Antonio Salgado Rosa Manuel Mariño Castro ... - Eixo Atlantico

O MODELO POLICIAL EN ESPAÑA
Luis Manuel García Mañá
Comisario Xefe do Corpo Nacional de Policía de Vigo
O modelo español de Forzas de Policía, ten seus orixes en dous
momentos históricos ben definidos.
O primeiro situase no século XIX, baixo a inspiración centralista da
Administración francesa, intre no que se crean as Forzas Estatais de Policía
que aínda hoxe perduran, sobre o basamento da división de poderes enunciada
por Montesquieu . Ata primeiros do Sèculo XIX, as funciòns xudiciais
e policiais exercèranse conxuntamente en España.
En 1824, unha vez estragada a experiencia do Trienio Liberal, mesmo
ó principia-lo derradeiro período do reinado absolutista de Fernando VII,
creouse a Policía do Reino, antecedente directo do actual Corpo Nacional
de Policía, de natureza civil. Máis tarde, no ano de 1844, o Duque de
Ahumada fundou, en plena Rexencia, o Instituto da Garda Civil de natureza
militar, coa arela de garanti-la seguridade rural e a orde pública, aproveitando,
ó mesmo tempo, o excedente de cadros militares que había en
España.
O segundo e trascendental momento da estructuración do modelo
policial español, producese coa promulgación da vixente Constitución de
1978, verdadeiro marco legal de todo o acontecer político dos últimos
anos.
A Constitución de 1978 non só consolidou a existencia das Forzas e
Corpos de Seguridade do Estado no seu Artigo 104 , encomendándollela
misión “protexe-lo libre exercício dos dereitos e liberdades e garanti-la
seguridade cidadá”, senón que profesionalizou a súas funcións e tarefas,
como por exemplo as de Policía Xudicial ( Artigo 126 ), facendo depender
directamente de tribunais, xuíces e do ministerio fiscal as devanditas
27