Behi-mindetako gantz azido lurrunkorren, fenolen eta ... - Euskadi.net

erabaki da. Horrela, zurien seinalea hobetzea lortu da baina, hala eta guztiz ere,
analitoen aztarnak ikusten dira zurien kromatogrametan.
Horrela, materialaren garbiketan finkatu eta purga-sistemako saiodiak,
ferrulak, torlojuak eta orratza bera garbitzeko prozedura desberdinak saiatu dira.
Lehenengo urratsetan soilik saiodiak garbitu dira. Ura eta xaboiarekin garbitu
ondoren, azetona eta Elix urarekin urberritu eta 150°C-an labean lehortu dira.
Prozedura eraginkorra ez denez, ultrasoinu-bainuan eta azetonarekin 15 min-z
garbitzea erabaki da. Horrela, seinaleak txikitzen dira baina emaitzak ez dira
optimoak. Ondorioz, saiodiak ez ezik, tefloizko ferrulak eta metalezko torlojuak ere
garbitzea erabaki da. Saiodiak eta tefloizko ferrula handiak ultrasoinu-bainuan eta
azetonatan 15 min-z garbitu dira eta metalezko torlojuak eta tefloizko ferrula txikiak
xaboiarekin eta Elix kalitateko urarekin. Lehortzeko, saiodiak muflan 350°C-an 15
min-z berotu eta bestelako piezak labean 150°C-an beste 15 min-z mantendu dira.
Aurreko pieza guztiak garbitzeaz gain, orratza ultrasoinu-bainuan eta azetonatan
garbituz eta labean lehortuz emaitzak hobetu dira. Ultrasoinu-bainuko garbiketa 15
min-tik 30 min-ra luzatzeak ez dakar hobekuntza nabarmenik.
Aurretiaz aipatutako guztia kontuan hartuta, garbiketa modu honetan egin da.
Saiodiak, ferrula handiak eta orratzak bikoiztuta daudenez, hauentzat garbiketa
prozesua aipatu bezala egin daiteke: ultrasoinu-bainuan 15 min-z azetonatan eduki
eta, ondoren, saiodiak muflan 15 min-z 350°C-an lehortu eta ferrulak eta orratza 15
min-z 150°C-ra dagoen labean. Metalezko torloju eta ferrula txikiak, berriz, ez daude
gure P&T-rako eskuragarri eta, beraz, garbiketa-denbora minimizatu behar da
analisiak gehiago ez luzatzeko; ura, xaboia eta Elix urarekin pasatu ondoren, 5 min-z
bakarrik sartuko dira 150°C-ko labean lehortzera, nahiz eta seinaleak horrela 15 min-
z lehortzen edukita lortzen direnak baino pixka bat kaskarragoak izan. 3.6. Irudian
aurreko garbiketarekin lortzen diren seinaleak ikus daitezke hasieran lortutakoekin
erkatuta. Ikus daitekeenez, zurien hobekuntza nabaria izan da. Hala ere, 3MIn-aren
seinalea esanguratsua da eta analisiz analisi zuri bat tartekatzea gomendatzen da.
77