ud#41 (25851)

udmdunne.ru
+7 951 195 37 65
Анай кыл
УЛОН-ВЫЛОН
№41 (25851)
2020-тӥ ар 22-тӥ коньывуон 9
Пиналъёсын эшъяське
Шаерамы арлы быдэ
ортчылэ анай кыллы
дышетӥсь воспитательёс
пӧлын конкурс.
Пандемия ӧз люкеты
сое туэ но радъяны —
вожвылъяськонлэн
бадӟым люкетэз ортчиз
заочной амалъя.
Кияса ёросысь Карамас-
Пельга гуртысь нылпи садын
удмурт кыл зол возиське. Пиналъёссэс
удмурт кыллы дышето,
удмуртлыкен герӟаськем
ужрадъёс ортчытъяло.
Тэшкылиоссы мылысь-кыдысь
пырисько ёросазы но,
шаерамы но ортчылӥсь конкурсъёсы.
Нылпи садзылэсь
пушсэ но, азбарзэ но удмурт
пужыос, выжыкылъёсысь геройёс
чеберто. Вань та ужез
быгатыса радъя воспитательзы
Надежда Тукаева.
Элькунысьтымы анай кыллы
дышетӥсь воспитательёс
пӧлын туэ со устоен лыдъямын,
дипломен пусъемын.
— Кытын вордскид, отын
ик ярад — та веран ӵапак мон
сярысь, — вера Надежда Ивановна.
— Карамас-Пельгаын
вордски, семья кылдытӥ, татысь
нылпи садын 32 ар ӵоже
тыршисько ни. Пичи дыръям
бон артист луэме потэ вал. Песяе
вал на соку, шуиз: ма, кыӵе
уж луоз со, йӧназ семья но
кылдытыны уд быгаты. Азьло
дыръя мӧйыос озьы учко вал
ук ай артистлэн ужез шоры.
Но кӧты чик но пӧсь ӧвӧл.
Кияса ёросысь Карамас-Пельгаысь воспитатель Н. Тукаева
«Пичи чеберайёс но батыръёс» ёрос конкурс ортчыку.
Артист кариськыны нылпи садамы
ортчылӥсь ужрадъёсын
быгатӥсько. Но мон понна
тужгес дуноез — котькуд нылпиен
огкыл шедьтон, быгатонлыкъёссэ
усьтон но азинтон.
Мыным куддыр потэ, пиналъёс
монэ воспитатель интые уг
но пукто кадь, эш каро. Мон
талы шумпотӥсько гинэ.
Надежда Ивановна воспитателе
мынӥз, ӵужапаезлэсь
Таисия Камашевалэсь адӟем
карыса. Со но ас вакытаз тыршемын
Карамас-Пельгаысь
нылпи садын, жаляса верано,
улонысь кошкемын ни.
— Озьы тӥни школа бӧрсьы
нырысь тодон-валан люкай
Сарапулысь педагогикая училищеын,
собере дышетсконме
азьланьтӥ Глазовысь В. Короленко
нимо пединститутлэн
Ижысь ёзаз. Тодам возисько
ӵужапаелэсь верам кылъёссэ:
котькуд нунал нылпилы
выльзэ сётыны тыршы, нош
анай-атайёслы, пиналъёссэс
курласа, кылдэ ноку эн вера —
котькуд мумы-бубылы аслаз
нылпиез тужгес мусоез, визьмоез,
устоез. Пиналэн сямен
ик, анай-атайёсын но огкыл
шедьтыны быгатоно, кыӵе
ке югдурез валэктыку, шонер
кылъёс шедьтоно, лякыт луоно,
— вера Н. Тукаева.
Берло дыре паськыт пыӵало
проектъёс — конкурсъёс ортчо,
грантъёс висъясько. Туала
улонлэн куронъёсызлэсь бере
уг кыльы Карамас-Пельгаысь
нылпи сад но. Берло 5 ар ӵоже
ини нылпиосты дышетонэн
герӟаськем проектъёссэс кылдыто,
соосын конкурсъёсы
пырисько, вормисе потыло.
— Нылпиосын театральной
постановка дасян ласянь ёросамы
вормисе потӥм, мугорез
кыдатонъя конкурсъёсын но
Надежда Тукаевалэн архивысьтыз
азьпал радын луыны тыршиськомы.
Пиналъёсмы клубамы
концертъёс пуктылӥзы, озьы
люкам уксёен басьтӥмы шудонъёс,
физкультуралы кулэ
луись арбериос, кӧс бассейн (ву
интые — шарикъёс) — таӵезэ
ай шоркарысь нылпи садъёсысь
но уд пумита на. Озьы
тӥни быдэс нылпи садэн бергаськом,
тыршиськом, — шуэ
воспитатель.
Одӥгез гинэ ӝожомытэ
Надежда Ивановнаез: нылпи
садэ лыктӥсь тэшкылиослэн
лыдзы арысь аре кулэсме. Ог
4 ар талэсь азьло гинэ 42 пиналзы
вал ке, туэ 16 сяна ӧвӧл.
Тазьы ик луиз ке, нылпи садэ
ветлӥсьсы ӝоген чик уз луы.
Сад пытсаськыны но быгатоз,
шуэ Н. Тукаева.
— Сюлмы бугырске мукетыз
ласянь но: удмурт гуртысь,
удмурт семьяосысь нылпиос
ӟуч кылын верасько ни. Соослы
удмурт кылэз яратон мылкыд
пыӵатонлы ик сӥземын
вал «Анай кыллы дышетӥсь
воспитательёс пӧлысь устоез»
конкурсэ келям уже. Анайатайёс
куддыр шуо: нош малы
кулэ удмурт кыл? Гурт сьӧры
сяна, кытчы-о соин потод?
Сыӵе дыръя мон пумитазы
ӝот-ӝот верасько: ма, ӵок
ойдо, палэнын кулэ ӧз луы ке
но, анай кылдэ кисыын нуллыны
секыт шат? Кызьы анай
кылыд мултэс луоз?
________
Елена ТУГАШОВА
Кинофестиваль
Геройёс ми пӧлын
Гожтӥськон-2021
Газетмес лыдӟелэ быдэс ар!
«Бадӟым кунлэн геройёсыз»
кинофестиваль туэ
нырысьсэ ортче.
Сое Свердловск улосысь
киностудия радъя, Россиысь
телеканалъёсты, киностудиосты,
огазеяськонъёсты но
асьсэ коже фильм лэсьтӥсь
адямиосты пыриськыны ӧте.
Фестиваль кӧня ке люкетлэсь
пӧрмоз. 15-тӥ но ябрёзь
вань мылкыд карисьёс
Тау карон
heroesfestival.ru сайтэ асьсэлэсь
фильмъёссэс дэмлалозы.
Чакламын 4 номинация:
«Геройёс-военнойёс»,
«Погонъёсын геройёс», «Геройёс
ми пӧлын», «Ужысь
геройёс». Вань фильмъёс, сериалъёс
но мультфильмъёс
кулэ возьматыны кыӵе ке
удысысь азинлыко адямилэсь
улонзэ, тыршемзэ. Со
егитъёслы адӟем карымон
мед луоз.
Нимаз эскерозы профессионалъёслэсь
но 35 аресозь
егитъёслэсь ужъёссэс.
«Батыръёс» конкурсэ витё
нылпиос понна кылдытэм сценарийёсты.
9-тӥ-12-тӥ декабре «Бадӟым
кунлэн геройёсыз» конкурслэн
финалэз Екатеринбургын
ортчоз, сое онлайн но
учкыны луоз. Вань вормисьёслы
синпель кузьымъёс сётозы
но грантъёс висъялозы.
«Удмурт дуннеез» басьтыны луэ быдэс ар но, ӝыны ар но,
1 толэзь но. Толэзьлы дуныз — 112, 69 манет. Гожтӥськыны луэ
котькуд почта ёзын, Россиысь почталэн сайтэз пыр podpiska.
pochta.ru яке редакцие жингыртыса.
Юалляськыны луоз 8 (3412) 73-33-42, 8-951-195-37-65
номеро телефонъёсъя (редакция).
индекс
П5001 (ӝыны арлы)
П5806 (быдэс арлы)
дуныз
676,44 манет
1414,32 манет
Газетэз дырыз дыръя уг ваё ке, жингыртэ милемлы
8-951-195-37-65 телефонъя. Югдурдэс тупатыны тыршомы.
Гужем пумын семьяямы
секыт адӟон вуиз —
юртъерамы тылпу потӥз.
Гидмы син куспын ӝуаса
быриз. Пие парсьёсмес
но кечъёсмес поттыны
вуттӥз ик, но ачиз кӧ ня ке
сӧсырмиз, сутскиз. Горд атас
тани-тани коркамес но пень
карысал, но пожарнойёс
дырыз дыръя вуизы, вань
кужымзэс сётӥзы тылпуэз
басылмытыны. Соос бӧрсьы
ик «скорой» вуиз, мыным
юрттэт сё тӥз — астмаен
курадӟисько, гидмылэсь
ӝуамзэ адӟыса, воксё шугектӥ.
Вань сюлмысьтым тау карисько
Нылга чер ко гуртысь
27 номеро часть ысь пожар
ной ёслы, ӝог юрттэт
сётонъя станциысь
эмъясьёслы. Инмар кужым
но тазалык мед сётоз
калыклы юрттыны!
Галина Старкова.
Ува ёросысь
Нылга черкогурт
Тодматскон сэрег
Палтури
Аб. 1137. Ижын улӥсь 55 аресъем удмурт
пиосмурт (ӝуждалаез — 165 см, секталаез — 68
кг) семья кылдытон понна тодматскысал веськрес
мугоро удмурт кышномуртэн, кудӥз гажа
кырӟанъёсты но театрез. Тодматскон понна
жингыртэ 8-950-170-24-06 номеръя.