BERRIA, 2012-07 - datu-basea25

Alduntzin bota ondoren, Garitanori
egin diote abisu oposizioko taldeek
Gipuzkoako Ingurumen diputatua botatzea
onartu dute EAJk, PSEk eta PPk, bat eginda;
«oso harro» doala erantzun die Alduntzinek
PSE eta PP prest daude ahaldun nagusia ere
kentzeko; EAJk ez du «frenterik» osatu nahi
2012ko uztailaren 7a, larunbata berria 7
Euskal Herria ‹ Harian
Garikoitz Goikoetxea Donostia
Bota dute kargutik Juan Carlos
Alduntzin Gipuzkoako Ingurumen
diputatua. EAJk, PSE-EEk
eta PPk aurkeztutako zentsura
mozioak aurrera egin zuen atzo
Gipuzkoako Batzar Nagusietan,
hiru alderdi horietako batzarkideen
botoekin. Kargugabetzea gorabehera,
aldundian egindako lanarekin
«oso harro» agertu zen Alduntzin,
hondakinen auzia konpontzeko
bidea jarri duelakoan:
«Badago plana. Estrategia egokia,
ona, Europako adituek idatzia,
eta erdiprezioan, gainera».
Zaborrak ez, joko politikoa dago
mozioaren atzean, haren ustez.
Argi esan zuten PSE-EEk eta PPk:
diputazio osoaren aurka jo nahi
dute. «Martin Garitano jauna: segitu
harrokeria horrekin, kultura
eta jardunbide demokratikoak
gutxiesten, eta ikusiko duzu nola
aldatu beharko duzun eserlekua
berandu baino lehen». Juan Carlos
Cano PPko eledunak egin zion
oharra. EAJk, oraingoz, baztertu
egin du Garitano kaleratzea, baina
jarrera «aldatzeko» eskatu dio.
Tentsio handiko saioa izan zen
atzokoa. 09:30erako zuten hitzordua
Batzar Nagusietan, eta jendetza
batu zen lehenagotik. Sarreran,
erraustearen aurkako taldeko
kideak, haize errota itxurako
afixekin; barrurago, Bilduko alkate
eta hautetsi hainbat. Txaloka
hartu zuten Alduntzin; Garitano
ahaldun nagusiarekin eta foru diputatuekin
batera joan zen. Han
izan ziren Pello Urizar (EA), Oskar
Matute (Alternatiba) eta Joseba
Permach (ezker abertzalea) ere.
Bilkura hasi aurretik hasi ziren
ika-mikak. Mozioa batera aurkeztu
dutenez, hitzaldia batean egiteko
agindu zien Lohitzune Txarola
Batzar Nagusietakopresidenteak
EAJri, PSEri eta PPri; hiruren artean
denbora banatu nahi zuten
haiek. Mahaia egoera aztertzeko
bildu zuten bilkura aurretik, baina
ez zuten Txarolaren iritzia aldarazi;
arauetan oinarrituta, batek
hitz egin behar zuela erabaki
zuen. Bilkura atzeratu zuten gorabehera
horiek, 10:05 arte. Are,
Xabier Ezeizabarrenak (EAJ) uko
egin zion hitzaldia egiteari, hirurei
hitz egiten utzi ez zietelako.
Benetako jarduna, beraz, Alduntzinek
berak hasi zuen. Diskurtso
landua eraman zuen, hemerotekako
erreferentzia ugarirekin.
Irmo aritu zen, «eta haserre».
Mozioa aurkeztu duten alderdiei
eskatu zizkien kontuak,
atzera begira jarrita. Argudio nagusia:
2007an, hondakinen plana
taxutzeko, diputazioak mankomunitateekin
sinatu zuela ituna,
Batzar Nagusiak kanpoan utzita.
Hori da auziaren muina orain ere:
oposizioak orain dio Batzar Nagusietan
erabaki behar dela; aldundiak,
udalek dutela eskumena.
‘‘ Hondakinen kudeaketak
adostasun zabala behar
du, gehiengo ezberdinak
errespetatuko dituena»
JUAN CARLOS ALDUNTZIN
Gipuzkoako Ingurumen diputatua
«Agerian geratu da
hondakinen kudeaketa
ez dela zentsura
mozioaren arrazoia»
MARTIN GARITANO
Gipuzkoako ahaldun nagusia
«Frentean aritu bagina,
Garitano ez zen ahaldun
nagusi izango eta ez zuen
aurrekonturik edukiko»
XABIER EZEIZABARRENA
EAJren ordezkaria Batzar Nagusietan
«Garitano jauna: segitu
harrokeria horrekin, eta
ikusiko duzu nola aldatu
beharko duzun aulkia»
JUAN CARLOS CANO
PPren ordezkaria Batzar Nagusietan
Adostasuna behar dela behin
eta berriro nabarmendu zuen hitzaldian
Ingurumen diputatuak.
«Hondakinen kudeaketak adostasun
zabala behar du, gehiengo
desberdinak errespetatuko dituen
adostasuna, baina, batez ere,
kudeaketaren eskumena duten
udalen nahia errespetatzean oinarrituko
den akordioa». Hori ez
dute nahi orain, ordea, oposizioko
alderdiek, Alduntzinen esanetan.
«Batzar Nagusietan daukazuen
gehiengoa erabiliz, zuen eredua
inposatu nahi duzue», aurpegiratu
zien hiru taldeei. Herrietan «gatazka
elikatzea» ere leporatu zien.
Martin Garitano ahaldun nagusia eta Juan Carlos Alduntzin Ingurumen diputatua, atzo. JON URBE / ARGAZKI PRESS
Alduntzin, Bilduko hautetsien txaloak jasotzen. JUAN HERRERO / EFE
Inposaketa hartu zuten ahotan
batzuek eta besteek. Foru aldundiak
«inposatu» nahi du plana,
EAJk, PSEk eta PPk ohartarazi
zutenez. «Gutxiengo batek parlamentuko
gehiengoari bere nahia
inposatzea soilik falta zitzaigun»,
adierazi zuen Ezeizabarrenak.
Mozioaren eraginari begira
Aldundiaren plana gutxietsi egin
zuten hiru taldeek. «Atzerapausoa»
da, PPren esanetan; sozialistek
uste dute «kontrolik eta ziurtasunik
eza» eragin duela Gipuzkoako
Diputazioak; EAJk areago
egin zuen, eta «sineskeriatzat» jo
zuen Zero Zabor politika: «Lelo
bat besterik ez da. Ezinezkoa da.
Hondakinak ez dira desagertzen».
Zaborren kudeaketak ekarri du
zentsura mozioa, baina eragin
handiagoa du. Alduntzinek berak
salatu zuen Bilduren aurkako
«frentea» osatzeko hartu dutela
elkar EAJk, PSEk eta PPk. «Herrigintzan
ez, alderdigintzan ari dira».
Garitanok berak, diputatuari
babesa emateaz bat, hori bera
esan zuen: «Ageri-agerian geratu
dira EAJk, PSEk eta PPk osatzen
duten troika horren ezintasunak.
Agerian geratu da hondakinen
kudeaketa ez dela zentsura mozioaren
arrazoia». Bilduko batzarkide
eta Oñatiko alkate Mikel
Biainek egoera argitzeko eskatu
zien hiru taldeei: Bilduren aurka
zer gehiago egingo duten esateko.
Hori galdegin zuen Aralarrek ere.
PSEk eta PPk argi utzi zuten Alduntzin
botatzea lehen pauso gisa
ikusten dutela. Garitanori hitz
egin zioten zuzenean. Mikel Duran,
PSE: «Ahaldun nagusi jauna:
zure gobernuak ezin du jarraitu
Batzar Nagusiak mespretxatzen.
Honaino heldu gara». Diputazioa
aldatu nahi dute sozialistek, baita
udalak ere. EAJri eta PPri zabaldu
diete eskua: «Gehiago da batzen
gaituena urruntzen gaituena baino».
Mugimenduak hasita daude:
Lasarte-Orian, mankomunitateko
ordezkaria aldatzeko mozio bat
aurkeztu zuten atzo bertan hiru
taldeek; Bilduko kidea kenduko
dute. Donostian ere berdin egitekotan,
gehiengoa lortuko lukete
San Marko mankomunitatean.
Garitanoren aurkako mozioak
ez dauka, ordea, EAJren babesik.
Jeltzaleek ez dute asmorik Bilduren
aurkako «frenterik» osatzeko.
«Hala aritu izan bagina, Garitano
ez zen ahaldun nagusi izango, eta
ez zuen aurrekonturik edukiko»,
esan zuen Ezeizabarrenak. Hori
bai, hark ere aitortu zuen zentsura
mozioa ez dela soilik Alduntzinen
aurkakoa: «Xede pedagogikoa
du, Bilduk jarrera aldatzeko».
Hunkituta utzi zuen kargua Alduntzinek.
Txalo artean atera zen
Batzar Nagusietatik, Pasaiako alkateak
sanferminetako zapia jarrita;
aurrez, hitzaldia amaitu ezinik
geratu zen, emozionatuta.
Etzi emango du Garitanok ordezkoaren
berri. Aurrez, gaur dute
hitzordua: protesta dute Donostian,
17:30ean, mozioa salatzeko.