Behi-mindetako gantz azido lurrunkorren, fenolen eta ... - Euskadi.net

Deribatizazio-modu hau gernuko anfetaminen analisian erabili da
deribatizatzaile gisa anhidrido trifuoroazetikoa (TFA) erabilita (Jurado, 2000).
Deribatizatzailearen erauzketaren osteko analitoaren erauzketa eta deribatizazioa
Hirugarren kasu honetan, lehendabizi deribatizatzailea zuntzean erauzten da
eta gero zuntza laginarekin kontaktuan jartzen da (ikus 1.13. Irudia). Modu horretan
ere deribatizazioa zuntzean bertan ematen da. Erabiltzen den deribatizatzailea ez da
oso lurrunkorra izan behar, analitoaren erauzketan zehar deribatizatzailea zuntzetik
askatu ez dadin. Normalean, deribatizatzailearen erretentzioa egiteko zuntza buru-
gunean jarri ohi da, baina zuntza deribatizatzailaren disoluzioan murgilduta ere egin
daiteke (Stashenko, 2004).
Modu horretan deribatizazioa aurrera eraman duten zenbait aplikazio daude,
hala nola, hidroxikarboniloen determinazioa elikagaietan (Reisen, 2003), aldehidoen
analisia garagardo eta uretan (Vesley, 2003; Tsai, 2003), herbizida azidoen,
triklosanoa eta anti-inflamatorioak diren sendagaiak ur-laginetan (Rodríguez, 2004;
Canosa, 2005; Rodríguez, 2005), gantz azido lurrunkorren analisia uretan (Pan, 1995;
Pan, 1997) eta gizakietako aho hatsean dagoen azetona neurtzeko ere erabili da
(Deng, 2004).
1.13. Irudia: Deribatizatzailea erauzi ondoren analitoen erauzketa egiten da eta deribatizazioa zuntzean
gertatzen da.
36