Actes et documents anciens intéressant la Belgique conservés aux ...

_ 43 —
il nous sanle ke c'est hors de no loy et de no usage,
les queus vous nos devés warder et sauver par vo
sièrement.
Sire, il avint que à la requeste de vo bailliu et
de Watier dou Ham nous fesimes faire halle, et
venismes en halle nous et nos consaus, la nos prisent
et arriestèrent tous vos baillius et Watiers dou Ham,
et nos menèrent en prison à Gravelinghes (*) sans
loy et sans jugement, kil faire ne pooient, u nous
fumes à grant frait, à grant damage et à grant meskief,
nous et no ville ki demoroit en grant péril sans
eskevinage. Et devant chou nous avoit li baillius par
vo commandement tenus en prison grant tans en vo
sale à Lille, sans loy et sans jugement, kil faire ne
pooit, la u nous fumes à grand frais et à meskief.
Encore Sire, vos baillius et Watiers dou Ham, cel
jour meismes kil nous prisent pour mener à Gravelinghes,
contre le loy et le frankise de le vile, banirent
en plain markiet à Lille, sans loy et sans jugement
et sans le seu d'eschevins, Gillion Pasquin no
bourgois et misent wardes en se maison etf le sien
en saisine, kil faire ne pooient, dont li dis Gilles
fu à grant damage et à grant raenchon.
Et encore avint il que vos baillius sans loy et sans
eschevins, ala en le maison Bietremiu de le Bare, et
mist main à Jakemon de le Bare, sen frère, et dist
kil l'enmenroit, kil faire ne pooit soulonc le loy et
l'usage de le ville et par sen sièrement.
Et encore avint il que uns nos bourgois ki a à
non Mierlins, estoit à Ypre ( 2 ), vos baillius, Pierre
des Jumiaus, par fauses paroles le fist venir à Lille,
et en venant l'arresta au pont à Kesnoit ( 3 ), et en
(i) Gravelines.
(2) Ypres.
( 3 ) Le Quesnoy.