Auslöffeln-2003

Titel
Eveline Jean-Pierre, du entschuldigsch di jetze bi Mueter und
Vater und när isch die Sach erlediget, und mir fyre hie
dä Geburtstag, basta.
Jean-Pierre So, Frou Marti, wie gfallt euch die gmüetlichi
Familiefyr?
Susanne Mini Kolleginne wärde sich totlache, wenn ig das
verzelle.
Eveline Jean-Pierre, du entschuldigsch di jetz und zwar sofort,
es längt ändgültig. Und dir, Frou Marti, was machet dir
eigentlech hie? Wieso chömet dir als
Chrankeschwöschter so ufdonneret derhär und machet
d Manne verruckt? Zu Anneliese. Ig weiss gar nid, für
was dass es no die Pflegerin brucht.
Anneliese Ja, ig has em Werner o scho gseit. Aber er het gmeint,
mir heig es doch letscht Mau o so gmacht, u es längi,
wenn ig mi um ds Ässe müess kümmere.
Eveline Die Pflegerin, das isch doch Gäldverschwändig.
Werner Was dr Grossvater choschtet, das chöi mir üs leischte.
Es isch hie alles tipp-topp, versteisch Eveline, alles
isch hie tipp-topp organisiert. Wieso la ig mir das
überhoupt la biete? Ha, dr Jean-Pierre het rächt. Ig bi ä
Schlappschwanz. Nume ä Schlappschwanz macht so
öppis überhoupt mit.
Eveline Vater!
Anneliese gleichzeitig. Werner!
Werner Nume ä Schlappschwanz ertreit ä settige
Schwigersohn. Nume ä Schlappschwanz secklet jede
Tag uf d Bank, für dert Gäld z’zelle, wo ihm nid ghört.
Und jetz hacke no alli uf dr Frou Marti ume, als öb sie
öppis derfür chönnt, dass sie so schön isch. Ja, Frou
Marti, ig muess euch scho dr ganz Abe aluege.
Eveline Vater!
Anneliese gleichzeitig. Werner!
Werner Dir sit eso schön, und ig weiss gar nid, wie säge, so
härzlech, warm und dernäbe so sälbstbewusst, ä
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 23-