ud#41 (25851)

udmdunne.ru
+7 951 195 37 65
Семьяен ужан
СЮЛМАСЬКОН
№41 (25851)
2020-тӥ ар 22-тӥ коньывуон 7
Кызьы юрттоно анайлы?
Пичи Пурга районын
пыӵа «Анайлы юрттом
анай луыны» проект.
Та ужез быдэстыны
ёрос администрация 1
миллион 36 сюрс манет
грант утӥз Секыт учыре
шедем нылпиослы юрттонъя
фондысь.
— Проект гожъян ужен
выреммы ӧй на вал. Ар талэсь
азьло таӵе фонд сярысь
тодӥмы. Дыр туж ӧжыт кылемын
ни вал. Соин проект
гожтӥмы 2 ӝыт куспын,
— вера проектлэн огез авторез,
ёрос администрациысь
семья ужпумъёсъя, демографияя
но нылпиослэсь
правооссэс утёнъя отделлэн
кивалтӥсезлэн воштӥсез
Юлия Маркова.
Та отделын ужасьёс районысь
семьяосты син азязы
возё бере, тодо: уката бадӟым
саклык висъяны кулэ секыт
югдуре шедемъёслы. Кинъёс
пыро соос пӧлы? Ӵемысь
со 2-3 пиналъёссэ огназ
будэтӥсь, картэныз люкиськем,
дырын-дырын чарка
пыдсы учкылӥсь анай.
Озьы администрациысь
Ды шетонъя управленилэн
ки валтӥсезлэн воштӥсез Зоя
Чернышева но семья ужпумъёсъя,
демографияя но нылпиослэсь
правооссэс утёнъя
отделлэн кивалтӥсезлэн воштӥсез
Юлия Маркова ужпум
пуктӥзы: районын кылдытоно
рос-прос служба, отчы
Пичи Пурга ёросысь «Анайлы юрттом анай луыны»
проектлэн огез авторез Ю. Маркова.
пырись специалистъёс кышномуртлы
котыр ласянь мед
юрттозы шонер сюрес вылэ
султыны.
Семья ужпумъёсъя отделын
ужасьёс чаклазы, кӧня
кышномуртлы та проект юрттыны
быгатысал. Озьы 11
анай син шоразы йӧтӥз. Соослэн
семьяосазы оглом 27 нылпи
будэ. Чаклазы, кыӵе гурт
поселениосын уло таӵе анайёс.
Озьы секыт югдуре шедем
семьяос тросгес шараяськизы
Иваново-Самарск, Яган-
Докья гуртъёсын, Пугачёво
посёлокын но Пичи Пурга
черкогуртын.
Шуге-леке вуэм семьяосысь
анайёслэн тужгес бадӟым
шексы — юон. Та висёнэнызы
сэрен соос аналтыло нылпиоссэс.
Но эмъясько ке, ужаны
пото ке, огдырлы нош ик улонзы
радъяське. Та кышномуртъёслэн
анай луон правозы таламын
ӧвӧл, озьы ке но югдур
туж лэчыт. Семьяез одно ик
утёно. Нош семья ужпумъёсъя
отделын ӧвӧл нимысьтыз психолог
но, специалистъёслэн но
тодон-валанзы уг тырмы.
Туспуктӥз Максим ЕГОРОВ
— Районъёсын таӵе югдуре
шедем семьяосын ужан оскемын
калыклы улон-вылонын
юрттонъя (КЦСОН) служба
вылэ. Но татын но уг тырмо
психологъёс. Соин проектлэн
нырысетӥ ужпумез: ӟеч специалистъёсты
дасян. Милям
командаямы 7 мурт кулэ. Но
проект чотын дышетыны кутским
20 муртэ. Малы ке шуоно
пандемиен валче тодон-валан
басьтонмы дистанционной
амалэн радъяське, сюрес
вылэ быдтыны чаклам уксё
шыръяське. Туж тунсыко та
дышетсконмы. Ми татын теориез
но практикаез ортчиськом,
дорысь уж лэсьтӥськом,
ужын тупаллясь учыръёсты
эскериськом. Семьяосын
ужась специалистъёслэн ӵемысь
уг тырмы тодон-валанзы,
кызьы юись анайёсын
вераськонэз радъяно. Кызьы
пыроно та семьяе, кыӵе юан
бордысен кенешонэз мытоно,
кызьы нылпиосыз сярысь
юалляськоно, — пусъе Юлия
Маркова.
Таӵе дышетсконлэн нырысетӥ
емышъёсыз вань ни. Проектэ
пырыны мылкыдзэ вераз
ни кӧня ке анай. Соос пӧлысь
3-ез юонлэсь эмъямын. Проект
чотын ик анайёс быгато
выль профессия басьтыны.
Соос вуриськисьлы, парикмахерлы
но маникюр лэсьтӥсьлы
дышетскыны пӧрмытозы. Собере
Калыкез улон-вылонын
утён политикая но ужъя министерстволэн
соцконтрактэзъя
быгатозы асьсэлэсь нимаз ужзэс
радъяны.
Проектлэн мукетыз валтӥсь
ужпумез — анайлэсь
но нылпилэсь кусыпъёссэс
тупатон. Уго юись мумылэн
данэз усе, пинал солэсь
кылзӥськемысь дугдэ. Куддыръя
таӵе семьяосысь пиналъёс
гылыт сюрес вылэ султо.
Ӵемысь татын юрттыны
быгатэ психотерапевт гинэ.
Районын таӵе специалистсы
ӧвӧл, соин нош ик палэнысь
муртэ ӧтёно луоз. Психотерапевт
анайёсын но нылпиосын
тренингъёс ортчытъяны, сюлмысь
вераськыны быгатоз.
Озьы ик пайда сётоз
нодъ ян (наставничество) амал.
Ёросысь кӧня ке кышномуртъёс
быгатӥзы асьсэлэсь юон
сямзэс вормыны. Соос визькенешен
юрттозы, асьсэлэсь
улон опытсэс вералозы проектэ
пыриськись анайёслы.
— Проектмы вуоно арын
гинэ йылпумъяськоз. Валамон,
отчы пырыны быгатозы
эшшо кыӵе ке воштӥськонъёс.
Туж оскем потэ, таӵе ужмылэн
пайдаез луоз шуыса. Проект
мыным аслым но выль кужым
сётӥз. Семья ужпумъёсъя удысын
12 ар ужасько ни, ваньзэ
тодӥсько кадь потылӥз. Нош
грант чотын выль луонлыкъёс
усьтӥсько, выль мылкыдын
уже мынӥсько, — пальпотэ
Юлия Маркова.
________
Елена СКВОРЦОВА.
Юан-веран
Кинлэн пенсиез кулэсме?
Валэктон сётэ Пенсиосъя фондысь СМИ-осын
кусып возёнъя группалэн кивалтӥсез
Елена Ананина
Пунэмъёсме тырыны ӧй быгаты ни, алигес судъя приставъёслэсь гожтэт вуиз:
мон вылэ исполнительной производство усьтэмын, доходысьтым, пе, оглюкетсэ
кутозы. Но мон пенсие потэмын, пенсия сяна, нокыӵе мукет доход уг басьтӥськы.
Луэ шат пытсамтэ кредитъёсы понна пенсиысьтым оглюкетсэ кельтыны?
Л. Андреев
Дэри черкогурт
Та пумысен тупен-тупен гожтэмын 2013-тӥ арын 28-тӥ декабре юнматэм
«Страховой пенсиос сярысь» 400 номеро законын. Соя пенсилэсь оглюкетсэ
кельтыны быгато таӵе учыръёсы: адями вылэ исполнительной уж ӝутэмын
ке; мултэссэ пенсия тыремын ке — шуом, утисьсэ ыштэм понна пенсия
басьтӥсь дырыз дыръя ивор ӧз сёты дышетсконзэ йылпумъяз шуыса (дышетскон
вакытаз гинэ угось юрттэт висъяське); пенсионерлэн доходысьтыз
оглюкетсэ кутон сярысь судлэн решениез вань ке.
Гожтӥськоды, тӥ вылэ судъя приставъёс уж ӝутӥзы. Озьыен, соос пенсиысьтыды
оглюкетсэ законъя кутозы. Но пенсидылэн ӝыныез кисыяды
кыльыны кулэ: приставъёс 50 процентсэ гинэ таланы быгато.
Но лыдэ басьтэ: пенсионерлэн быдэ вуымтэ нылпиосыз понна пытсамтэ
алиментъёсыз вань ке, приставъёс таланы быгато пенсиысь 70 процентсэ.
Тамындазэ ик кутыны быгатозы таӵе учыръёсы но: муртэ сӧсыртэмез яке
кыӵе ке секыт йыруж лэсьтэмез понна.
Нунокелэсь мӧзмисько...
Валэктон сётэ Калыкез улон-вылонын утён
политикая но ужъя министерствоысь опекая но
попечительствоя ёзлэн кивалтӥсезлэн воштӥсез
Ольга Мирошкина
Пие люкиськиз, уйпал улосъёсы ужаны кошкиз. Табере кенэ уг лэзьы внукеным
адскыны. Вералэ вал, мар кароно мыным? Мынам, песянайлэн, вань-а таӵе правое?
Валентина О.
Иж
Семейной кодекслэн 67 номеро статьяезъя песянайлэн, песятайлэн, озьы
ик нылпилэн мукет ӵыжы-выжыосызлэн правозы вань соин адӟиськыны.
Анай яке атай, яке кыкназы но кузпалъёс талы пумит луо ке, та ужпум борды
басьтӥськыны быгато опекая но попечительствоя ёзъёс. Соос анаез, атаез
косозы, нылпиен ӵыжы-выжыосыз адскыны мед быгатозы шуыса. Валамон,
со понна куриськонэн вазиськоно луоз опекая но попечительствоя ёзъёсы.
Та бӧрсьы но анай яке атай пумитъясько ке, пиналлэн ӵыжы-выжыосыз яке
опекая ёзъёс вазиськыны быгато судэ. Таӵе дыръя суд решение кутэ, нылпилэсь
мылкыдзэ лыдэ басьтыса. Суд пиналэн адӟиськыны лэзиз ке, нош
анай-атайёс та бӧрсьы но пумит луизы ке, соос кыл кутонэ кыскемын луозы
Гражданской процессуальной кодексъя.
Та пумысен юанъёстэс сётыны быгатӥськоды таӵе телефонъя: 8(3412)
92-27-36.