Behi-mindetako gantz azido lurrunkorren, fenolen eta ... - Euskadi.net

diklorofenola eta 2,3,4-triklorofenola), lan honetan aztergai ditugun fenolak (fenola,
4-metilfenola eta 4-etilfenola) ez direla deribatizatzen frogatu dugu.
Errepikakortasuna
Errepikakortasuna aztertzeko behi-minda diluitua eta purgatua analitoen
kontzentrazio ezagunekin dopatu da. Hiru alikuota dopatu eta ontzi bakoitzaren
gainean neurketa bat burutu da. Azido iso-pentanoikoaren eta azido heptanoikoaren
kasuan izan ezik, barne estandarrekiko zuzendutako desbiderazio estandar
erlatiboak %20a baino baxuagoak dira (ikus 6.6. Taula).
6.6. Taula: Gantz azido lurrunkorren, fenolen eta indolen desbiderazio estandar erlatiboak (%D.E.E.).
Analitoak HAz HPr HIBu HBu HIPe HPe HHex HHep
% D.E.E 16,7 9,6 2,3 18,5 20,8 9,7 3,4 20,8
Analitoak Ph 4MPh 4EPh In 3MIn
% D.E.E 19,3 10,6 8,1 17,8 12,2
Kalibrazio-Kurbak
Aurreko ataletan kalibrazio-kurbak matrize-efektuarekin eta efekturik gabe
aztertu dira, agerian geratuz matrizeak kalibrazio-kurben sentikortasunaren gainean
duen eragina. Hau dela eta, atal honetan aztertu diren kalibrazio-kurbetan matrize-
efektuaren eragina hartu da kontuan. Beraz, azido azetikoa eta azido propanoikoa
1,7-4,1 mg·l -1 bitartean kalibratu dira, 0,7-1,7 mg·l -1 bitartean azido iso-butanoikoa eta
azido butanoikoa, 0,2-0,5 mg·l -1 bitartean azido iso-pentanoikoa eta pentanoikoa,
0,06-0,16 mg·l -1 bitartean azido hexanoikoa eta heptanoikoa eta 0,03-0,12 mg·l -1
bitartean fenolak eta indolak. Barne estandarrak 2,8 eta 1,2 mg·l -1 kontzentrazioan
gehitu dira azido azetiko deuteraturako eta fenol deuteraturako, hurrenez hurren.
Lortutako kalibrazio-kurben ekuazioak 6.7. Taulan bildu dira, kasu guztietan barne
estandarrarekiko zuzendutako ekuazioak, hain zuzen ere. 6.2. Irudian gantz azido
lurrunkor deribatizatuen kromatograma ikus daiteke.
156