BERRIA, 2012-07 - datu-basea25

2012ko uztailaren 7a, larunbata berria 9
Euskal Herria ‹ Harian
Astorkizaga
atxilotu dute,
«herri harresia»
hautsita
Lau urteko zigorra betetzeko espetxeratze
agindua zuen gaztea epaitegian kateatu da;
atxiloketa saihesten saiatu dira herritarrak
Bilbotarra Basauriko espetxera eraman ez
zezaten, ondoko errepidea moztu dute
Aitziber Laskibar Lizarribar Bilbo
Espainiako Auzitegi Nazionalak
ezarritako lau urteko espetxe zigorra
betetzeko, bilatze eta atxilotze
agindua zuen Gaizka Astorkizaga
gazte bilbotarrak ekainaren
26tik. Atzo iluntzean atxilotu
zuen Ertzaintzak, baina kostata.
Ehundik gora herritarrek sortutako
«herri harresia» gainditu behar
izan zuten ertzainek Bilboko
epaitegian kateatu zen gaztea
eramateko. Liskarrak eragin zituen
espetxeratzeak, eta gutxienez
beste sei lagunen atxiloketa.
21:00ak jota zirela hartu zuten
atxilo Astorkizaga, aurrez, gaztearen
espetxeratze agindua salatzeko
250 bat lagunek manifestazioa
egina zutela. Protesta ere ez
zen ohikoa izan. San Inazio auzoan
errepresioaren eta polizien jazarpenaren
aurka zein eskubide
zibil eta politikoen defentsan sortutako
Ezpam! mugimenduak antolatuta
«manifest-akzioa» egin
zuten, Estatuaren terroreari horma
jarri! lelopean. Herritarren
aurkako erasoen aurrean «alarma»
piztu beharra dagoela-eta, sirena
hotsekin egin zuten protesta.
Eraso horiek eragozteko premia
irudikatzeko, «herri harresia»
osatuta egin zuten ibilbidea.
Elastiko laranjaz jantzita, horma
lerroak irudikatu zituzten soka
bati lotu, eta errepidearen alde
batetik besterainoko lerroak osatuta.
Arriaga plazatik abiatutako
Espetxeratuaz gain,
beste sei lagun atxilotu
dituzte Galdakao eta
Bilboko protestetan
Gaztea eramateko
unean liskarrak izan
dira ertzainen eta
herritarren artean
protesta epaitegiaren parera iritsi
zenerako, ertzainek zainduta
zegoen eraikina. Baita inguruan
dauden gainerako epaitegi eta auzitegiak
ere. EAEko Auzitegi Nagusiaren
aurreko plazan amaitzekotan
zen manifestazioa, baina
itxita zuen Ertzaintzak. Ezin zutela
hara sartu esan zien protestariei.
Alboan amaitu zuten ekimena,
baina protestari asko ez ziren
handik mugitu.
Bilboko epaitegiaren atarian kateatu zen gaztea atxilo hartu zuten unean. MARISOL RAMIREZ / ARGAZKI PRESS
Galdakaon errepidea moztu zuten. MONIKA DEL VALLE / ARGAZKI PRESS
Bost minutu geroago, dei bat
jaso zuten bertako kide batzuek:
«Gaizka epaitegian kateatuta dagoela
abisatu digute; Buenos Aires
kalean dago». Korrika joan ziren
dozenaka lagun epaitegi aldera.
Ertzainak, furgoneta eta
autoetan. Epaitegiko barroteetara
katez lotua zegoen gaztea, eta
jende uholdeak inguratu zuen
animo oihu ozenekin.
Ertzainek bultzaka lekua egin,
gaztea inguratu eta kateak moztu
zizkioten, atxilo hartzeko. Minutu
luzetan egon zen jendea beregana
hurbildu nahian, txistuka
eta oihuka. Gaztea, muxuak banatu,
ukabila altxatu, eta babesa
eskertzeko keinuak egiten.
Ertzainek gaztea autora eramateko
orduan izan ziren tentsio
une eta kolperik gogorrenak. Herritarrak
erdian jarri, eta atxilotua
eraman ez zezaten saiatu ziren.
Ertzainek borra eta kolpeen
bidez kendu zituzten horiek erditik.
Kosta zitzaien, hala ere, pare
bat metroko bide hori egitea.
Bultzada, kolpe, oihu eta liskar
artean eraman zuten hunkituta
zegoen Astorkizaga. Ertzaintzak
bertaratutakoen aurka egiten jarraitu
zuen, eta beste bi pertsona
gutxienez atxilotu zituen.
Galdakaon, beste lau lagun
atxilotu zituen Ertzaintzak. Astorkizaga
Basauriko espetxera
eraman ez zezaten, Bilbotik Galdakaorako
errepidea moztu egin
zuten zenbait pertsonek, Aperribai
parean. Errepidera olioa bota,
eta zirkulazio handia duen bidea
erabat moztu zuten.
Agustin Figal eta Jordi Grau presoak aske geratu dira
Herrira mugimenduak
jakinarazi duenez, Peio
Irigoien beskoiztarra
ere aske geratuko da
uztailaren 10an
Erredakzioa Donostia
Agustin Figal Arranz santurtziarra
eta Jordi Grau Año enkarterriarra
aske geratu dira, eta atzo
ziren herrira iristekoak. Figal
konfinatua eduki dute ia hiru astez
Briennel le Chateau herrian
(Frantzia), Espainiak haren aurkako
prozedura bat abiatu zuela
argudiatuta.
Joan den ekainaren 19an atera
zuten Clairvaux-eko espetxetik
(Frantzia), kondena betea zuelako.
Konfinatua izan den bitartean,
egunean lau aldiz bertako polizia-etxean
sinatzeko neurria ere
ezarri zioten. Presondegitik atera
eta biharamunean, Santurtzin elkarretaratzea
egin zuen Herrira!
mugimenduak Agus Herrira! lelopean.
Atzo eguerdian Espainiaratu
zuten Paristik, hegazkinez.
Madrilera eraman zuten, baina
Espainiak azkenean haren aurkako
neurririk hartu ez duenez,
libre geratu da. Hala ere, ezin
izango du frantziar Estatura itzuli.
2002ko azaroaren 5ean atxilotu
zuen santurtziarra Frantziako
poliziak, Agenen (Frantzia), Fernando
Bert Arretxea elgoibartarrarekin
batera. Azken hau
2006ko abenduan Espainiaratu
zuten, eta 2008an irten zen espetxetik,
12.000 euroko bermea ordainduta.
Figal, berriz, 2005eko
azaroan kondenatu zuten 5 urtera.
2008ko otsailean, ordea, 10 urtera
igo zioten zigorra, ETAko
kide izatea leporatuta.
Grau kalera, bermepean
Jordi Grau Año enkarterriarra
baldintzapean irten da kalera,
6.000 euroko bermea ordaindu ostean.
2011ko urtarrilaren 26an
atxilotu zuen Ertzaintzak, Karrantzan
(Bizkaia). Auzitegi Nazionalarekin
elkarlanean egin zuten
operazioa, eta bi etxe miatu zituzten.
2006an Artzentalesko
BBKren egoitza bati eraso izana
leporatu zioten Grauri. Hiru egun
inkomunikaturik egon ondoren,
Soto del Realeko espetxera (Espainia)
bidali zuen Fernando Andreuk,
Auzitegi Nazionaleko
epaileak.
Irigoien, uztailaren 10ean aske
Bestalde, Herrira mugimenduak
iragarri duenez, Peio Irigoien preso
beskoiztarra libre geratuko da
datorren uztailaren 10ean.
2010eko martxoan atxilotu zuten
Mattin Olzomendirekin batera,
eta 2011ko uztailean epaitu zituzten
biak. Irigoien 4 urtera eta Olzomendi
5era zigortu zituen Parisko
Auzitegi Korrekzionalak.