ud#41 (25851)

udmdunne.ru
+7 951 195 37 65
ГУРТ УДЫС
№41 (25851)
2020-тӥ ар 22-тӥ коньывуон 5
Нюлэс бервылын кылдӥзы ӵыпетъёс
50 ар талэсь азьло Вотка
ёросысь чорыг вордонъя
«Пихтовка» хозяйствоез
ӝутыны пӧртэм ёросъёсысь
адямиос вуизы.
Тросэз, секытлы чидатэк,
кошкизы, мукетъёсыз
татчы ик ужаны но
улыны кылизы, предприятиез
Россиысь кужмоосыз
пӧлы пыртӥзы.
1970-тӥ аръёс
Кытын со Тараканово (али
— Пихтовка) гурт, шаерамы
тросэзлэн кылылэмзы ик ӧй
вал. Кӧня ке коркаен пичи гинэ
гурт неперспективной лыдъяськылӥз.
Но Удмуртиысь Министръёслэн
Советсы чаклаз:
татысь интыос туж тупало
карп будэтыны. Нялтас вераса,
1962-тӥ арын кутэм 337 номеро
постановлениея пӧртэм
ёросъ ёсысь 9 гуртын чорыг будэтыны
ӧдъяло вал. Но 1970-тӥ
арын «Пихтовка» совхозэз гинэ
ӝутыны кутскизы. Директоре
юнматӥзы Евгений Макаровез.
Со азе ужпум пуктӥзы: лэсьтоно
41 ӵыпет, оглом быд ӟа лазы
600 гектар медло. Араз 500 тонна
чорыг поттоно. Тараканово
гурт котырысь куашкам хозяйстволэсь
3 сюрс гектар музъемзэ
висъязы, 3 трактор, 2 комбайн,
140 йыр сюро таза пудо
сётӥзы.
Техника уг тырмы, калык
ӧвӧл. Пуктӥськон уж туж секытэн
кутскиз. Нырысетӥ
ӵыпет 1974-тӥ арын гинэ вуэн
тырмиз ай. Отчы Свердловск
улосысь 600 сюрс пенькыли
(малёк) самолётэн вуттӥзы. Ар
ортчыса, Новгород улосысь 200
карп вайизы. Та аре ик 28 тонна
чорыг басьтыны быгатӥзы.
Эшшо ар ортчыса, хозяйствоын
асьсэос мызь но пенькыли
поттыны ӧдъязы.
— 1977-тӥ арын Шаркан
ёросысь вуыкумы, гуртын пулэсь
магазин гинэ вал, — тодаз
вае сварщикын ужам Борис Докучаев.
— Катамаранъёс гинэ
но ӧй вал. Огпол Евгений Макаров
дорам лыктӥз но шуиз:
катамаранъёс кулэ, басьтыны
коньдон ӧвӧл. Отысь но татысь
кесям сисьмем корт листъ ёслэсь
маке пӧр моз шуыса оскон
пичи вал. Но нырысетӥ катамаранме
ву вылэ лэзимы но
— ӧз выйы. Собере кӧня катамаран
лэсь тӥ на, огез ик 32 ар
ужаз.
Гуртоос асьсэос дуризы хозяйстволэсь
историзэ. Тани
механизаторын ужам Модест
Шкляев вера:
— Кезысь 1980-тӥ аръёсы
Пихтовкае улыны лыктыкумы,
ӵыпетъёс лэсьтӥсько на вал.
Бульдозерен ужаны быгатэмысьтым,
дамба ӝутонэ
«Пихтовка» хозяйствоын 2019-тӥ арын 980 тонна карп поттӥзы.
ыстӥзы. Котыр пеймыт нюлэс
вал. Ваньзэ сое порылоно
луиз. Нылкышноос но выжыосты
сузязы, вуысь коръёсты
поттылӥзы. Ӵыпет лэсьтэм
сяна, контора, школа, нылпи
сад, клуб пуктӥм. Уен-нуналэз
валатэк ужаллямы.
Гуртлэн нимыз сямен ик,
тапалан улон ӝог воштӥськиз,
пуктӥськон ӧръяськиз. Ог
10 ар куспын буш интыын посёлок
кылдӥз.
— Хозяйствое мон армия
бере 1981-тӥ арын гинэ вуи, —
тодаз вае чорыг вордӥсь но водитель
Леонид Иванов. — Соку
«Пихтовка» совхоз сярысь
адямиос верасько ни вал: ужасьёс
кулэ, квартира сёто, пе.
1982-тӥ арын татын быдэс посёлок
вал ни. Юисьёсты но азьтэмъёсты
улляллязы. Со быдӟа
хозяйствоез пуктыны кулэ
вал ук. Соин ик кадръёс ӵем
вошъ ясь кылӥ зы. Хозяйствое
дисциплиналы дышемъёс кылизы.
Соослы ваньзылы квартира
люкылӥзы. Огпол монэ
но эшъёсме Евгений Макаров
ас дораз ӧтиз. Форель будэтыны
малпаськомы, нумыръёсызлы
(личинка) Адлере мыноно.
Ӟечен берытскиды ке,
квартира сёто, пе. 3 бадӟым
машинаен лымшор пала
шонтӥмы. Бертэммы бере Евгений
Геннадьевич шуэ: квартира
сӥзи вал — быръе. Нош
форель вуамы ӝоказ. Солы
чылкыт ву кулэ угось, нош
асьмелэн тудву дыръя ваньмыз
пожаське. Со дырысен
форель будэтон малпанлэсь
куштӥськизы. Пелядь, тӧдьы
амур будэтыны кутскы лӥзы.
Но дугдӥзы карп вылэ.
1980-тӥ аръёс
1984-тӥ-1992-тӥ аръёсы хозяйствоез
азинтон усиз Владимир
Рафаилов вылэ.
— Калык ужась вал. Нокинэ
кужмысь ӧм косылэ, котькудӥз
аслэсьтыз удыссэ валаса нуиз.
Ваньмылы соку 28-30 арес вал.
Задоресь, та улонын маке лэсьтэммы
потылӥз, — шуэ Владимир
Павлович.
Со вакытэ «Пихтовка» совхоз
быдэс Россиын кы лӥськиз.
Быгатыса чорыг вордэмзы
понна специалистъёсты
ВДНХ-е выставкаосы ӧтчаны
ӧдъязы. Ӝутыны тыршизы
пудо вордонэз но. Соку скалъёсты
киын кыскылӥзы. Котьку
дӥзлэн группаяз ог 15-16
скалэз вал.
Хозяйстволэн данъяськонэз:
11 мурт — Удмуртилэн Кун премиезлэн лауреатэз
14 адями — Удмуртиысь гурт удысысь дано ужась
5 наукая кандидатъёс
2 чемпионъёс Россиысь скал кыскисьёс пӧлын
— Киосмы жадьыса зу бектылӥзы,
тӧрналлязы, — вера
совхоз кылдэм дырысен скал
кыскисьын ужам Нина Башегурова.
— Нырысь-валысь быдэс
группаысь нуналаз 40-50
литр гинэ йӧл кыскылӥмы.
Пудолы асьмеос ик турын
турнаса, картошка юдыса
пыртылӥськомы вал. Уйшоре
доре жадьыса бертӥськод,
нош 3 часын нош ик фермае
мыноно ни. Ӝожтӥськыны тодамы
ӧз лыктылы. Уж сюриз
шуыса шумпотылӥмы. Бадӟым
Киварысь совхоз куашкамен,
тросэз ужтэк кылизы ук. Вордскем
Кленовая гуртэ но соин
ик быриз. Осиновка гуртэ выжыяськоно
луимы. Та гурт
соку Пихтовкалэсь бадӟымгес
вал. Ферма но Осиновкаын
ужалляз. Пихтовка арысь аре
паськытамен, скалъёсты отчы
нуизы.
1990-тӥ аръёсы хозяйствоын
зуркыт луиз, но секыт
дыре но калык кӧттыро улӥз.
Каньылгес улон утчаса, кудогез
фермере потӥз ик. Соослы
хозяйство пай понна техника,
музъем, уксё висъяз. Владимир
Рафаилов пусъемъя, забастовка
ӝутъясьёс но сюрылӥзы.
Котьмае чидамы, но хозяйстволы
бырыны ӧм сётэ, шуэ.
Туала вакыт
1992-тӥ арын, хозяйство
понна тужгес секыт вакытэ,
гуртоос директоре Георгий
Крыловез бырйизы. Со ассэ
кужмо специалист сямен возьматыса
вуттӥз ни вал. Специалистъёс,
ужасьёс валче бы гатӥ
зы хозяйствоез утьыны но
эшшо золгес карыны. 1990-тӥ
аръёсын ӵошатыса, туннэ хозяйствоын
4 поллы тросгес йӧл
кыско, 6 поллы уногес урожай
люкало, 3 поллы ятыргес чорыг
басьто. Чорыг вордонын
выль технологиос пыӵатэмез
понна 2002-тӥ арын коллектив
Удмуртилэн Кун премиеныз
пусъемын вал.
Туннэ хозяйствоын 174
мурт тырше. Кылем арын шоро-куспо
уждунзы 38 сюрс манет
люкаськиз. Предприятие
трос выт тырисьёс пӧлы пыре
— миым бюджетэ 41 миллион
манет келяз. Арлы быдэ
200 миллион манетлэсь трос
барыш (выручка) поттэ. Ваньмыз
со предприятиез выльдыны
кутӥське. Котыр гуртъёсысь
соцобъектъёсты возьыны
гинэ арлы быдэ ог 11 миллион
манет висъя. Хозяйствоын
ужасьёс кузпалъясько, нылпи
ваё ке, соослы уждунзы вӧзы
ватсаса уксё сё тӥ сь ке, декретын
пукисьёслы но асьсэлэсь
pihtovka.ru
пособизэс тыро. Кылем арын
семьяослы 256 сюрс манет
тыр юрт тӥ зы. Со сяна, нылпиен
пукись семьялы толэзьлы
быдэ 15 литр йӧл, 1 килограмм
карп, 1,5 килограмм сӥль
сётӥське. Татын арысь аре
тросгес пиналъёс вор дӥсь ко.
Туннэ Пихтовкаысь школае 90
котыр пинал ветлэ. Ваньмыз
улӥсьёс 860 кузя. Гуртоос дэмен
улыны тыршо. Туэ, кылсярысь,
хозяйство юрттэмен но,
быгатӥзы гуртазы шутэтскон
инты, баскетболэн шудон площадка
кисьтыны. Выль кылдэм
ульчае газ кыскыны медо.
— Хозяйство ужасьёссэ
котьку дунъя. Кӧня мурт санаторийёсын
тазалыксэ юнматӥз
ни! Нош кӧняез хозяйство чот
Финляндие, Абхазие, Турцие
шутэтскыны вуылӥзы! Ку ай
мон, огшоры доярка, Финляндие
ветлысал, — шуэ Ираида
Трубицына.
— Пенсие потэммы бере
но хозяйство огместы но уг
вунэты: ялан кыӵе ке ужрадъёс
малпалля, вазиськыкумы
юрттэ, — бордаз итӥське быдэс
даурзэ бухгалтерын ужам Надежда
Вахрушева.
— Азьвыл арлы быдэ гуртоослы
пуктӥськон вылысь 4-5
миллион манет тыр 3-4 процентъем
субсидия сётъяськомы
вал. Али лыдпус ӧжыт
кулэсмиз. Шуге-леке вуэм
семьяослы одно ик юрттыны
тыршиськомы пунэмъёссэс
берыктыны но. Ми доры ӧз
лыктэ ке, ужась калык кытчы
мыноз на? — шуэ хозяйствоысь
вал тӥсь экономист Светлана
Бердышева.
Туэ Осиновка гуртын 500
йырлы скал гид ӝутӥзы, пудо
сиён лэсьтонъя пичи кормоцех
лэсьтӥзы, 12 адямилы ужан
инты кылдытӥзы. Эшшо кунян
ваён инты ӝутэмзы потэ.
— Осиновка быре ни вал.
Ферма усьтӥзы, сюрес ӝутӥзы.
Калык берытскыны кутскиз,
пуктӥськыны инты ик ӧвол ни.
Нылпиос вордскизы. Хозяйство
ужа ке, ӵуказелы оскон
вань, — шуэ Нина Башегурова.
Туннэ хозяйствоын егитъёс
но лачак. Специалистъёс
шае ра мы кужмоосыз луо, Россиысь
пӧртэм конференциосы
пыриськыло. Ог-огзылэсь адӟем
карыса, семьяен-семьяен
татын ужало Докучаевъёс,
Макаровъёс, Ивановъёс,
Широбоковъёс, Лопатинъёс,
Зямбахтинъёс, Бердышевъёс,
Вахрушевъёс, Рафаиловъёс
но мукетъёсыз. Соос пӧртэм
ёросъёсысь вуэмын, но ваньзылы
дор луиз ни Пихтовка.
________
Елена САРАМАТОВА