the beginnings of ottoman-german partnership - Bilkent University

D: 3 C: 1 İ. S.: 2
Appendix VII
Meclis-i Umumi Zabıt Ceridesi
1. İnikad 1 Kanunuevvel 1330 (1914) Pazartesi
1. Celse Bedi Müzakerat Saat: 13.15
Reis: Reis-i sin Rıza Paşa
Hükümet-i Seniyyemiz ihtiyar ettiği müsellah bitaraflıkta sebatı azmetmiş
iken, Donanma-i Humayunumuz Karadeniz’de Rus Donanması’nın tecavüzatına
duçar olmuş ve müteakıben Rusya ve İngiltere ve Fransa Devletleri hudutlarımıza
asker ve donanma sevk ile fiilen muhasemata başlamış oldukların, Avni Bari ve
inayet-i Peygamberiye bittevessül düvel-i mezkureye karşı hal-i harbi ilan ile
hudutlardaki ordularıma ileri hareket emri verdim.
Muazzam müttefiklerimiz Almanya ve Avusturya-Macaristan Devleti’nin
şanlı orduları tarafından müşterek düşmanlara karşı Avrupa’da ihraz olunan
muzafferiyat-ı mütevaliye Kuvay-ı Berriye ve Bahriyemizin ve emr-i şeri ile Rusya,
İngiltere ve Fransa’ya karşı cihada davet edilen mücahidiyn-i İslamın, Asya ve
Afrika’da parlak zaferler ilave edeceğine ve bundan sonra Cenab-ı Hakkın
muhafaza-i hak ve adl için silaha sarılmış olan Devlet-i Aliyyemize ve çar aktar-ı
cihandaki İslamlara şeref ve saadetle mübeşşir bir istiklal bahşedeceğine mutekidim.
Devletimizce vaktiyle ecanibe bahşolunan müsaadat-ı mahsusa, anenfeanen
işgal ve makasidini tebdil ederek, hukuk-u hükümranimizi haleldar edici bir
mahiyyet-i muzırra iktisap eylemiş olduğundan, hukuk-u beyneddüvel esasatından
hiçbirine temas etmeyen ve kapitülasyon namı altında içtima eden bilcümle
imtiyazat-ı ecnebiyyenin refini irade ederek, düvel-i sairede olduğu gibi, Memalik-i
Şahanemde dahi ecanip ve bunlara müteallik muamelat hakkında hukuk-u
beynelmilel ahkamının tatbiki usulunü vaz eyledim.
Harb-i Umumiye iştirak etmeyen düvel-i muazzama ve hükümat-ı saire ve bilhassa
komşumuz Bulgaristan ile münasebat-ı siyasiyyemizin kemakan halisane ve dostane
olduğunu maal memnuniyye beyan ederim.
116