ud#41 (25851)

№41 (25851)
2020-тӥ ар 22-тӥ коньывуон 17
Пӧртмаськон
Курдаськод но оскиськод
Кунгож сьӧрысь праздникъёс
асьме улонамы
но пыӵало. Кылсярысь,
31-тӥ октябре Хэллоуинэз
егитъёс туж витё,
ог-огзылы кышкыт
учыръёсты мадё. Нош
удмуртъёслэн макем
трос пӧртмаськонъёс
сярысь веранъёссы:
котькуд гуртын, котькуд
коркан вань кыӵе ке
мадёс...
• Дышетӥсе вералляз:
мынӥллям одӥг пол агаеныз
турын дуре. Бертыкузы Алнаш
ёросысь Ӟунняшур гурт
дорысь нюлэс пыр потӥллям.
Вӧзазы пичи гинэ пияш мыныны
ӧдъям. Мон, пе, соин
вераськисько, нош со пумитам
номыр уг вазьы. Юасько,
пе, нимзэ, нош со ялан
шыпыт улэ. Озьы нюлэс пыр
пияш шоразы сак учкыса мынэм.
Нюлэс сьӧры потӥллям
ни но, дышетӥсе, солы мар ке
вераны турттыса, берытскем,
нош пияш кытчы ке ышем.
• Котькуд гуртын йыро мытӥсь
нюлэсъёс сярысь верасько.
Тани Алнаш ёросын Сизьгурт
палан но сыӵеез вань, пе.
Адямиос отӥ машинаен мыно,
нокытчы уг кожало, но весь
одӥг интыетӥ котыръясько,
азьвыл ортчем интыязы вуо.
Азьло татын быдэс гурт вылэм,
нош али тополь но улмопуос
гинэ будо на.
• Сизьгурт дорын ик вань,
пе, ведӥн писпу: пеймыт,
кырыж вайёсын, куасалтэм
килы кельше. Пересьёс отчы
Алнаш ёросысь Сизьгуртын вань ведӥн писпу.
ветлыны уг лэзё вал: кышкыт,
пе. Дораз ветлӥсьёсын
йӧспӧртэм учыръёс луыло.
Но эшъёсы отчы мыныны
дӥсьтӥллям ик. Зэмзэ ке, со
писпу вандэмын вылэм, вайёсыз
езъёслы медаз люкетэ
шуыса, соин ик тусыз сыӵе
кӧшкемыт вылэм. Нош зэм
ик-а веднаське, созэ ӧвӧл
шӧдӥллям.
• Эшелэн гуртаз Маманюксы
вань. Куке но кемалась
кышномурт пичи пиеныз
отчы губияны мынэм.
Сикетӥ ветлыкузы, пияш
йыромем, туж кема, мумызэ
ӧтьы са, «мама, мама» кесяськем...
Пияшез туж кема
утчаллям, нош анай сюлэм
ӧвӧл чидам... Али, Ма манюке
тӥ ортчыкузы, гуртоос
Туспуктӥз Мария ЕМЕЛЬЯНОВА
кузь дэремен, кышетэн вужерез
адӟыло, йыбырттыса, пе,
пуке...
• Мынэм одӥг кышномурт
пасекаяз. Пичи корказ гур азь
палэз но кӧлыны висъетэз гинэ
вылэм. Сиськем но изьыны
выдэм. Шуак мар ке шалтыртыны
кутскем: кожалод, кин ке
тэркы борды пуньыен шуккылэ.
Кышномурт валес вылысьтыз
султэ гинэ но — шыпыт
луэ. Тани нош ик колтыртыны
кутскем. Кышномурт пыдчиньы
йылаз гинэ пӧраськон
висъет пала вамыштэм. Борддор
сьӧрысь йырзэ мычем но,
нош ик ваньмыз шыпыт луэм.
Курдаса, мар карыны валатэк,
кирос поныны кутскем. «Кин
татын вань? Ойдолэ эшъяськыса
уломы», — кесяськем.
Юрттӥз-а та амал — валантэм,
но со дырысен нокыӵе мултэс
куараос ӧз кылӥськылэ ни, пе.
• Пуко, пе, кышноен картэн
ӝӧк сьӧрын сиськыса. Беразы
мурӝолэ нуись ӧссы пась.
Шуак со колтыртыны кутскем:
усьтӥське — ворсаське,
усьтӥське — ворсаське... Берыктӥсько
— ӧссы пытсамын.
Кӧня ке улыса нош берытско
— пась. Озьы паймыса пукиллям.
Вӧзтӥзы коӵышсы ортчем
но мурӝол пала кожем.
Кузёос «мяу» кеськемзэ гинэ
кылӥллям, берытскиллям —
нош коӵышсы кулэмын.
• Эше одӥг пол уйвӧт, пе,
адӟисько: доразы кыӵе ке
пересь воргоронлэн шӧез
кылле, малы ке эшме уйин
сое эскерыны косӥллям. Курдаменыз
ву юыны султэм
но, ачиз валатэк, пыдыныз
шӧйлэн ки бордаз дэмӟем,
усем, нош шӧй берытскыса
ик со вылэ усем. Эше, юрттэт
курыса, кесяськыны выре, но
куараез уг поты. Сое общежитиысь
бускелез сайкатэм
ни: «Мар луиз? Шара кесяськиськод...»
Эше быдэс нунал
уйвӧтэз сярысь малпаськиз,
анаезлы но мадиз. Кӧ ня ке нунал
ортчыса, анаез жингыртэ
ни: «Вӧтэд быдэсмиз — пересь
айы коӵышмы ку лӥз». Нош со
гордань весь эшелэн мӧля вылаз
кӧлыны яратэ вылэм.
• Со эшелэн ик бакча бераз
вӧл-вӧл бусыос, ӝужыт гурезь...
Макем чебер инты! Но
гуртоос сое Шайгурезь шуо.
Малы? Пересьёс верало вылэм,
татчы нимтэм муртъёсты
ватылӥзы шуыса: палэнысь
вуэм пыдйылчиосты, кулыса
вордӥськем пиналъёсты... Ватэм
интызэс нокызьы ӧз пусйылэ.
Со гурезь пала быдэс
ульча мынэ. Вашкала аръёсы
2 пичи нылъёс гурезь бамалэ
шудыны тубиллям. Песянайзы
бакча сьӧры потэм но бадӟым
куараен соосты сиськыны
ӧтем. Нылъёс, кизэс кутыса ик,
гурезь уллань васькыны кутскиллям
но шуак ышиллям. Со
дырысен соосты нокин ӧвӧл
адӟылэм ни. Али та интыын
скалъёсты, ыжъёсты возё ке но,
гуртоос куалектыло ик — вань
татын маке но лекез. Адямиос
куакъёс пӧлын ошиськыло яке
шуак сюлэмзы кутэ.
________
Анастасия ФОМИНА
УдГУ
Вормыны дасясько!
Комикс
Ворттӥсь вал кадь
Арлы быдэ асьме федерал
округамы ортчылэ
«Театральное Приволжье»
конкурс. Отчы
пырисько театральной
студиос, студентъёслэн
но школьникъёслэн коллективъёссы.
Туэ отчы мынон понна
вожвылъясько Удмурт кун
университетысь Удмурт
кылосбуръя, финно-угроведениея
но журналистикая
институтысь студентъёс
но. Соос конкурсэ
келязы Юлия Тупикиналэн
пьесаезъя пук тэм «Вдохвыдох»
спектакльзэс.
Соин студентъёс пырись
кылӥзы ни УдГУ-ын
ортчы лӥсь «Огни большого
вуза» театральной фестивале,
вормисьёс пӧлы шедизы,
асьсэды усто возьматӥзы.
Та спектакльын валтӥсь
героез, Машаез, ӵош дышетскись
эшъёсыз серекъяса,
ултӥяса возё, нылаш
таӵе югдурен нюръяське,
улонзэ воштыны тырше.
Со вакытэ ик дышетӥсезлы
синмаське. Жаляса верано,
анаезлы но сюлэмшугъяськонзэ
вераны уг быгаты,
угось со ужысь бер, жадьыса
бертылэ.
Постановка 40 минут
пала кыстӥське.
«Вдох-выдох» туала пиналъёслэн
улонысьтызы секыт
ужпумъёсты ӝутэ: яра-а
мукетъёсызлэсь висъяськыны?
Адямиослы огкадь
луоно-а? Кызьы ачид понна
нюръяськоно? Мар кароно,
анай-атайёсыд тонэ мед валалозы
шуыса?
— 2019-тӥ арын та постановкаез
дасякумы, одӥг
студент но аслэсьтыз дырзэ,
кужымзэ ӧз жаля, быдэс нуналъёсын
со бордын ужазы,
копак отчы зымизы, — вераз
спектакльысь артистка
Юлия Покоева. — Оскисько,
жюри милемыз дунъялоз
шуыса, малы ке шуоно али
та выллем спектакльёсты
туж шер возьмато.
Удмуртиысь жюри — режиссёръёс,
драматургъёс,
актёръёс — вань вуэм заявкаосты
15-тӥ декабрёзь
эскерозы, «Нылпиослы спектакль»
но «Егитъёслы спектакль»
номинациосын вормисьёсты
быръёзы.
Декабре соос «Театральное
Приволжье» вожвылъяськонлэн
финалаз Удмуртилэсь
данзэ утёзы.
________
Светлана ПЕРЕВОЗЧИКОВА
Суредаз Марина СТЕПАНОВА