Actes et documents anciens intéressant la Belgique conservés aux ...

— 93 —
loialment, selonc ce qu'il est contenu ens es lettres
sour ce faites, ausi tost comme sa dite fille sera
venue à son eage et qu'elle puist consentir ens u
mariage, et que li mariages se puist soustenir selon
le droit de sainte Église; et onques ne fu l'entente le
duc ne la volentey de avoir fait ne d'aler contre le dit
mariage ne d'enfraindre ne d'empeschier de riens,
mais d'aler avant si tost comme elle sera venue à son
eage, si comme dit est.
Item, au point qui commenche encore : « Sire, vous
savez que unes alliances furent faites, etc. », respont
le dux et dist que les dites alliances faites entre le
dit conte et li, il les a bien gardées et tenues en tous
poins, et que, sauve le grâce dou dit conte, que elle ne
sont mie bien gardées ne tenues de par li, car ou
temps que li ditz dux avoit à faire as seigneurs qui
assaillèrent sa terre, il requist le dit conte d'ayde, si
se par offri de faire de haut et de bas par le dit
conte, et de croire tout ce que li diz contes ordoneroit
de ce que li ditz dux avoit à faire as dis seigneurs
selonc la fourme des dites alliances. Et pour les dites
alliances que li ditz dux eut au dit conte, laissa et
refusa li ditz dux ayde, accort et alliances* de pluseurs
grans seigneurs, lequel li tourna puissedi à grant
contraire et préjudice et domage, pour ce qu'il ne
trouva mie tele ayde ou dit conte comme il y cuidoit
avoir trouvé selonc la fourme des alliances. Et encore
bien est à savoir que les dites alliances furent faites
et accordées devant que les convenanches du mariage
de Jehan, fil au dit duc, et de la damoiselle, fille au
dit conte, estoient otroyées, si que les dites convenanches
dou dit mariage ne touchent de riens les
dites alliances. Et dist bien li ditz dux que les dites
alliances par si meur et si bon conseil faites, accordées
et seellées, n'entent il mie à départir ne délais-