Antonio Salgado Rosa Manuel Mariño Castro ... - Eixo Atlantico

O Servicio de Vixiancia Aduaneira, dependente do Ministerio de
Economía e Facenda, pode actuar en calidade de policía xudicial xenérica
non específica, na represión do tráfico de drogas e doutros xéneros de contrabando
Así pois, o Estado unitario (non centralista) que se define na
Constitución española, conta con dúas organizacións policiais que exercen
en todo o territorio do Estado, como son o Corpo Nacional de Policía
e o Corpo da Garda Civil. Mentres, o ámbito de actuación das Policías
Autónomas ou Locais, é o específico da súa Comunidade ou Municipio,
respectivamente.
Tódolos Corpos policiais sinalados gozan da consideración de
Institutos Armados, co matiz de seren de natureza civil a excepción do
da Garda Civil que é de natureza e estructura militar. Son tamén institucións
nas que os princípios de xerarquía e subordinación, rexen a súa organizaciòn.
Lóxicamente o Servicio de Vixiancia Aduaneira e os Vixiantes
de seguridade privada, non teñen a consideración de Forzas de
Seguridade, aínda que de cotío colaboren con éstas.
¿Cómo se coordina o múltiple espectro policial español?. Soamente
unha norma de rango orgánico, desenvolvendo o artigo 104 da
Constitución, pode artellar esta realidade. A referida lei non é outra que a
2/1986, de 13 de marzo, de Forzas e Corpos de Seguridade. No apartado
segundo do devandito artigo constitucional, definese o contido da lei: as
funcións, principios básicos de actuación e os estatutos das Forzas e
Corpos de seguridade.
A lei 2/1986 da que estamos a falar, dispón no seu Artigo primeiro que
a seguridade pública é de competencia exclusiva do Estado, e que o seu
mantemento corresponde ó Goberno da Nación. Admite a participación
das Comunidades Autónomas nesta misión, o mesmo que o auxilio das
Corporacións Locais.
No Artigo segundo sinálase que son Forzas e Corpos de Seguridade os
do Estado dependentes do Goberno da Nación, os Corpos de Policía vinculados
ás Comunidades Autónomas e os das Corporacións Locais, excluíndose
polo tanto calquera outro
O MODELO DE POLICÍA LOCAL EN ESPAÑA
29