the beginnings of ottoman-german partnership - Bilkent University

APPENDICES
Appendix I
“Von der Goltz Paşa’nın 16 Teşrinevvel (Ekim) 1899 tarihinde Alman
Genelkurmay Başkanı Waldersee’ye yazdığı raporun Yıldız Arşivi’ndeki Türkçe
tercümesi” Başbakanlık Arşivi, Yıldız Evrakı, Kıs: 15, Zarf: 74/81
Bundan evvel takdim ettiğim tahrirata zeyl olmak üzere Avrupa-yi
Osmani’nin ahval-i tedafüiyyesini hulasaten arz ederim.
Avrupa-yi Osmani ber vech-i ati iki suretle müdafaa olunabilir. Evvela;
Dersaadeti himaye içün tedabir-i lazime ittihazı ve saniyen; payitahtdan baid olan
hudud hatları üzerinde köyleri muhafaza içün bazı merakiz-i tedafüiyyesinin teşkil ve
ihzarı; Meriç vadisi ne Priştine ve Üsküp ve ne de Selanik’den müdafaa olunabilir.
Devlet-i aliyye Avusturya ve Macaristan askerinin memalik-i mezkureye
tecavüzlerini men itmek kaziyyesini başka bir devlete tevdi itmeğe mecburdur.
Mamafih Selanik ile Üsküp ve Avlonya beyninde mumted olan hat, Makedonya ve
Arnavudluk ve Eski Sırbistan aleyhinde ehemmiyeti haizdir. Sırbistan ile Bulgaristan
aleyhinde icra olunacak harekat-ı askeriyyeninistinadgahı Üsküb ve daha doğrusu
Kumanova’dır. “Müezzi?” ovasını müdafaa içün bundan mühim bir nokta olamaz.
Devlet-i aliyye Yunanistan’dan çok korkmalıdır. Zira Yunanlılar denizi istila iderler
ise Osmanlılar’ı sevahil-i garbiyede her nevi harekat icrasından men edebilirler. İşbu
tehlike-i hakikiyeden uzun uzadıya bahs itmeksizin şurasını beyan etmeliyim ki,
Osmanlı donanması külliyen kıymetden aridir. Boğaziçi ile Kale-i Sultaniye’den
Dersaadet’e muvasalatı men içün inşa olunan istihkamat gayri kafidir. İstihkamat-ı
mezkure bir düşman donamasına yirmi dört saat bile mukavemet idemez. İstihkamatı
... tamir olunmadıkları gibi teçhizatı dahi noksandır. Karaya gelince; Dersaadet
civarları Karasu ile tayin olunan Çatalca hattı ile himaye edilmektedir. Çatalca
mevkii bir taraftan Marmara denizinde vaki Küçükçekmece körfezi ve diğer taraftan
Terkos köyü üzerine istinad etmektedir. Beyker (Baker) ve Blum Paşalar tarafından
tahkim edilmiş olan hatt-ı mezkur elyevm metruk bir haldedir.
İmdi elyevm icrası lazım gelen şeyler bunlardır: Evvela; Dersaadet’in deniz
cihetini torpidolar ve tahtelbahir, edavat-ı harbiyye ile müdafaa itmek, saniyen;
Kavakların iki sahilinde, biri Rumili ve diğeri Anadolu cihetlerinde olmak üzere
kubbeler ve cesim toplar ile mücehhez bazı (tabyeler) inşa eylemek, Fenar Boğazı
içün denize doğru bazı bataryalar inşası dahi lazımedendir. Kale-i Sultaniye’de
küçük bir filonun içtima’ı ve bu filoya erzak ve mühimmat yetişdirilmesi içün
Büyükdere küçük körfezinin gözedilmesi icab-ı haldendir. Kavak geçidi bunun içün
intihab idilebilir. Bunali (?) ve ? tafya ve iskele ve Magore (?) Sultaniye kalesi nam
mahallerde inşaat-ı hazıra yerine, usul-ü cedide üzere istihkamlar inşası ehemdir.
Kara ciheti içün bundan evvel takdim ettiğim tahrirata istinad ederim. Tahrirat-ı
mezkure bizzat keşf ve muayene eylediğim bilcümle tefsilat-ı mükemmeliyeye
havidir.
105