны, со
ветеран ним басьтыны луонлык
сётэ. Россиысь МЧСлэн
«Почётный сотрудник
МЧС Росссии», «Ветеран
МЧС России» гадьпусъёсыныз,
«За безупречную службу»
медален, 1-тӥ но 2-тӥ
степенё «За отличие в военной
службе» медаленыз
пусъемъёс быгато ужысь
ветеран луыны. «За содружество
во имя спасения»
медален пусъем адямиос
ужысь ветеран ним басьтыны
уг быгато.
Аптекаын
басьяськыны
сертификат
Шаерысьтымы ёрмыса
улӥсь семьяосысь пиналъёслы
сётъяло 1 сюрс манетъем
«Аптеки Удмуртии» сертификатъёс.
Кин сое басьтыны
быгатэ? Марлы со сётӥське?
Марина И.
Алнаш ёрос
Семьялэн огъя доходэз котькуд
адямилы улыны тупатэм
минимумлэсь бадӟымгес
луыны кулэ ӧвӧл. Шаерамы
сыӵе семьяос 11 сюрс котыр
лыдъясько. Апрель понна 9
сюрс 800 семья со сертификатэн
«Аптеки Удмуртии»
огазеяськонысь басьяськиз
ни.
Карта сётӥське апрель
толэзьысен июнёзь. Котькуд
семьялы толэзьлы быдэ чакламын
быдэн 2 сертификат
— котькудӥзлэн быдӟалаез
500 манет. Мае но июне соосты
сётъялозы 14-тӥ число
бере. Котькудӥзлы сое дораз
вайыса кельтозы. Сертификатэн
басьтыны луэ: нылпиослы
чаклам сиён-юон,
Таӵе юрттэт Удмуртилэн
Тӧроез А. Бречалов сюлмаськемен
кылдӥз. Сётӥське посуда, подгузникъёс, кутэт,
со ёрмыса улӥсь семьяосысь
2 аресозь нылпиослы. арбериос, эмъюм.
маскаос, чылкытатӥськон
_______________________________________________________
Бамез дасязы Елена НИКИТИНА но Елена САРАМАТОВА