BERRIA, 2012-07 - datu-basea25

erria larunbata, 2012ko uztailaren 7a
an geldi-geldirik zeuden gezurretako
animaliak ehizatzea zen bisitarien
lana, baina ez zuten bakar bat
ere «zauritu» gezi eta lantzekin. Paleolito
garaian erabiltzen zituzten
teknikez baliatu ziren zuhaitz artean
ezkutatuak zeuden animaliak
harrapatzeko, baina «janaririk
gabe» itzuli behar izan zuten etxera.
Eta hori animaliak ez zirela mugitu
ere egin; eskerrak!
14.000 urte atzera bizitzea zein
gogorra zen ezagutu ahal izan zuten
kataluniarrek euren begiez. Azken
batean, horixe da Zestoako
Ekainberri museoak eskaintzen
duen tailerraren helburua: Ekaingo
kobazuloetan bizi izan ziren gizaki
taldearen eguneroko bizimodua
erakustea.
Tailer dinamikoa
Erakutsi modu praktiko eta esperimental
batean erakutsi nahi dute,
gainera. Helburu hori betetzeko
asmoz hasi dira Ekain Abentura bisita
berezia eskaintzen. Bi ordu
irauten du bisitak. Ekainberriko
erreplika ikusten dute bisitariek
lehenik. Paleolito garaian Ekaingo
kobazuloan gizakiek egin zituzten
margolanen edo marrazkien kopiak
ikus daitezke Ekainberrin. Barruko
isiltasunak, iluntasunak eta
hezetasunak milaka urte atzera
egin eta kobazuloetan bizi ziren
garaietara eramaten du bisitaria.
Erreplikako bisita amaitu ostean,
haitzuloetako arteari buruzko
erakusketa bisitatzen da. Amaitzeko
eta bisita osatzeko, tailerra egiten
dute. Paleolito garaiko gizakiak
sua nola egiten zuten, margoak
nola lortzen zituzten eta hormak
nola margotzen zituzten eta animaliak
nola ehizatzen zituzten erakusten
dute tailer horietan.
Tailerrak oso dinamikoak eta
parte hartzaileak dira, bisitariek
eurak saiatzen baitira sua egiten,
margoak sortzen eta hormak
apaintzen eta lantzekin zein arkuekin
animaliak ehizatzen.
2009ko udaz geroztik eskaintzen
dituzte erakustaldiak. Lehen,
ordu erdiko erakustaldiak izaten
ziren, eta bisitariak ikusle soilak ziren;
orain, aldiz, nahi duen oro jar
daiteke ehizan, margotzen edo
sua pizten.
«Gauzak teorikoki azaltzea edo
Zer non
Zumaia
Ekainberri
(Zestoa)
Zestoa
Azpeitia
Zarautz
• Non: Zestoako herrigunetik 700 metrora
dago Ekainberri; herritik ordu laurdenera,
gutxi gorabehera.
• Zer ikusi: Bi bisita mota daude: oinarrizko
bisita edo Ekain Abentura. Ekainberriko
erreplika eta haitzuloetako artearen
erakusketa ikusten dira oinarrizko
bisitan. Bestean, erreplika eta museoa
ikusteaz gain, Paleolito garaiko gizakiek
sua nola egiten zuten, nola margotzen
zuten eta nola ehizatzen zuten ikusi eta
ikasteko tailerra egiten da.
• Iraupena: Ordubete behar da oinarrizko
bisita egiteko. Ekain Abentura egiteko,
berriz, 2 ordu: ordubete erakusketa
eta erreplika ikusteko eta beste ordu
bat tailerra egiteko.
• Tailerraren orduak: Lau tailer egiten
dira egunean: 12:00etan eta
16:00etan, euskaraz, eta 13:00etan eta
17:00etan, gaztelaniaz.
• Ordutegia: Asteartetik ostiralera,
10:00etatik 18:00etara. Asteburuetan,
jaiegunetan eta udan, 10:00etatik
19:00etara. Astelehenetan, itxita.
• Prezioa: 6 euro, helduek; 5 euro, erretiratuek,
ikasleek eta 6 urtetik 18 urte bitarteko
gaztetxoek; 6 urtez azpikoek,
doan. 2 euro gehiago ordaindu behar dira
Ekain Abentura egiteko.
• Oharra: Ez da sarrerarik saltzen museoan
bertan. Herrian dago museoaren bulegoa,
eta han saltzen dira sarrerak. Udaletxe
atzean dago bulegoa. Behin sarrera
hartuta, oinez joan behar da Ekainberriraino;
ezin da sartu autoz museora.
• Erreserbak egiteko:
(0034) 943-86 88 11 telefonoan.
• Informazio gehiago:
www.ekainberri.com webgunean edo
info@ekainberri.com helbidean.
Ezinean. Sua egiten eta ehizan asmatu ezinik ibili zen Kataluniatik
etorritako familia handia, joan den ostiraleko bisitan. GARI GARAIALDE / ARGAZKI PRESS
mantangorri 7
bertatik bertara ikustea oso bestelakoa
da. Jendeak uste du gauzak
oso errazak direla. Proba egiten
jartzen direnean, baina, ez
dela hain erraza konturatzen dira
bisitariak. Orduan ohartzen dira
benetan garai haietan bizitzea zein
gogorra zen», kontatu digu Josu
Zumetak, Ekainberri museoko gidak.
Zumetaren hitzetan, «tailer
hauek oso lagungarriak dira, duela
14.000 urteko bizimodua nolakoa
zen eta garai batean kobazuloetan
nola bizi ziren ulertzeko. Azken batean,
oso bestelakoa da esatea
bultzagailuarekin gezia 70 metrora
jaurti daitekeela edo bisitariek eurak
proba egitea eta ikustea bultzagailuarekin
zein urrun iristen
den gezia. Era berean, zaila da irudikatzea
sua lortzea zein zaila den,
saiatu eta ezin dela lortu ikusten
duten arte. Tailerrak oso interesgarriak
dira bisitarientzat».
Bisitak, nahierara
Egunean lau tailer egiten dituzte:
bi goizez, 12:00etan euskaraz eta
13:00etan gaztelaniaz; eta bi arratsaldez,
16:00etan euskaraz eta
17:00etan gaztelaniaz.
Ordu jakin horretatik kanpo talderen
batek beste orduren batean
egin nahiko balu, museoko arduradunekin
hitz egin beharko luke. Tailerra
egin edo ez aukeran dago. Era
berean, bisitariak berak erabakitzen
du zein arlo sakondu: suarena,
margoena edo ehizarena.
Ikasturte garaian, lan handia egiten
dute ikastolekin, baina norbanakoei
eta taldeei ere eskaintzen
diete ikastolentzako eskaintza.
Izan ere, haur, gazte zein helduentzako
tailer egokiak dira, eta adinaren
arabera moldatu egiten dituzte
azalpenak.
Oro har, ordubete irauten du tailerrak,
baina, maiz, ordua eskas samar
geratzen da. Batzuetan jendeak
ez du parte hartu nahi izaten,
eta nahiago du gidaren erakustaldia
ikusi. Taldeko kide askok proba
egin nahi dutenean, ordea, ordua
ezerezean geratzen da. Animaliak
ehizatzea eta sua egitea ez da dirudien
bezain erraza. Pazientzia
handia eta denbora asko eskatzen
dute zeregin horiek, eta ordubetean
ezer gutxi egin daiteke.