BERRIA, 2012-07 - datu-basea25

16
mantangorri
BEDERATZi AiNGERU (VIII)
larunbata, 2012ko uztailaren 7a berria
...aurreko astetik dator
Testua: Karlos Linazasoro Marrazkiak: Maite Gurrutxaga
Ustelkeriaren sunda
J
arraian, bederatzi aingeruek txalo egin
dute hegalak ongi berotu artean. Mielek
txirinbuelta bat egin du mahaiaren gainean
eta beste mahaibururaino iritsi da. Haserre
dago oraindik:
-Zeruan lekurik ez behintzat! Zer kristo
uste dute ba gizaki babo horiek! Ongi esan zidan,
bai, Jainkoak: «Ustelkeriaren kiratsa leku guztietara
zabaldu da, Miel! Gaiztakeriaren sunda!».
-Hori esan al zizun, Miel? —Ezekielek.
-Hitz horiexekin! -Mielek.
-Eta zuk zer esan zenion, lagun? —Ezekielek.
-Arrazoi osoa zuela… Zer esan behar nion, ba?
—Mielek.
-Jakina, jakina… Arrazoi osoa du eta! —Ezekielek.
-Ez du ba osoa, ñooo! Lehengoan gaude berriz
ere, lagunok. Txiroen Jainkoa ez baita dirua! Eta
hori Jainkoak ere badaki! -Markelek.
-Horixe bera esan nion neronek Jainkoari, Markel,
berorika jakina, txiroen Jainkoa ez zela… Badakizu
zer erantzun eman zidan? Bazekiela, txiroek
behar zutela izan zeruko gizaki hautatu maite bakarrak,
beti esan zuen legez, baina sistemak egiten
zuela huts erro-errotik, neoliberalismoak…
—Mielek.
-Neoliberalismoak? Eta gure Jainko jaunak ba al
daki zer den neoliberalismoa? -Ezekielek, ahoan
gurutzea zuela.
-Jakingo ez du ba! Zer uste duzu, kerubin maitea,
Ahalguztidunak ez duela prentsarik irakurtzen,
ala? Munduan diren egunkari guztiak! —Mielek.
-Jakina, poliglota delako! —Arielek, miresmenez.
-Eta zer da Jainkoarentzat neoliberalismoa,
Miel? Azaldu zizun? —Ezekielek, irrikaz.
-Ez zidan azaldu, ez, baina ez zela gizabidezkoa
bai esan zidan, eta ipurditik aldatu behar zela
dena, tabula rasa egin, guzti-guztia berriro goitik
behera eraiki… Hara diruaren kirats zikinak zer
ekarri digun! —Mielek.
-Txin-txin, txin-txin, diruaren hotsa, haretxek
ematen dit, maitea, biyotzian poza… Ez al dio horrela
hemen asko kantatzen den herri-doinuak?
Zertaz harritzen gara orduan? Diruari beti eta leku
orotan egin zaio dantza eta gorazarre! —Manuelek,
kantari.
-Eta beste hau, e, Manuel? Gogoratuko zara: «Tres cosas
hay en la vida: salud, dinero y amor. El que tenga las tres cosas,
que le dé gracias a Dios». Oso pollita da —Gabirelek, txistuka.
-Hor behintzat hiru gauza aipatzen dira! —Mielek.
-Bai, Miel. Baina osasunik eta maitasunik ez duenak, zeri heltzen dio? Diruari!
—Gabirelek.
-Eta zertarako dirua osasunik eta maitasunik gabe, Gabirel? —Mielek.
-Ezertarako ez, jakina… Baina orain jendeak galderak alderantziz egiten
ditu: zertarako osasuna dirurik gabe? Zertarako maitasuna dirurik gabe? Ba,
bizitzeko, gizonak! Bizitzeko! -Gabirelek.
...hurrengo astean jarraituko du