ud#41 (25851)

udmdunne.ru
+7 951 195 37 65
Йылпумъянъёс
ГУРТ УДЫС
№41 (25851) 3
2020-тӥ ар 22-тӥ коньывуон
Адямиосты роботъёс уз воштэ
2020-тӥ ар гурт удысын
ужасьёсты эскериз
кадь, выль луонлыкъёсты
усьтӥз. Гурт
удысын ужасьёсты
праздникенызы онлайн
ӟечкылакуз, со сярысь
вераз гурт удысъя но
сиён-юонъя министр
Ольга Абрамова.
— Шаерысьтымы 508 сюрс
адями улэ гуртын, 37 сюрсэз
музъем бордын ужало, — шуиз
Ольга Викторовна. — Кылем
арысь та вакытэн ӵошатыса,
туэ январь-август толэзь ёсы
производство 8 процентлы
йылӥз, сиён-юон поттон 2,4
процентлы будӥз. Берло 20
ар ӵоже нырысьсэ люканы
быгатӥмы 703 сюрс тонна
ю тысь, гектарлы быдэ 22,4
центнер потӥз. Дэри, Красногорск,
Каракулино, Можга, Ува
ёросъёсысь, Сарапул, Ижевск
но Глазов городъёсысь предприятиос
ужало экспортлы.
13 предприятиос асьсэ вузэнызы
Китае, Индие, Норвегие,
Германие, Вьетнаме потыны
быгатӥзы ни. Кылем
арысь та вакытэн ӵошатыса,
62 процентлы уногес вуз
дуннеысь рыноке келямын.
Шаерысьтымы 4 хозяйствоосын скал кыско «Карусель» установкаен.
Туэ 608,1 сюрс тонна йӧл поттэмын, 6 процентлы уногес
9,3 сюрс скаллы гидъёс ӝутэмын
392 ужан инты кылдытэмын
10,8 миллиард манетлы мытэмын инвестпроектъёс
3,1 миллион доллар тыр асьме дорын поттэм продукция
кунгож сьӧры вузамын
Мукетъёсызлы но кунсьӧры
потыны сертификация пыр
ортчыны капчигес мед луоз
шуыса, министерствоын чакламын
57 миллион манет
грант люкылыны. Азьланяз
таӵе юрттэт сётӥськоз арлы
быдэ.
Производствоез ӝутон сярысь
сюлмаськыса, хозяйствоос
мыло-кыдо бась тӥськизы
пудозылэсь тазалыксэ
эс керон, уллёзэс выльдон
но генетикаен ужан борды.
Ольга Абрамова пусъемъя, ог
7 сюрс скалъёслэсь
анализъёссэс
хозяйствоос Ирландие
генетикая
паспорт лэсьтыны
келязы ни. Отысь
адӟиськоз, кыӵе
пудоен ужаськомы,
макем трос
сӥль но йӧл басьтыны
луоз.
Йӧл поттонзэс йылтон вылысь
хозяйствоос скал кыскись
роботъёс шоры учкылыны кутскизы.
Матысь дыре соос кылдозы
Можга, Грак, Пичи Пурга
ёросъёсын. Али роботъёс
ужало ни 4 хозяйствоосын:
Балезино ёросысь «Сергинский»,
Алнаш ёросысь «Родина»,
Грак ёросысь «Родина»
но Вавож ёросысь Мичурин
нимо. Со сяна, 4 хозяйствоосысь
мегафермаосын скал
кыско «Карусель» установкаос:
Вавож ёросысь «Колос» но
«Удмуртия», Алнаш ёросысь
«Молодая гвардия» но Шаркан
ёросысь «Восход». Роботъёс
кадръёслы ёрмонысь но потыны
юртто. Куд-ог ёросъёсын
ог 35-40 сюрс уждунэн но дояркае
кутскисьёс ӧвӧл. Котьма
ке но роботъёсын но ваньзы
ужаны уг пӧрмыто — техникаез
валасьёс уг тырмо. Соин
ик котькыӵе туала технологиос
пыӵатэмын мед луозы,
Гурт удысъя но сиён-юонъя министерство
роботъёс адямиосты нокызьы
но воштыны уз быгатэ, шуэ
Ольга Абрамова.
Шаерамы выль удысъёсты
усьтӥсь но азинтӥсь фермеръёс
нуналысь нуналэ кылдо.
Кылсярысь, министерство туэ
грант люкылӥз вал кеч, курка,
муш вордӥсьёслы, ӝажыосын
турын-куар будэтӥсьёслы.
Пандемиен сэрен кышкытлык
вал, предприятиос шугелеке
вуозы шуыса. Но туннэ
соос возьматӥзы эшшо кужмогес
луэмзэс, золгес ужаны
быгатэмзэс. Вань хозяйствоос
туэ оглом 39,9 миллиард
манет тыр барыш (выручка)
поттыны быгатӥзы ни. Кылем
арын сярысь, со 11 процентлы
тросгес. Киязы кылем табышсы
(прибыль) 3,23 миллиард
манет люкаськиз — будӥз 15
процентлы. Гурт удысын но
сиён-юон поттонын али шоро-куспо
уждун 29 сюрс манет
лыдъяське.
— Гурт удысэз 2025-тӥ
арозь азинтонъя кун программа
бордын ужаськомы, —
вера министр. — Матысь 5 ар
ӵоже гектар музъемысь поттэм
продукциез 75 миллион
манетысен ог 90 миллион манетозь
йылтыны чакламын.
Али шаерамы вань поттэм вуз
пӧлысь 6 процентэз гурт удысын
ужасьёсын лэсьтэмын.
Та лыдпусэз 9 процентозь
вуттыны тыршоно. Гуртын
производствоен герӟаськем
объектъёсты лэсьтонэ 20,5
миллиард манет инвестициосты
кысконо, али та лыдпус
7,7 миллиард манет.
Иворъёс
Мушкасьёслы сайт юрттоз
Муш вордыны каньылгес
мед луоз шуыса,
ужаны кутскиз «Живая
пасека» сайт.
Шаерамы ог 4 сюрс пасекаосын
45 сюрс муш семьяос
возисько. Кылем арын, хозяйствоос
бусыосазы ядохимикатъёс
пазямен, гуртоослэн
213 муш семьяоссы быризы.
Оглом ыштонъёссы 1,5 миллион
манет тыр лыдъямын.
Со сяна, сомында ик коньдон
поттыны быгатысалзы, чечызэс
вузаса. Зол шуге-леке
вуизы Алнаш, Пичи Пурга,
Шаркан но Балезино ёросъёсысь
мушкасьёс. Гурт удысъя
но сиён-юонъя министерство
та югдурез эскеронэз ас вылаз
басьтӥз. Пудо эмъясьёсын,
гуртоосын кенешонъёс
министерствоын огпол гинэ
ӧз радъяське. Алигес мушкасьёслы
компенсация тырыны
луонлык шедиз — котькудӥзлы
матысь дыре шорлыдын ог
62 сюрс манет келямын луоз.
Туэ но ядохимикатъёс
вылэ ӝожтӥськисьёс сюризы:
Шаркан, Вавож но Дэбес
ёросъёсысь гуртоослэн
мушъёссы быризы. Гуртоос
хозяйствоос вылэ йыркуръясько,
предприятиос пасека
во зисьёсты янгыш каро,
химикатъёсын ужан вакытэ
умортооссэс уг ворсало шуыса.
Зэм, куддыръя хозяйствоос
бусыосын ужан дырзы
пумысен ивортыны уг сюлмасько.
Со пумысен ичизэ
3 нуналлы азьло ялыны кулэ,
со сяна, ядохимикатъёсты нуназе
пазяны алэмын.
Азьланяз таӵе югдур медаз
луы ни шуыса, Гурт удысъя
но сиён-юонъя министерство
«Живая пасека» сайт
кылдытӥз. Табере котькудӥз
кылдэм юанэныз со сайт пыр
консультантъёслы вазиськыны
но валэктон басьтыны
быгатэ. Хозяйствоос сайтысь
адӟыны быгато, котыразы кытын
пасекаос интыяськемын.
Предприятие ачиз но отчы
пусйыны быгатэ, кыӵе бусыын
мар будоз, соя мушкасьёс
чуркаоссэс кытчы пуктыны
валалозы. Та сайтын ик ядохимикатъёсын
ужанъя ялонъёс,
визь-кенешен дэмланъёс
луозы. Азьланяз чакламын
мобильной приложение кылдытыны.
Соку котькуд мушкась
доры ивор эшшо ӝоггес
вуоз.
Гараже корт валъёс пыро
Хозяйствоос арлы быдэ техниказэс выльдыны тыршо.
Туэ 9 толэзь ӵоже 1,7 миллиард манет тыр басьяськизы
ни.
Кылем арын сярысь, туэ гуртоос тросгес машина-трактор
окто. Миым 590 техника басьтӥзы вал ке, туэ 5-тӥ октябрьлы
гаражъёсазы 654 корт вал пыртӥзы ни. Кылсярысь, басьтэмын
120 трактор, ю тысь утялтонъя 28 комбайн, пудо сиён
дасянъя 16 комбайн, 38 сеялка но кизён комплексъёс. Хозяйствоос
бадӟымгес саклык висъяло кужмо, огдыре кӧня
ке ужез быдэстыны быгатӥсь техникалы. Кылсярысь, Ува
ёросысь «Дружба» но Ленин нимо хозяйствоос туала
RSM F 2550 комбайнъёс вуттӥзы. Таос лапег но ӝужыт
будосъёсты огкадь капчиен утялто, котькыӵе культураез
кутсаны ярало. Техника «адӟе» бусыысь изъёсты, кортъёсты,
комбайнёрлы соку ик ивор сётэ. Комбайнёр компьютер
азьын кадь пуке: ваньзэ лэсьтэ электроника. Таӵе машинаен
ужаны табере визь кулэ.
Гурт удысъя но сиён-юонъя министерство хозяйствоос
пӧлын техниказэс толлы утялтонъя конкурс ялӥз. Со
кыстӥськоз 12-тӥ ноябрёзь. Берло 3 ар ӵоже та вожвылъяськонын
устоосыз луизы вал Можга, Вавож но Глазов ёросъёсысь
механизаторъёс. Кин вормоз туэ?
Бамез дасяз Елена САРАМАТОВА