ud#41 (25851)

№41 (25851)
24 2020-тӥ ар 22-тӥ коньывуон АРЪЁС НО АДЯМИОС
Ож нылпиос
«Я, ӟеч ужа!»
Можга ёросысь Быдӟымсурд
гуртын улӥсьёслэн
данъяськымон адямизы
— 94 аресаз мынӥсь
Анфиса Чукарева. Со
пусъемын «За доблестный
труд в Великой
Отечественной войне
1941-1945 гг.», «75 лет
Победы в Великой
Оте чественной войне
1941-1945 гг.» медальёс
ын, озьы ик «Анайлэн
данэз» гадьпусэн.
Тятязэ фронтэ
келяз
Арлыдыз бадӟым ни ке но,
Анписапайлэн йырвизез сайкыт
— война вылтӥ курадӟыса
улэмез-ужамез сярысь ваньзэ
лад-лад вералоз. Пельыз гинэ
ляб кылэ, но таиз ини кемалась
— секыт ужын тыршемезлэн
бервылыз. Та вакытэ улэ-вылэ
со Зоя нылыныз ӵош, кӧтыз
пӧсь, юртъер котырын солы
юрттӥськыны уг пӧрмыты ни
шуыса. Тэк пукыны дышемын
ӧвӧл угось. Ужез адӟисько, мын
но лэсьты вылэм, мугор уг
кылзӥськы ни, шуэ нылкышно.
Анфиса Агафоновна вордскемын
1926-тӥ арын 25-тӥ
декабре Можга ёросысь Карашур
гуртын. Песятаезлы но
атаезлы секыт адӟон пыр потоно
луиз: секыт ужаса поттэм
ваньбурзэс, пудозэс талазы,
кулаке поттӥзы. Юртсэс школалы
сётӥзы. Ярам коть, палэнэ
ӧз келялэ. Атаез, кытысь
но отысь коръёс шедьтыса,
ӝикытак корка пуктӥз. Улон ас
ӧраз пырыны кутскиз вал кадь
ни, шуккиз мукетыз адӟон —
Быдӟым ож. Анписапайлэсь
атайзэ Агафон Кирилловичез
фронтэ басьтӥзы. Анаез 6
нылпиен — берпуметӥез соку
гинэ вордскемын вал — огназ
кылиз.
— Тятя сьӧрысь уг
кыльылӥськы вал. Я бусые
ужаны калъяськисько, я сьӧраз
мастерское мынӥсько — киыз
туж мынэ вал техникаез тупатъяны.
Вань ужлы со монэ
дышетӥз. Сюлмыз шӧдӥз, лэся,
вань уж ӝоген мон вылэ погыльскоз
шуыса. Нош кыӵе
шумпотыса школае ветлӥсько
вал. Но 5 классэз гинэ йылпумъяны
кылдӥз. Тятяме
фронтэ басьтэм бере маза ӧз
луы ни. Мон бадӟымез нылпи
бере, анайлы юрттоно луиз. Ай
со тятяме фронтэ келяны но
мыныны ӧз быгаты. Покчизэ
вынме соку гинэ вайиз вал, тятяме
Пыӵасэ валэн келяса мыным
мыноно луиз — отӥ ортче
вал фронтэ нуись чугун сюрес.
Тятяме соку берпуметӥзэ адӟи,
фронтысь ӧз берытскы ни, —
шуэ Анписапай.
Можга ёросысь Быдӟым сурдысь А. Чукарева.
Можга ёросысь Ӵожйылысь война
вакытэ ужамъёслы памятник.
Кузпалзэ ож лудэ келямез
бере Анписапайлэн анаез
синвуаськиз: ужась адямилы
толэзяз 10 килограмм пызь
сёто, тырмоз шат со 6 нылпиез
сюдыны? Анфиса сое
буйгатӥз: мыным 14 арес,
нюлэс дасянэ мыно. Пичи
но ӟызы мугоро нылаш ӧз
кышка секыт ужлэсь: вазь
ӵукнаысен бер ӝытозь писпу
погыръялляз, вайёссэ, сулзэ
сузялляз, люкаськем жугжагзэ
сутылӥз. Нормалэсь
ӧжытгес ужад ке — трудодень
уз пусъе, иське, сузэр-вынъёсыз
сютэм кылёзы. Соос
сярысь малпаса, нылаш вань
жадёнзэ вунэтылӥз, шутэтскытэк
тыршиз.
— Толалтэ куазен кыӵе
кынмыса ужаськиз: дӥськутэ
начар, пыдъёсам кутъёс. Висьыны
усиськод, ӟырдаськод
— кытчы пырод, озьы ик уже
потӥськод. Ай погыръям но
сузям коръёсты асьмеос ик
валэн Можгае «Дубитель» заводэ
нуллӥськом вал. Сюрес
ӧвӧл, валъёс уг кылзӥсько, азяз
пыдын вамышъяно луылӥз,
серметтӥзы кыскыса. Нош гужемзэ
нерад каро вал чибиньёс.
Мугорамы куртчылымтэ
интыез ик ӧй вал. Пуэз умой
мед вандоз шуыса, пилаосмес
Туспуктӥз Елена МУКАНОВА
зыраны керосин сётъяло вал.
Куртчылӥськисьёслэсь кытчы
пырыны валатэк, быдэс мугормес
со керосинэн зыраськом
вал, — тодаз вае Анписапай.
Ӝоген сое ыстӥзы Иж — Балезино
чугун сюресэз лэсьтыны.
150 иськем кыстӥськись
сюрес соку туж кулэ вал быдэс
кунмылы: фронтэ келяллязы
ож тӥрлык, нюлэс, корт но уно
мукетсэ.
— Ужамы нуналаз 12 час —
ӵукна 6 часысен ӝыт 6 часозь.
Сюдӥзы урод, сютэм ужамы,
лулмы мугорамы мырдэм возиськиз.
Улӥмы чугун сюрес
котырысь гуртъёсысь коркаосын.
Тележкаосын сюй нуллӥ,
шпалаос тыри. Дӥськут зор-кот
улын котме, куасьмыса уг вутты.
Кӧня кынмыса ужаськиз!
Вылысьтыз вылаз висьыны
усьылӥ. Но кылльыны, тазалыкез
юнматыны маза ӧй вал, висьыса
ик чугун сюрес лэсьтыны
поталляй. Озьы быдэс ар путь
вылын ужай, — шуэ песянай.
Кузь арлыд
Быдӟым ож йылпумъяськем
бере но улон шуак
ӧз ӟечомы. Гуртоос озьы ик
секыт ужаса, ёрмыса, сютэм
улӥзы. Анписапай вордскем
гуртаз берытскиз, колхозэ интыяськиз.
— Колхозмы К. Ворошиловлэсь
нимзэ нуллэ вал, —
вера А. Чукарева. — Валтӥсь
конюхмы вал Корнил нимо
воргорон. Егитъёсты со
дышетылӥз вал сюдыны,
утялтыны. Мукетъёсыз, оло,
валэктэмъёссэ пель сьӧртӥзы
лэзьязы, нош мыным туж
кельшиз валъёс котырын
берганы. Гидаз кыӵе ке мудрон
выжыысь 3 валэз вал.
Али кадь ик тодско: соосты
Можгае Сабантуй празднике
скачкаосы келязы. Валъёсыз
нырысетӥ интые потӥзы.
Корнил агай отысь патефонэн
бертӥз. Кыӵе дуно кузьым вал
со! Быдэс колхоз шумпотӥз!
Ӝоген Корнил агаез шутэтскыны
келязы, со бырйиз
монэ — вал гидзэ оскиз. Шуылоз
вал: валъёс доры шуак
пыроно ӧвӧл, медаз куалектэ.
Шып но эн улы, котькудӥзлы
нимынызы вазиськы, вераськы
гань-гань, матысь эшеныд
кадь. Озьы валъёсты но ути,
скал но кыски — колхозын
быдэстымтэ уже ӧй вал кадь.
Ож йылпумъяськем бере,
кӧ ня ке ар ортчыса, Анфиса
Агафоновна пумитаз кузпалзэ
— Александр Кирилловичез.
Со но тыршиз гурт удысын.
Кузпалъяськемзы бере
Быдӟымсурдэ улыны интыяськизы,
огез бӧрсьы мукетыз
вордскизы 6 нылпиоссы.
Анай-атайзы кадь, соос ваньзы
ужасесь, рос-просэсь, котыр
ласянь адӟем карымонэсь.
Вормонъёс басьтэмын
лэсьтӥськон, гуртэз ӝутон, вуз
карон, нылпиосты дышетон
удысъёсын.
— Бригадирмы шуылоз
вал: Анфиса, кызьы тон 6
нылпиен ваньзэ вуттӥськод?
Мукет кышноос дӥськут
миськыны гинэ но отгул куро,
нош тон ар куспын огпол но
шутэтскон нуналдэ басьямын
ӧвӧл. Ма, мон колхозэ ужаны
потэмелэсь азьвыл юрт котырысь
вань ужме лэсьтылӥ.
Ӵукна вазь ик гур эстӥсько,
сиён пӧзьтыны пуктӥсько,
нош ачим шур дуре миськем
дӥсез гылъяны васькисько...
6 пинал будэтэмез понна
Анписапай пусъемын
«Анайлэн данэз» гадьпусэн.
Солэн 16 внукъёсыз, 21 правнукъёсыз.
— Вордскем нуналэнымы
анайкамы — тазьы нимаськомы
ми сое — ас сяменыз
ӟечкыла, — шуэ Анписапайлэн
Тамара нылыз. — Обросъёсыз
азе потэ но милемыз но
вӧзаз пуксьыны куре. Инмарлэсь
шуд, тазалык, азинлык
куре. Собере котькудмылэн
тыбыртӥмы топ-топ веша но
шуэ: «Я, ӟеч ужа». Тазьы сӥзе
ке, котькыӵе ужмы капчиен
пӧрме. Ужаны быгатонлык
угось анайкамы понна
тужгес дуноез. Секыт ужаса,
курадӟыса улэмын ке но, со
малпа, адями шудо луэ ужен.
— Курадӟыса ужаме понна
Инмар кузь арлыд сётэм мыным.
Пиналъёс шудо мед луозы
ни. Милесьтым адӟонмес
соослы адӟыны медаз кылды,
— шуэ песянай.
Кемалась ик ӧвӧл Быдӟым
сурд вӧзысь гуртын —
Ӵожйылын — усьтӥзы фронт
мышкын тыршемъёслы сӥзем
синпелет. Со вылын пусъемын
160 пала адямиослэн нимъёссы
— соос ваньзы, тазалыксэс
жалятэк, тыршемын Быдӟым
ож вакытэ. Та синпелет сярысь
тодыса, Анписапайлэн пушкыз
тыриз: со вылэ гожтэм
адямиос кемалась улонысь
кошкемын ни, соосын ӵош со
пинал дыръяз кӧня тыршиз!
Быдӟымсурд гуртысь клубын
но библиотекаын ужасьёс
Анфиса Агафоновнаез
чакланы ӵем вуыло. Дорысьтыз
потасьтэм песянайлы
концерт пукто, улонэз сярысь
верамъёссэ гожтыса кельто
— будӥсь нылпиос мед тодозы
песянай-песятайёсмылэсь
улонзэс, соослэсь подвигзэс.
________
Елена НИКИТИНА