Actes et documents anciens intéressant la Belgique conservés aux ...

- 45 —
le leur faire avoir donnent le don au bailliu, ki
baillius, puis ke il a le don recuit, les vuolt mètre
en jugement des homes, chou con n'a mie uset
anchois a esté uset que puis ke li baillius avoit le
don rechuit et li bonne gent avoient fait sauver leur
avuwe, quant li baillius sans mettre en nul jugement
des hommes leur faisoit leur dettes avoir. Et
sachiés, sire, que pour chou ke li bonne gent ne se
voellent mettre en loy fors là u il sunt à jugier, que
vous en iestes arrières de vos drois, et mains en
avés de dons. Et si ne doit li baillius lever nul don,
si ait avant "fait paier le dette, sire; et si en avons
bien veut user au tans de nostre dame de Flandres,
et vous meismes ne voliés mie ke vo don fuissent
mis en loy puisque li dette estoit bien prouvée.
(D'une nouvelle écriture.) Sire et si a estet de usage
ancien frankise as bourgois de .ceste vile, ke s'il ont
seut leur profit à faire hors de le vile en le castelerie,
soit en censés u en autres waengnages honestes,
manoir i pooient bien sans nient perdre de leur frankise,
li quels cose est restrechié (*) dont li vile vaut
pis, et mains ont li bourgois vaillant, et mains vos
puent servir, Sire, et le vos monstrons et requérons
ke che soit remis en l'ancien usage et en le frankise
u nous et nos devanciers ont esté maintenut de vos
devanciers et de vous et que de che nous soions de
vous cartreit ( 2 ).
Sire, et en a estet tous jours usages de vos devanciers
et duskes à vous signeurs de Flandres, que
quant nouviaus sires vinoit à terre en Flandre, kil
fait sèrement à le vile de warder le loy et le frankise
de le vile, et les us et les coustumes, et à mener les
(*) Rétrécir, amoindrir (restrechier).
( 2 ) Pourvus d'une charte (chartreit).