Behi-mindetako gantz azido lurrunkorren, fenolen eta ... - Euskadi.net

klimatikoak, hartutako proteina eta askatutako nitrogenoaren balioak kontuan
hartuta burutu den konposatu nagusien analisiaren emaitza.
8.9. Irudia: Minda-zuloetan (A, B, C) egindako gas-laginen neurketen emaitzak, behien janaren eta
datu klimatikoen erlazioa aztertzeko puntuei (scores, urdinak) eta zamei (loadings, gorriak) dagokien
irudi bikoitza (bi-plot) bigarren osagai nagusia (PC2) lehenengo osagai nagusiarekiko (PC1)
irudikatzerakoan.
Berriro ere eta auzune ondoko behitegian egindako azterketan ikusi bezala,
emaitzak lagina hartzen den hilabetearen arabera taldekatuta daude, hartzen den
garaiak eragina izanik. Bestalde, hilabete bakoitzean behitegi-motak (A, B eta C)
joera berdina erakusten dute taldekatzeko. Urrian hartutako laginaren emaitzak
tenperaturarekin erlazionatuta daude eta hile horretan tenperaturarik altuenak eta
kontzentraziorik altuenak behatu dira, aurretik aipatu bezala. Gas-laginen kasuan,
proteina gordinaren kantitateak behitegi-motan duen eragina ez da nabarmena, ez
baita behi-motaren arabera (A, B, C) taldekatzerik behatu.
8.10. Irudian aurkezten dira behitegi bakoitzaren behi-minda likidoan iraileko
(1), urriko (2), azaroko (3) eta abenduko (4) azterketetan lortutako konposatuen
kontzentrazioak, datu klimatikoak, hartutako proteina eta askatutako nitrogenoaren
balioak kontuan hartuta burutu den konposatu nagusien analisiaren emaitza.
209