ud#41 (25851)

№41 (25851)
26 2020-тӥ ар 22-тӥ коньывуон ЛЫДӞИСЬКОН СИГ
Повесть
Сюлэм ӧз пӧя
Андрей Бутолин
(Кутсконэз 30-тӥ номерын.)
* * *
Институтын ужасьёс шӧды
тэк ӧз улэ Максимлэсь но
Татьяна Петровналэсь кусыпсэс.
Ужан дыръя но соос пумисько
ке, ваче пальпотыса
учко, куспазы ноку уг верасько,
озьы но валамон луэ — соослэн
кусыпсы огшоры кык
адямиослэн кадь ӧвӧл. Таня
йыгмыт адями, токма шорысь
супыльтонэз яке юнме
бӧтьыртонэз уг гажа, сыӵе вераськон
кылдэ ке, палэнске,
мукет ужъёс сярысь вераськон
мытыны тырше.
Берло нуналъёсы кезьыт
луэмен, квартиразы эстымтэен,
кынманы шедиз Татьяна
Петровна. Ӵукна ужаны лыктэмез
бере быдэс мугорыз зубектэмын,
юзыр-кезьыр луэ,
йырыз но жӧломем кадь. Соин
ик ужысь эшъёсыныз вераськыны
мылкыдыз ӧвӧл.
Кӧня ке пукемез бере Танялы
уката секыт луиз. Парторганизацилэн
секретарез Конов
сое шӧдӥз.
— Мар луиз? Оло, висиськод?
— юаз со, Танялэсь ӟар
ӵыжектэм бамъёссэ адӟыса. —
Петинлы вералом шат?
Секретарьлэн озьы Максим
сярысь меӵак юамезлы
паймыса, Татьяна Петровна
малы ке кышказ, солэсь кыӵе
ке бадӟым секретсэ шараязы
кадь потӥз солы. Собере
мур лулӟылӥз но каллен гинэ
кылӥськиз:
— Вералэ.
— Али ик верало, со
тӥледлы котькинлэсь умойгес
юрттоз, дыр, — шуиз но секретарь
кабинетысь ӝог потӥз.
«Котькинлэсь умойгес
юрттоз» кылъёсты секретарь
юри юнматыса вераз. Сое
Таня умой валаз — со озьы
серем улсын кадь верамын
вал. Таня пумитаз номыр ӧз
вазьы, нош вожпотонэз сое
золгес ӟырдатӥз. Танялы уката
шуггес луиз.
Мукет кабинетысь бызьыса
кадь пыриз Петин. Пӧртэм кыл
вӧлдонлэсь кышкатэк, юри
ваньмызлы кылымон вераз:
— Танюша! Мар тон сыӵе,
али ик, али ик! — дораз мынӥз
но Танялэсь киоссэ кутӥз, аслаз
бам бордаз йӧттӥз но чупаса
лэзиз.
— Эн сюлмаськы, Максим.
Ортчоз ай. Кынмыны шеди,
пыэд кутӥз, шӧдске. — Танялэн
сюлэмаз Максимлы туж
бадӟым тау карон мылкыдыз
бугырскиз но, синкылиосыз
потӥзы.
— Вай ӝоггес дӥсяськом
но — врач доры, — шуиз Максим,
Танялы дӥсяськыны юрттыса.
Сое кунултӥз но, ӝоген
потӥзы. Таняез квартираяз
кельтыса, Максим соку ик
мынӥз врачез ӧтьыны.
Петин врачен ӵош ӝоген
вуизы, висисьлы кулэ эмъюмъёс
дасязы но, Максим уже
кошкемезлэсь азьло Танялы
ма но со дасяз на. Институтэ
мыныкуз, со син азяз пуктӥз
Танялэсь квартиразэ, солэсь
нимаз комнатазэ, отын Танялэсь
нимаз улэмзэ. Али но со
ассэ отын Таняен ӵош адӟе,
солы туж шуныт но умой потэ.
Комнатаын номыр мултэсэз
ӧвӧл, ваньмыз интыяз. Книга
возён ӝажыосаз книгаез сокем
трос ӧвӧл, но ваньмыз
кулэез гинэ — В. И. Ленинлэн
томъёсыз, литературалы
но историлы сӥзем книгаос,
удмуртъёслэн историзы но
удмурт художественной литература.
Ӝӧк вылаз но номыр
мултэсэз ӧвӧл — бумага,
ручкаос но кӧня ке книгаос. Та
комнатаяз ачиз но Таня егитоме
кадь, туж туслы адӟиське,
чагыр синъёсыныз артэ бамъёсысьтыз
шудӥсь гопъёсыз
уката но чебер каро сое.
Татьяна Петровналэн та
комнатаяз пырыны нимаз
ӧсэз вань. Родняезлы уг люкеты,
соос но Танялы уг люкето,
тупаса уло. Таня ӵем гинэ пумиськылэ
Петинэн, Максим
сое дораз келялля, нош кемалы
пукыны ӧз кыльылы.
Одӥг пол соос ӝытазе ульчаысь
аллеяетӥ кема калгемзы
бере Таня доры пыризы.
Татьяна Петровна, Максимлэн
тазьы ӧжытлы гинэ пыраллямез
сярысь тодазы вайыса,
шуиз:
— Максим, тон малэсь
ке кышкаськод-а, кепыр
потӥськод-а, малы котьку
мон дорысь пегӟыса кошкыны
дыртӥськод?
Петин сыӵе юан одно ик
луоз шуыса вите вал ини. Табере
угось ваньмыз тодо ни
соослэсь огзэс огзы яратэмзэс.
Кыл вӧлдонлэсь но курданэз
ӧвӧл ни кадь. Соослэн кусыпсы
сярысь пӧртэм супыльтонъёс
институтын но акыльтымон
ини.
— Меӵак вералом-а, уд
паймы-а? — пырак Танялэн
синмаз учкиз Петин.
— Малы меда мон паймом
на? Мон дась тынэсьтыд вань
малпамдэ тодыны.
— Мон тон доры лыктӥ ке?
— Кызьы сое валано? Тон
али но мон дорын ук.
— Пыраклы, тон доры...
Татьяна Петровна, ог кыл
но вератэк, Максимез, китӥз
кутыса, дораз кыскиз но
ӟыгыртӥз.
— Нош кышноед?
Максим нош ик пыр-пыр
учкиз Таня шоры. Собере
лулӟылыса вераз:
— Лермонтов сямен вералом
ни-а, мар-а — «Была без
радостей любовь, разлука будет
без печали».
— Мон ӧй ке валасал, тонэ
дорам пыраны но ӧй лэзьысал.
Мон тонэ но кышнодэ ӧжытак
ке но тодӥсько ни. Тыныд Аннаеныд
секыт но мӧзмыт, сое
но тодӥсько. Мынам тыныд
вань быгатэменым юрттэме
потэ... Соин ик пумит ӧвӧл.
Туспуктӥз Максим ЕГОРОВ
Монэ сюлэмы уз пӧя шуыса
оскисько.
Озьы вераськемзы бере
Петин кемалыгес лыктылӥз
ни Таня доры.
Одӥг полаз озьы ветлэмез
тӥледлы, лыдӟись эше, тодмо
ни та верослэн кутсконысьтыз.
* * *
Анна Ивановна Петинэз
бордаз возён понна олокыӵе
но пӧртэм амалъёс шедьтыны
тыршиз. Аслэсьтыз чеберзэ
валаса, со нырысь пал
солы оске вал, соин ик ассэ
ялан чебер тусын утён понна
туж юн зыраськыны кутскиз
пӧртэм мазьёсын но краскаосын,
пӧртэм пудраосын но
духиосын. Озьы выремезлэсь
пайдазэ шӧдымтэен, со куд-ог
дыръя калык азьын мукет пиосмуртъёсын
гольтыръяськыны
кутскылӥз, мед, пе, адӟоз
Максим, солэн кышноез шоры
мукетъёсыз но учко. Таиз но
амалэз пайдатэм луиз.
Нош мар муген Петин со
бордысь палэнскыны кутскиз
— тӥни сое, самой кулэзэ,
Анна валаны ӧз быгаты.
Максимлы чидантэм акыльтыны
кутскизы ваньмыз гурт
арбериосыз, ваньмыз соос
пыӵамын вал ини Анналэн
сӧриськем духи но пудра зыныныз.
Максимлы акыльтӥзы
Анналэн калык пӧлын гольтырес
вырыны тыршонэз,
тодмооссы азьын ассэ кулэезъя
возьыны быгатымтэез.
Визьмыз сюбег луэмен-а,
мар-а, Анна Ивановна туж
кулэ ужпумъёс сярысь вераськон
дыръя витёнтэм шорысь
шач! сапкытоз вал чылкак
паймымон но кулэтэм «мудрон»
кылъёссэ. Максим соин
сэрен ӵыжектоно луылӥз
эшъёсыз азьын. Бен, номыр
уд кары, вань на сыӵе адямиос,
Аня кадьёс. Сыӵеослэн быдэс
улонзы азьпалскон бурдъёсты
уг адӟылы, уг вала со
бурдъёслэсь кужымзэс. Соос
чик уг малпало, малпаны но
уг быгато котыразы ортчись
общественной но политической
ужпумъёс сярысь, ӵукна
султо, ӝыт небыт, шуныт
валес кыске, уж — кызьы ке
капчигес шедьтоно. Ӧжыт тӧл
пельтыны кутске ке, соос укнооссэс
пытсало-ӵогало, ыркыт
улон омырлэсь ватскыны
тыршо. Одӥг чуръем малпан,
одӥг кабъя улон: вордскиз,
ческыт сиён понна сюлмаськиз,
кышнояськиз, бызиз,
омырез пожаса калгиз, кулӥз
— сыӵе гинэ солэн улон сюресэз.
Со выллем ик луиз Анна
Ивановна но. Секыт со сярысь
малпаны Петинлы, нош тупатыны
бер ини.
Анна аслэсьтыз сыӵе сямзэ
Максимен ӵош улэмзыя валаны
кутскиз. Соин валче туж
трос куректӥз но ӵем дыръя
юн викышъяса бӧрдылӥз. Куспазы
кылдэм путэтлэсь огазеяны
луонтэмзэ валаз.
Анна кӧня ке толэзьлы гинэ
нырысь бызьылыкуз, солэн
атаез нылызлы нимаз квартира
басьтыны быгатӥз. Озьы
Петин Анна доры квартирант
кадь пыриз вал.
Табере Анна Ивановна
одӥг малпанэн улэ — Максимез
ӝоггес улляно, соин улон
ӧвӧл ни. Ас чеберезлы оскыса,
солэн нош ик йыраз бергало
ни выль кузпал шедьтон, санаторийёсы
но курортъёсы
ветлон, калыке потыса ассэ
возьматон.
Выль карт шедьтӥз ке, табере
со уз, уз лэзь ни бордысьтыз
палэнскыны, со пинал ваёз но
картсэ бордаз герӟалоз. Анна
Ивановна трос малпа Петин
сярысь, соин ӵош улонэз
пӧрмымтэ сярысь. Максим,
оло, сое ӧз но яратылы, оло, огдырлы
гинэ солэн чеберезлы
паймыса герӟаськиз вал. Оло,
солы соку мукет нылъёс ярало
вал ини, бамъёсазы шудӥсь
гопоосыз. Оло, Максим соин
шудыса гинэ улӥз, мукет кышноосын
бызьылӥз.
Озьы малпанзэ нуйтыса,
Анналы уката кышкыт луэ,
Максимлы вожпотонэз уката
пуроме, зар бӧрдэмез потыны
кутске, вожан мылкыдыз чидантэм
пӧсяны ӧдъя.