BERRIA, 2012-07 - datu-basea25
BERRIA, 2012-07 - datu-basea25
BERRIA, 2012-07 - datu-basea25
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>2012</strong>ko uztailaren 7a, larunbata berria 41<br />
Sanferminak <strong>2012</strong><br />
Jendetzak egin zuen bat atzo Udaletxe plazan. Besta giroa izan zen nagusi goizean goizetik. Ezin mugitu zegoen jendea plaza erdian. JESUS DIGES / EFE<br />
Hasi da San Ferminen aroa<br />
Txupinazoarekin batera, bestak eztanda<br />
egin du Iruñean; Udaletxe plaza lepo bete da<br />
sanferminetako lehendabiziko ekitaldian<br />
Ikurrina handi bat eta presoen aldeko<br />
pankartak zabaldu dituzte enparantzan<br />
Edurne Elizondo Iruñea<br />
Bestaren erresuman, San Ferminen<br />
aroa hasi da. Hilaren 14a<br />
bitarte, santu beltzarana izanen<br />
da parrandaren errege. Eta iruindarrek,<br />
bisitan etorri diren kanpotar<br />
guztiekin batera, gogoz<br />
gurtuko dute. Gogoz eginen dute<br />
topa haren alde. Gogoz eginen<br />
dute besta, gau eta egunez, gorputzak<br />
aski dela erran arte.<br />
Ohiturak ez zuen hutsik egin<br />
atzo, sanferminen hasieran. Na-<br />
Baiko zinegotzi Iñaki Cabasesi<br />
egokitu zitzaion besten hasiera<br />
iragarri zuen suziriari su ematea.<br />
Urduritasunez ekin zion lanari,<br />
txupinazoa lehertu baino lehen<br />
onartu zuenez. «Iruindarrok eta<br />
gurekin gozatzera etorri zareten<br />
guztiok, gora San Fermin!», oihukatu<br />
zuen herriko etxeko balkoitik,<br />
eguerdian.<br />
Txupinazoak lehertu zuen besta.<br />
Plazan bat egin zuen jendeak<br />
zapi gorria lepoan lotu eta Udaletxe<br />
plazatik hiriko gainerako txokoetara<br />
zabaldu zuen bestaren<br />
zurrunbiloa. Musikak lagundu<br />
zuen, urtero bezala, bestaren<br />
oihartzuna karrikaz karrika barreiatzen.<br />
Txistulariek, gaitariek<br />
eta Pamplonesa bandako musikariek<br />
hartu zituzten Alde Zaharreko<br />
karrikak, txalo artean. Iruindarrak<br />
bestarako gogoz ziren, eta<br />
erruz gozatu zuten sanferminen<br />
hasiera markatu zuen ekitaldiarekin.<br />
Ofizialki atzo eguerdian hasi ziren<br />
Iruñeko bestak, baina parrandak<br />
aurretik ere hartu zituen hiriko<br />
bazterrak. Iruñekoak ez ezik,<br />
inguruko herrietakoak ere bai.<br />
Eguna epel ernatu zen, baina jatekoak<br />
eta edatekoak laster berotu<br />
zituzten iruindarren eta bisitarien<br />
barruak. Batzuenak, gehiegi,<br />
txupinazoak eztanda egin aurretik<br />
ere zutik eusteko arazorik<br />
izan baitzuen batek baino gehiagok.<br />
Udaletxe plazan ere zutik eustea<br />
ez zen erraza atzo. Sumatu zen<br />
ostiralarekin egin zuela bat San<br />
Fermin egunaren bezperak, eta<br />
horrek jendetza erakarri zuen<br />
Iruñera. Inork ez zuen txupinazoa<br />
galdu nahi. Herriko etxeko<br />
plaza lepo beteta zegoen, suziria<br />
lehertu baino ordubete lehenago.<br />
Besta hasteko irrikan ziren iruindarrak.<br />
Ikurrinak plazan<br />
Bestarekin batera, aldarrikapenak<br />
ere izan zuen tokirik atzoko<br />
txupinazoan. Txapitelan hasitako<br />
ikurrinaren aldeko kalejira<br />
Udaletxe plazan amaitu zen.<br />
11:35 aldera, ikurrina handi bat<br />
eta bertze hainbat txiki sartu<br />
ziren herriko etxeko plazara. Euskal<br />
presoak Euskal Herrira ekartzearen<br />
aldeko mezuak zituzten<br />
pankartak eta puzgarriak ere<br />
agertu ziren. Udaltzainek eta<br />
foruzainek hartu zituzten Txapitela<br />
inguruko bazterrak. Atzo,<br />
hala ere, tirabirarik ez zen gertatu.<br />
Lan esparruko aldarrikapenak<br />
ere izan ziren protagonista atzo<br />
Iruñean. Udaletxe plazan Inasako<br />
langileen aldeko pankarta zabaldu<br />
zuten. Irurtzungo lantegia ixtea<br />
erabaki dute jabeek, eta 160tik<br />
gora behargin kanporatzea, ondorioz.<br />
Sanferminek, hala ere, krisia<br />
alde batera uzteko aukera eskainiko<br />
diete herritarrei. Hilaren 14a<br />
bitarte, behintzat. Urtebete egon<br />
dira zain iruindarrak hiriko besta<br />
giroaz gozatzen hasteko, eta ez<br />
diote aukera horri ihes egiten utzi<br />
nahi.<br />
Atzo ederki erakutsi zuten<br />
hori. Urtebeteko besta gogoaren<br />
iturria ireki zuen eguerdian Cabasesek<br />
piztu zuen txupinazoak,<br />
eta ixteko asmorik ez dute iruindarrek.<br />
Bestak ez baitu etenik izanen<br />
Iruñean, datozen egunotan.<br />
San Ferminen aroa hasi da Nafarroako<br />
hiriburuan. Santu beltzaranak<br />
aginduko du datozen egunotan.<br />
Bestak hartu baitu, erabat,<br />
hiria.