Actes et documents anciens intéressant la Belgique conservés aux ...

— 78 —
la dicte Chandeleur, il se trairont en la ville d'Aynghiem
(*) et jurront sour saintes Evangilles que de
celle meisme ville il ne se départiront jusques à tant
qu'il auront par accord terminé et mis à fin tous les
quereles et choses dessus dictes. Et s'il advenoit, que
ja n'avienge,. que il ne se peussent accorder en tout
ou em partie, si avons acordé, acordons et volons
que li sire d'Aynghiem, se il est ou pays, sera li tierch
et souverains pour aydier terminer ce dont il seroient
en descord, et as quels des deux des ditz quatre il
s'acordera, ce sera tenu. Et se ainsi fust que li sire
d'Aynghiem ne fust adonques revenus ou pays, ou
revenus ne vousist entendre à la besoingne, li dit arbitreur
esliront de leur commun accord une autre personne
ou lieu du dit seigneur d'Aynghiem, ainchois
qu'il puissent jamais partir de la dicte ville, qui le
meisme povoir aura en ceste besoingne que li
ditz sire d'Aynghiem aroit se présentz fust et
s'en vousist entremettre. Et se par aventure, que
Dieux jà ne vuille, li uns d'eaux moroit ou
eust empeschement nécessaire par coy il ne peust
en ces choses entendre, nous volons que pour
celui qui ainsi seroit mort ou empeschié, la
partie pou[r qu]i il estoit, en eslisist un autre
qui en teles manières et conditions reçeust li
fais du compromis comme cilz qui seroit mort ou
empeschié l'avoit, et en autres choses touchantz l[e
dit] compromis qu'il eust autant de povoir comme li
autre avoit et comme li uns des autres. Et quantke
par les diz quatre ou par le tierch avecques les deuz
sera dit, pronunchié, ordené, déclaré et terminé,
nous contez et dux dessus ditz promettons pour nous
et pour nos hoirs et successeurs et pour touz ciaux
( J ) Enghien.