Antonio Salgado Rosa Manuel Mariño Castro ... - Eixo Atlantico

cio á comunidade” abandoando as prácticas coactivas e subculturas tradicionais,
establecendo unha relación máis próxima ó cidadán en sentido
horizontal. Deste xeito tamén resulta ser un modelo de policía máis ASIS-
TENCIAL e menos inquisitiva, que participa na vida social. Resulta significativo
a este respecto, o disposto no Artigo 6º da Lei de Forzas e
Corpos de Seguridade, que preceptúa que a formación dos membros dos
devanditos corpos “terá carácter profesional e permanente”.
Compre subliñar como experiencia, que dende hai tres anos, e despois
de diversas iniciativas anteriores, callou con éxito, dentro do Corpo
Nacional de Policía, unhan fórmula de Policia comunitaria integral,
coñecida popularmente baixo a denominación de “Policía de
Proximidade”.
A filosofía que inspira a súa actuación, está orientada a atender ó cidadán
no seu mesmo “habitat”. O funcionario de Policía de Proximidade é
coñecido polos seus propios veciños co seu nome e apelido, fai a patrulla
só polas rúas, a pé ou nunha moto lixeira, recibe “in situ” as denuncias que
os cidadáns queren formular, participa en xuntanzas e movementos veciñais,
ocúpase de cuestións alleas ó ámbito policial, que melloran a calidade
de vida e finalmente constitúese nun referente e dinamizador social.
O programa Policía 2000 da Dirección Xeral da Policía, establece seus
fins estratéxicos na procura de tres obxectivos:
1.- Mellora-la calidade dos servicios
2.- Aumenta-la satisfacción dos cidadáns e dos policías
3.- Reduci-la delincuencia
Consonte co anterior, creáronse novas unidades policiais básicas, que
actúan en tódolos núcleos urbános do territorio nacional, no que está
implantado o Corpo Nacional de Policía (núcleos de poboación de máis
de 20.000 habitantes e capitais de provincias). Estas unidades son coñecidas
baixo a denominación de “Módulos Integrais de Proximidade
(MIP)”, dotados con efectivos policiais uniformados que traballan en
tarefas puras de proximidade (Policía Preventivo de Proximidade – PPP),
outros que actúan en funcións de investigación e pescuda ( Policía de
Investigación de Proximidade – PIP), que adoitan vestir de paisano,
O MODELO DE POLICÍA LOCAL EN ESPAÑA
31