Antonio Salgado Rosa Manuel Mariño Castro ... - Eixo Atlantico

O MODELO DE POLICÍA LOCAL EN ESPAÑA
28
unidades policiais, en relación coa “averiguación do delicto e descubrimento
e aseguramento do delincuente”. O mandato constitucional do
Artigo 104, sitúa ós Corpos policiais españois, nun sistema próximo ó
que Wilson definiu en 1968 como “modelo policial de servicios”, fronte
ós outros modelos “legalista” e de “vixiancia”, por prima-lo servício público
ante a aplicación da lei ou a presencia masiva e disuasoria da policía nas
rúas.
Precisamente é na Constitución de 1978, onde se basea o actual Estado
das Autonomías, recoñecendo e garantindo o dereito á “autonomía das
nacionalidades e rexións” españolas (Artigos 2 e 143 ). Neste contexto, as
Comunidades, a través dos seus Estatutos de Autonomía, teñen a posibilidade
de fornecerse con policías propias (Artigo 149.1.29°), seguindo
modelos diferentes. Así, o País Vasco e Cataluña constituíron corpos de
policía integrais, non vencellados organicamente nin funcionalmente ás
Forzas de Seguridade do Estado ( Ertzaina e Mossos de Escuadra). Pola
contra Galicia, Valencia e Andalucía, optaron por solicita-la adscripción
de unidades do Corpo Nacional de Policía, dependentes funcionalmente
da respectiva Comunidade Autónoma. O resto das Comunidades do
Estado Español só coordinan, no ámbito dos seus territorios, ás Policías
Locais (Art. 148.1.22ª).
Non se debe esquecer que no Artigo 140 da devandita Constitución de
1978, recoñécese a autonomía dos municipios, que seguindo a regulamentación
derivada das normas de Bases de Réxime Local, da Lei
Orgánica de Forzas e Corpos de Seguridade e da regulamentación propia
Comunidade Autónoma, poden dispoñer de Policías Locais ó servicio dos
Concellos.
Asemade, debe terse en conta a importancia que nos últimos anos está
a atinxi-la Seguridade Privada en España e no mundo en xeral. A
Dirección Xeral da Policía controla os preto de 100.000 vixiantes de seguridade,
así como a outros profesionais do sector da seguridade privada (
escoltas e detectives privados), sen contar os vixiantes de explosivos e gardas
de campo que supervisa a Dirección da Garda Civil.