ud#41 (25851)

№41 (25851)
20 2020-тӥ ар 22-тӥ коньывуон
Адӟытон
Вератэк но валамон
Алнаш ёросысь Туймыйылысь
Коля Проневез нырысьсэ адӟи
кылем арын «Шундыкар» лагерьын.
Со суредаськисьёслэн
отрядазы тодон-валанъёссэ
будэтӥз, нош ӝытъёсы вань
ужрадъёсы сюлмысь пыриськиз.
Сое тодӥсьтэмез лагерьын
ӧй вал.
Али Коля 11-тӥ классын дышетске.
Паймытэ: суредаськонын
та дыр ӵоже зэмос профессионал
Н. Пронев.
луэм ни, уд но оскы, талы нимысьтыз
дышетскемез ӧвӧл шуыса.
— Мон ноку ӧй ветлы искусствоосъя школае, Интернетысь
видеоос учкисько, книгаос лыдӟисько — тазьы дышетскисько, —
вера Коля. — Семьяям но художникъёсмы ӧвӧл, ӵужмуртэ Николай
Семёнович Ильин гинэ яратэ суредаськыны, со Дэбес педучилищеысь
художественно-графической отделениез быдтэмын. Соя
мынӥськем-а, мар-а.
Рос-прос суредаськыны пияш кылем гужем гинэ кутскем,
но со дырозь но та удыс солы весь тунсыко потылэм, йыраз ӵем
юанъёс бергаллям: маин суред калыкез бордаз кыске? Мая валаны
луэ, суред кужмо шуыса?
— Али аслэсьтым амалме утчасько, — шуэ Коля, — кельше
уголен суредаськыны. Яратӥсько постеръёс пӧрмытъяны. Туж
аспӧртэм амал — digital art (цифровой искусство). Со понна кисточкаос,
краскаос, карандашъёс кулэ ӧвӧл. Кутӥд кияд ноутбук,
планшет но стилус (суредаськон тылы) — котькыӵе буёл вань,
ноку но уг бырылы.
Коля пыр сьӧраз блокнот но карандаш нуллэ, мае суреданы
малпанэз кылдэ ке, соку ик со сярысь гожтэ яке набросокъёс
лэсьтэ. Суредъёсыз тросэзлы валантэмесь пото, дыр. Кожалод,
геройёс кагаз вылэ кыӵе ке компьютерной шудонысь яке фантастической
мультфильмысь потӥзы.
— Куддыр пукисько, мар меда суредано шуыса. Кагазэз гожманы
ӧдъясько, отысь ини кыӵе ке образъёс висъясько. Туж пӧртэм
ужъёс пӧрмо! Суредакум гинэ пуштросэз мон доры лыктэ ни.
Коля суредъёсыз пыр возьматыны турттэ, котьмалэн аслаз
чеберез вань шуыса.
— Мон суредаськон сярысь троссэ уг тодӥськы на, — шуэ
Коля, — соин ик дышетсконо но дышетсконо ай. Потэ удмурт
мультфильм суредаме, культурамес азинтоно. Но льӧль малпанэ
— «вераськисьтэм» мультфильм кылдытоно вал, сюжетэз геройёслэн
выросъёссыя гинэ мед адӟиськоз. Соку со быдэс дуннелы
валамон луоз.
________
Мария ЕМЕЛЬЯНОВА
Суредаз Коля ПРОНЕВ
«Дартэ» юанъёсын, дэмланъёсын вазиськоно
73-33-42 телефон номеръя.
Материалъёстэс, туспуктэмъёстэс, суредъёстэс ыстэлэ
электрон почтае dart.gazet@yandex.ru.